आपल्या प्रेक्षकांना खरं तर 'ॲन्ड दे लिव्ह्ड हॅप्पीली फॉरेव्हर!' यासारख्या कोणत्या तरी कन्क्लुजनला आणून सोडणारे चित्रपट पाहण्याची नको इतकी सवय लागलेली आहे. सारा प्रवास दिग्दर्शकानंच घडवून आणायचा आणि त्यानंतर तो प्रवास व्यवस्थित घडवलाय किंवा नाही, हे ठरवणंच फक्त प्रेक्षकांच्या हातात असतं. त्यामुळं 'डोक्याला ताप नाही' किंवा 'निव्वळ डोक्याला ताप' पॅटर्नच्या चित्रपटांचा भडीमार आपल्यावर सातत्यानं होत राहिला. नागराज मंजुळेच्या 'फँड्री'नं गत वर्षी एक भला मोठ्ठा दगड भिरकावून या पॅटर्नचा चक्काचूर केला. त्यामुळं तो दगड भल्याभल्यांना कुठं कुठं लागला आणि त्या जखमा वेगवेगळ्या पद्धतीनं कशा भळभलत राहिल्या, याचे आपण सारेच साक्षीदार आहोत. चैतन्य ताम्हाणे हा नागराजच्या पुढं एक पाऊल जातो आणि एक सणसणीत चपराक थोबाडात देतो आणि 'कोर्ट' स्थगित करतो. (सविस्तर वाचा..)