Os fidget toys serven para mellorar a concentración, reducir a ansiedade e canalizar a enerxía nerviosa, actuando como ferramentas sensoriais discretas que axudan aos nenos e nenas (especialmente con TDAH ou TEA) a autorregularse, liberar estrés e manter a atención en tarefas facilitando a aprendizaxe a través da manipulación táctil.

Por iso decidimos facer un  Calm-Down Corner (Recuncho da calma) na aula de inglés con diferentes xoguetes feitos coa impresora 3D Creality 1  para comprobar resultados tanto co alumnado con NEE como para aqueles alumnos que lles sexan útiles en momentos de transición ou traballo individual durante actividades que requiren atención plena e sen distraccións.