6. As calidades do son

Como ben sabes, non todos os sons son iguais, polo que é posible que distingamos uns dos outros. Chamamos Calidades do Son ás características que nos permiten diferenciar uns sons dos outros.

Existen catro Calidades do son:

1. A duración.

É a calidade que nos permite distinguir entre sons curtos e longos.

En Música, para indicar a duración empregamos as figuras e os seus correspondentes silencios.

2. O volume ou intensidade.

É a calidade que nos permite distinguir entre sons febles e fortes.

En Música empregamos unha ampla gama de palabras italianas para indicar as distintas intensidades. Aquí as tes, coas súas abreviaturas.

Cando o compositor quere facer un cambio progresivo de intensidade (como ocurre na peza que temos escoitado) pode empregar os reguladores.

3. A altura ou ton.

É a calidade do son que nos permite distinguir entre sons graves (que soan abaixo) ou agudos (que soan arriba).

Para indicar a diferente altura do son, en Música empregamos as notas:

4. O timbre.

É a calidade que nos permite distinguir o son producido por diversos instrumentos ou as voces de diferentes persoas.