Galdera motak

Galderen esanahiari erreparatuz gero

Lortu nahi den helburuaren arabera galdera mota desberdinak aukeratuko dira:

• • Galdera pertsonalak: elkarrizketatuaren bizimoduari, nortasunari, ohiturei eta zaletasunei buruzkoak.

Adibidez:

Nolakoa zen zure eskola?

Txikia, ikasle guztiak gela batean geunden.

• • Galdera profesionalak: elkarrizketatuaren lanbidearen ingurukoak.

Adibidez:

Zer-nolako tresnak erabiltzen ziren behiak jezteko?

Tresnak? Ja, ja,...eskuak, ontzia eta aulkitxoa.

• • Iritzizko galderak: edozein gairi buruzko iritzia jasotzeko galderak.

Adibidez:

Zein zen zuretzat unerik onena?

Ikasturte amaieran eskola txiki guztiak biltzen ginenean, jolas, txapelketa eta erakusketetan parte hartzen genuen.

Erantzunei erreparatuz gero

• • Galdera itxiak: erantzun mugatua daukatenak dira: bai/ ez.

Adibidez:

Tortolosetan aritzen zinen?

Bai.

• • Galdera irekiak: erantzun luzeagoa eta irekia emateko gehiago.

Adibidez:

Zein zen gehien gustatzen zitzaizun jolasa?

Niri ezkutaketan jolastea gustatzen zitzaidan.