FAQ

Kva er eigentleg ped.dig?

 Peddig står for pedagogisk digital gruppe. Gruppa består av representantar frå barnehage, barneskule, ungdomsskule, vaksenopplæring, PPT, IKT-drift, Tryggleik og Utvikling. Denne gruppa vart laga som eit ledd i harmoniseringa av ny kommune, og har representantar frå alle dei tre gamle kommunene. Representantane frå skule er lærarar som står i klasserommet med førstehandskunnskap om kva som skjer der.

Kva kriterium vart sett for innkjøpa for 20/21?

Mål: digitale verktøy/læremiddel som er med å hjelpe den enkelte lærar og elev til å møte krava i fagfornyinga og i ny læreplan, LK20.

Dei fleste av verktøya/læremidla som er kjøpt inn er enten fagovergripande eller fagverktøy som kjem innanfor kriteria under:

Kreativitet – aktive elevar.

Fokus på forståing og prosess – ikkje spørsmål/svar.

Omvendt undervisning.

Fokus på omgrep, kompetansebygging og djupnelærande elevar

Det er viktig at ein brukar pengar på læremiddel – at det ikkje blir opp til den enkelte lærar å finne lærestoff.

Kvifor valde ein å kjøpe inn Skolen frå Cappelen Damm?

I innkjøpsprossesen var ein oppteken av å kjøpe eit fagovergripande verk etter ny læreplan. Økonomisk veit ein at ein ikkje får kjøpt inn læreverk (analoge og digitale) til alle fag på same tid. Mange av læreverka er heller ikkje ferdige. Det er difor viktig å kjøpe inn eit supplement som lærarane kan bruke saman med dei gamle bøkene/ ressursane som ligg ute på nettet for å oppfylle ny læreplan. Innkjøpsreglementet seier at slike store innkjøp kan ein ikkje gjere utan å hente inn tilbod frå minst tre tilbydarar. Vi sette ein del kriterium som vi sendte ut til Gyldendal, Cappelen Damm og Aschehoug. 

                                                    i. Skal dekke alle fag

                                                   ii. Kan stå åleine, utan bøker og tilleggsressursar

                                                  iii. Skal vere tilgjengeleg på alle trinn

                                                  iv. Fokus på tverrfagleg tema

                                                   v. Fleksibelt for lærar

                                                  vi. Omvendt undervisning

                                                vii. Adaptivitet i matematikk

                                               viii.     God oversikt over den enkelte elev

                                                  ix. Tilpassa lesing

                                                   x. Pris

I tilboda vi fekk var Skolen suveren på pris, og det einaste som var tilgjengeleg på alle/ dei fleste trinn. Etter innkjøpsreglementet måtte vi difor velje Skolen framfor dei to andre. Det at ein opplever Skolen som uferdig, er kanskje litt av grunnen til at vi faktisk hadde råd til å kjøpe dette.

Kvifor har vi ikkje Multi Smart Øving?

Sjå over. Multi Smart Øving var ein del av Gyldendal sin pakke, som ikkje vann fram i konkurranseutsetjinga. Multi Smart Øving er også eit veldig dyrt verktøy til å berre vere eitt av fleire element i eit verk. Når vi i tillegg då vidareførte avtalen med Kikora - som arbeider med fullstendig læreverk i matematikk, var der ingen grunnlag for å vidareføre MSØ. Skulane står likevel fritt til å kjøpe lisens sjølv.

Korleis blir innkjøpsprosessen for neste skuleår?

Vi er inne i ein prosess der vi jobbar med ein god plan for involvering og informasjonsflyt. Mykje av frustrasjonen dette året kan vi føre tlbake til dette med informasjonsflyten. Sjølv om ein ønsker meir involvering er det viktig at vi har stabilitet i den fellespakken som skal ut på skulane. Det tek tid å lære seg nye verktøy og å bruke dei på ein god pedagogisk måte. Spørsmålet vi må stille oss er då korleis ein kan sikre både lærarprofesjon, stabilitet, innkjøpsreglar, gdpr og økonomi?  I tillegg til fellespakken frå kommunen vil skulane ha sin pott med pengar til undervisningsmateriell. Kva desse pengane blir brukt til er opp til den enkelte skule/rektor.

Vil vi få meir kurs?

Vi jobbar med å få til ei intern kursrekke over jul med webinar på ulike verktøy og tema. Gi gjerne tilbakemelding om du sit med kompetanse som andre kan få nytte av. Erfaringsdeling er mykje av nøkkelen for å lukkast, både kommunalt og på den enkelte skule.