Zer sukaldatu dezakegu kiwiekin?

Kiwia C bitamina kopuru handia duen fruta da, erditik moztuta goiarekin jan daitekeena edota xerretan moztuta esnekiekin edo beste fruta batzuekin batera.

Jarraian, ESHBI-k (Bilbao Osatalaritza Goi Eskola) iradokitako Kiwi eta mango tartarra errezeta duzue. Sasoiko elikagaiekin egindako errezeta gehiago aurki ditzakezue Sasoiko fruta eta barazkien egutegi multikanala lantaldeak egindako fitxa bilduman.

Osagaiak: (4 lagunentzat)

• 4 kiwi
• 100 g mango
• 1 g glukonolaktato
• 500 ml ur
• 3 g alginato

*Alginatoa algetatik ateratako polisakarido bat da. Substantzia horrek glukonolaktatoarekin erreakzionatzen du, barruan likidoa gordetzen duten esfera egonkor eta erresistenteak sortzeko. Ahoan esfera horiek zartatzea eta barruko likidoa askatzea esperientzia benetan erakargarria da; hori dela eta, gero eta gehiago erabiltzen da gastronomia modernoan.

Prestaketa:

1. Mango-purea eta glukonolaktatoa nahasi.

2. Alginatoa uretan birrindu eta edukiontzi zabal batean jarri.

3. Alginato-bainuan mango-purearen kantitate txikiak isuri koilara bat erabiliz, mango-gorringoak osatzeko. Ondoren, gorringoak bainutik atera eta uretan sartu.

4. Kiwia kubotan zatitu.

5. Kiwi kuboekin uztai bat bete eta, gainean, gorringoa jarri, steak tar-tar baten itxura emanez.