2.戲劇腳本

知足就是快樂

                       陳美蘭  董淑連共同創作

媽：人生七十才開始,今天算來是4歲....老歲仔人袂曉唱歌毋通徦我笑

孫：哀喲！阿媽從庄頭到庄尾誰毋知你是死會，這免擱宣傳啊啦！歸世界是阮阿媽上phann的喔！毋通徦阮phann去

媽：猴死囡仔，你香港腳咧發作啊hioh？

孫：(腳伸出來搓一下)無啦！呔有！

媽：我是講你皮咧癢！

孫：(抓一下皮膚→猴樣)哪有？

媽：發電廠秀逗→欠電。你！(欲共khian)

孫：阿媽！   你家己講你死會的呢！

媽：我囝囉！(口頭語)人我是講,我今年才4歲！毋是死會.囡仔人有耳無喙

孫：有尻川袂放屁

媽：你- - - --

孫：是講~阿媽你明明著六七十歲矣!呔會是四歲?

媽：阿孫也!人講:人生七十才開始.阿媽今年七十四.扣掉七十.當然嘛是四歲!

孫：哦!原來是按呢喔!

媽：含投攏摳起來，無錯！

孫：按呢!阿媽你陪我來走相逐?

媽：我囉!阿媽即把老骨頭~走袂振動啊啦!等咧散了了就費氣!

孫：阿媽!你免煩惱啦!我大漢欲來讀~護理系~護理系!看我就好矣!

媽：予我死(心跳加速.呼吸急促的樣子)

孫：阿媽!你是按怎?我緊叫媽媽來予你勇氣(氧氣).較緊死死咧.較快活!

媽：唉!外甥仔娶某~了然喔!無采阿媽遮疼你.你 - - - - -唉(嘆氣聲)

孫：阿媽!你無愛我去做護士!按呢!我莫讀~護理系的就好矣!你莫擱艱苦啊啦hoonnh

媽：hann5!做護士喔!我料準~你叫阿媽較緊死死咧?

孫：阿媽!你是我上愛的阿媽呢!我才毋甘咧!

媽：後擺話愛講予好勢!是護理系(he7)!毋是予你死!差一點仔予你驚驚死!

孫：是!遵命!

媽：乖~

孫：我講一個好消息!共阿媽壓驚一下!

媽：啥乜好消息?講來阿媽鼻芳一下!

孫:：啊都…我今仔日佇學校[朗誦]~主任賞我五百元哦!

媽：啥!人爽!就有五百元好領 我嘛欲來!

孫：阿媽!你敢有法度?

媽：呔無法度!人講:知足就是快樂!我逐工人攏嘛足爽也!

孫：毋是啦!阿媽……

媽：阿無是啥?

孫：是---提文章按呢(朗誦動作)唸予逐家聽!

媽：hoo~你這~台灣國語~定定共阿媽hut徦滿天全金條!欲sa毋半條!

孫：只要會當予阿媽笑微微!管伊是~台灣國語?抑是ABC?

媽：唉!阮即個乖孫也擱誠捌代誌喔!

孫：無啦!是阿媽敖牽教!

媽：(點頭)

孫：阿媽!定定聽人講~食老有三禾黑?

媽：(馬上接)無啦!啥乜三禾黑?是三寶!

孫：hann5!那毋捌聽人講過~是新的哦!(向人展示的模樣)

媽：嗯!

孫：阿是佗三寶?

媽：知識飽飽~親像阿不倒~是頭一寳

孫：(做不倒翁的動作~很快樂)阿第二寳咧?

媽：經驗豐富~予你考袂倒~是第二寳!阿若是第三寶就是~袂振袂動~眠床倒

孫：阿媽!這哪是寳?

媽：啊!講了傷緊~講了傷緊.是- - - - - -金銀財寶啦!

孫：唉呦~!有影都著!啊 !阿媽!快樂是啥乜?

媽：阿孫也!知足就是快樂!

孫：喔!知足就是快樂喔!

媽：快樂就是幸福

孫：快樂就是幸福!若按呢~快樂是值偌濟?

媽：快樂喔!快樂是無價之寳~

孫：安！我知我知！毋管是４歲 猶是74歲 攏是愛快樂啦！ 阿媽

媽：喂！乖孫也

落台 一行禮