肆、紅磚仔圓栱門（âng tsng-á uân-kong-mn̂g）

肆、紅磚仔圓栱門（âng tsng-á uân-kong-mn̂g）

逐爿古蹟教室攏有10間教室，為著欲予逐家進出較方便，就佇教室中間設置4個紅磚仔圓栱門，向望逐家雙雙對對、萬年富貴。

學生逐工對校門行入來了後，經過遮圓栱門的時陣，就會提醒家己著愛遵守學校的規定，認真拍拼求進步。遮嘛是細漢囡仔同齊耍覕相揣上蓋好的所在。

恁逐家斟酌看！遮的紅磚壁堵有啥物無相仝的所在？

本底，日本時代捌共遮用門圍起來，做值夜勤的宿舍。幾若塊的紅磚頂懸就是有鐵釘的空痕。