Embedded Files
Vim li cas thiaj ua daim ntawv thov nyiaj FAFSA?
Vim li cas thiaj ua daim ntawv thov nyiaj FAFSA?
Daim Ntawv Thov Nom Tswv Nyiaj Pab Me Nyuam Kawm Ntawv (FAFSA) yog ib daim ntawv nej yuav tau ua thiaj tau cov nyiaj pab ntawm nom tswv los pab them tsev kawm qib siab. Txhua xyoo, li ntawm 13 vam (million) tawm leej me nyuam kawm ntawv ua daim ntawv thov nyiaj FAFSA kom tau $120 txhiab vam (billion) ua nyiaj pub (grants), nyiaj them ua hauj lwm (work-study), thiab cov nyiaj txais laum qis los ntawm U.S. Feem Kev Kawm Txuj. Ntau lub xeev thiab cov tsev kawm qib siab kuj siv daim ntawv thov nyiaj FAFSA los txiav txim xyuas seb cov me nyuam twg thiaj yuav tau txais nyiaj pab – thiab seb lawv yuav tau txais npaum li cas. Daim ntawv thov nyiaj FAFSA nug kom muab cov ntaub ntawv hais txog nej thiab nej tsev neeg cov nyiaj tau los, xws li cov ntawv ua se rov qab (tax returns) tib si, yog li ntawd nej yuav tau kom nej niam thiab txiv pab ua daim ntawv thov nyiaj. Yog tias nej xav tau kev pab ntxiv, hais mus rau nej lub tsev kawm ntawv tus kws pab tswv yim.
Cov Ntsiab Lus Hais Txog FAFSA
Cov Ntsiab Lus Hais Txog FAFSA
Xa daim ntawv thov nyiaj FAFSA mus yog qhov tseem ceeb tshaj plaws nej yuav muaj cuab kav ua tau yog tias nej xav tau nyiaj pab.
Daim ntawv thov nyuaj FAFSA yog ua dawb xwb – nej tsis tas them nyiaj rau tej tus neeg los npaj nws rau nej.
Nej yuav tau xa ib daim ntawv thov nyiaj FAFSA tshiab ua ntej txhua xyoo pib uas nej xav tau nyiaj pab. Yog tias nej npaj ua ntaub ntawv thov nyiaj pab thoob plaws hauv lub tsev kawm kawm qib siab, nej yuav tau ua daim ntawv thov nyiaj FAFSA txhua xyoo.
Xyuas meej los siv ib tus email kav ntev rau hauv daim ntawv, uas tsis yog nej tus email hauv tsev kawm phaj siab, kom nej thiaj yuav muaj cuab kav siv tau nej tus account FAFSA thoob plaws hauv tsev kawm qib siab.
Daim ntawv thov nyiaj FAFSA tau muab ua luv zog thiab tsim dua tshiab rau thaum lub caij nplooj zeeg 2023 lawm kom nws yooj yim zog rau los ua ntawv thov nom tswv cov nyiaj pab me nyuam kawm ntawv.
Cov me nyuam kawm ntawv nyob hauv chav kawm 2024 tuaj kawm hauv tsev kawm qib siab rau thaum caij nplooj zeeg 2024 thiab lwm cov me nyuam kawm ntawv ua daim ntawv thov nyiaj FAFSA yuav tsis muaj peev xwm ua kom nws tiav txog rau thaum lub Kaum Ob Hlis 2023 uas tsis yog thaum lub Kaum Hli li nws ib txwm qhib lawm.
Leej Twg Thiaj Yuav Tau Ua Daim Ntawv Thov Nyiaj FAFSA?
Leej Twg Thiaj Yuav Tau Ua Daim Ntawv Thov Nyiaj FAFSA?
Txhua tus npaj yuav mus kawm hauv tsev kawm qib siab nyob rau lwm xyoo yuav tsum tau ua daim ntawv thov nyiaj FAFSA.
Ntawm no yog qhov vim li cas:
Txhua xyoo, tshuav vam – qee zaus yog txhia pua vam – dollars hauv nom tswv cov nyiaj pab seem tseg los ntawm cov me nyuam kawm ntawv uas tsis ua daim ntawv thov nyiaj FAFSA mus. Nws yooj yim: Yog tias nej tsis ua mus, nej yuav tsis tau txais cov nyiaj pab feem ntau.
Nej tsev neeg tsis tas muaj nyiaj tsawg tsawg thiaj li tsim nyog tau txais kev pab. Txawm tias nej tsev neeg tau nyiaj $200,000 ib xyoos, los nej yuav muaj cuab kav tau txais cov nyiaj pab.
Nej yuav tau txais qhov nyiaj txais nrog tus laum qis qis thaum nej xa daim ntawv thov nyiaj FAFSA mus. Cov nyiaj txais yuav pheej yig rau los mus them rov qab dua lwm cov nyiaj txais rau me nyuam kawm ntawv.
Ntau qhov kev them nyiaj ua hauj lwm (work-study programs) kee kom ua daim ntawv thov nyiaj FAFSA.
Qhov nyiaj pub (merit-based scholarships) kee kom ua daim ntawv thov nyiaj FAFSA los pab lawv txiav txim xyuas qhov nyiaj pab dawb.
Page updated
Report abuse