Heima- og sjálfsnám í Síðuskóla

Eins og fram hefur komið síðustu daga eru sérstakar aðstæður uppi í samfélaginu. Það á einnig við um okkur hér í skólanum og eins og staðan er núna gerum við ráð fyrir að unglingastigið, þ.e. 8. – 10. bekkur, vinni heima héðan í frá. Við höfum því sett upp þessa síðu til að auðvelda nemendum og foreldrum aðgengi að námsefni og upplýsingum.

Hér til vinstri er hægt að skoða hvað er í boði og með hvaða hætti foreldrar og forráðamenn geta aðstoðað nemendur við námið. Þó við séum ekki með hefðubundinn skóladag eiga allir að hafa aðgengi að efni, ásamt þeim verkefnum sem kennarar leggja til. Hér neðar á síðunni má sjá nánara skipulag á því.

Síðasta vika gekk mjög vel og fundum við vel að allir ætla að vinna saman að því verkefni sem við stöndum frammi fyrir. Það er því mikilvægt að vera í góðu sambandi við skólann og kennarana til að hafa sem bestar upplýsingar um nám nemanda meðan á þessu fyrirkomulagi stendur.

Stjórnendur Síðuskóla