1-Sarrera.

Irudi lauen eta gorputz geometrikoen izenak eta azalera eta bolumenaren formulak

ikusiko ditugu. Oinarrizko izen eta formulak ikasteko ariketak:

- Moodlen 2 kontzeptu mapa: irudi lauak eta gorputz geometrikoak

- Ariketa txostena:

• Sailkapenak

• Perimetroa, Azalerak eta Bolumena.

• Unitate alkaketak

2- Taldeak gutxienez bost gorputz geometriko aukeratuko ditu, horien garapena egin eta ondoren eraiki.

Nork zer egingo duen banatzerakoan lanaren konplexutasuna eta taldekideen trebetasuna kontuan izango duzue.

Kontuan hartzekoa:

• Aukeraketa horretan derrigorrez prisma bat, piramide bat eta gorputz biribil bat egongo da.

• Lan honetarako esfera alde batera utziko dugu.

• Gorputz horien altuera gutxienez 20cm izango da, eta gainontzeko neurriek itxura-oreka

• mantenduko dute.

- Bost gorputz horien garapena egin eta eraiki ondoren, ondoko kalkulu hauek egingo ditugu:

• Azalera osoa eta Bolumena.

Taldean eraikitako gorputzekin gaiarekin lotura izan dezakeen eskultura bat osatuko dugu. Izena jarriko diogu. Eskultura horren azalera osoa eta bolumena kalkulatuko dugu.

Ondoren, banan-banan egindako kalkuluak eta sortutako eskulturarekin egindakoak erlazionatu eta alderatuko ditugu.

3- Aplikazio praktikoa:

Demagun Lauaizeta Ikastolak bertatik pasa diren ikasleen omenez, 5 metroko eskultura bat jarri nahi duela bere sarreraren inguruan; eta horrekin batera, auzotarren artean ezagutarazteko, eskulturaren formarekin kristalezko pitxar bat egin nahi duela.

Horretarako proiektu lehiaketa bat antolatuko dugu. Bertan egin beharrekoak honako hauek dira:

1) Eskulturaren maketa

2) Proiektuaren fitxa teknikoa:

- Diseinatutakoaren izena eta zergatia

- Bolumena eta azalera osoa

- Erabili beharko den eskala.

- Aurrekontua: Erabiliko den margoa eta hormigoia. Deskontuak eta zergak.

- Pitxarraren edukiera.

Guri asmo horren inguruko hainbat kalkulu egitea dagokigu:

• Zenbat m³ hormigoi beharko dute hain eskultura handia egiteko? Eta margoa?

• Zein da pitxarraren edukiera?

BI ESKAINTZA DAUDE:

1) ERAIKI MARGO DENDA

• Hormigoia. 25kg-ko zakuak. 30€ + BEZ(%12)

• Margoa. 5 litroko poteak 45€+ BEZ(%12)

Denda honetan %15eko deskontua egiten digute.

HORMIGOIA: 1m³=1500kg

MARGOAk hartzen duen azalera: 1litro=4m²

2) LAN ETA LAN IGELTZERITZA DENDA

• Hormigoia. 25Kg-ko zakuak 35€+ BEZ(%12). Hiru zaku erosita 4. bat oparitzen digute.

• Margoa: 10litroko poteak 85€+BEZ(%12). Hiru pote erosita 4. bat oparitzen digute.

_____________________

Bietan esku lana berdina da:

4 langile, 5 egun, egunero 8 ordu eta ordua 26€

• Pitxarra dohain egingo digute, baina hori bai, kristalean grabatuta jarri behar dute zenbat ur sartzen den eta hori guri kalkulatzea dagokigu. Kalkulatu bere edukiera.

• Zenbat litro sartzen dira? Zenbat dl? Zenbat cl? Unitate egokiena aukeratu.

Hori guztiarekin aurrekontu bat prestatu beharko duzue, eta zein den komeni zaigun eskaintza zehaztu beharko dugu.

4- Gorputz geometrikoak gure inguruan. Tailerra martxan jartzen denetik aurrera zuen inguruan antzematen dituzuen gorputz geometrikoen argazkiak biltzen hasiko zarete. Horren helburua ingurune hurbilean gorputz geometrikoak identifikatzea da: zakarrontziak, teilatuak, farolak, eraikinak...

Gorputz geometrikoen argazkiekin sailkapena egingo dugu (prismak, piramideak...).

Argazki bakoitzean irudi-editore bat erabiliz (kolour paint...) identifikatu behar da zein den ikusten den gorputza (ikusi adibidea) eta izena jarri. Internetetik ezin dira hartu.

5- Talde bakoitzak Driven dokumentu bat izango du, lan-txostena izango dena. Pausoz-pauso hori betetzen joan beharko dute, horretarako ezarritako epeak errespetatuz. Bukaeran, txosten hori txukundu beharko dute, eta hori bera izango da, gelan besteen aurrean azalpena egiteko erabiliko dutena:

Bertan agertuko da:

1.- Eraikitako gorputz geometrikoen argazkiak, azalera osoa eta bolumena

2.- Gorputz horiekin eginiko eskulturaren argazkia + azalera osoa eta bolumena

3.- Egin beharreko aurrekontuak eta gainerako problemen ebazpena

4.- Kaleko argazkiekin eginiko gorputz geometrikoen sailkapena

6-Gelan aurkeztu. Talde bakoitzak 5 minutu izango ditu bere proiektua azaltzeko. Besteek

ebaluazio orri bat izango dute kideen lanak ebaluatzeko.

7-Erakusketa. Lan guztiekin erakusketa bat antolatuko dugu.

8-IPrentsa. Lan batzuk Iprentsa aldizkarian argitaratuko ditugu.

9-Talde bakoitzean, maketa bat aukeratuko dugu, eta Teknologian horren 2 metroko eskultura egingo dute. Hori aurrera eramateko orduan, taldean (gela osoa) kalkulatuko dute:

• • Eskalan eginiko gorputzen neurriak.

  • Horretarako beharko den egur xasfla kopurua kalkulatuko dute, beti ere materialaren erabileraren optimizazioa bilatuz.

9- Materiala. Gorputz geometrikoak eraikitzeko behar den materiala: Erregela, konpasa, kartulina, arkatza, kola.