GEDIGTE BLAD

Mamma, soveel woorde is al geskryf,

soveel liedjies al gesing

nog nie een –

kon u waarde na reg besing.

Skrywers en digters speel met woorde,

woorde saam met musiek akkoorde,

tog kom daar altyd iets kort-

u liefde, u omgee, u troos

alles mildelik vir u kroos,

kan niemand na waarde beskryf.

Mamma, u is uniek ek het u so Lief,

God het U vir my uitgesoek.

soos geskryf in die Lewensboek-

om my te leer van geloof hoop en liefde,

Die grootste hiervan die “Liefde”.

Mamma, U liefde is só spesiaal,

ek kan net vreugde daaruit haal.

U opregtheid weg van alle pretensies,

verander soveel in baie mensies.

U bemind deur groot en klein,

u opvoeding so fyn.

U leer my liefde die natuur en elke dier,

U put soveel vreugde uit blomme mooi-

u tuin altyd in blomme prag getooi,

u oë wat altyd van liefde straal,

u vreugde lag elke dag-

Mamma u is so spesiaal!

Toe siekte U laat kwyn

kanker binne u pyn

Die dood u weg skeur met venyn,

Geen mens sal ooit verstaan,

hoeveel hartseer was in elke traan.

Die leemte deur u gelaat,

ek het seerkry gehaat,

om te weet dit is vaarwel

was regtig ware hel.

Net God kan regtig weet

dat ek U nooit kan vergeet.

Dankbaar is dat ek weet,

dat u by Jesus op my wag-

Mamma ek het u lief.

Geskryf deur Ans Coetzee

© Kopiereg 2008

Opgedra aan my mammie