Academic Achievements

بنکەی زانیاری ئیندێکس و ئەبستراکتی سکۆپەس(Scopus) نوێترین لیستی توێژەرانی عێراقی لە بوارە جیاجیاکاندا ڕاگەیاند و مامۆستایەکی پەیمانگەی تەکنیکی کوردستان توانی لە چەند بوارێکدا ئاستی بەرز تۆمار بکات.

بەگوێرەی ئەو لیستەی بڵاوکراوەتەوە، مامۆستای بەشی ئەندازیاری دیکۆر (د. هۆزان لطیف رؤف) توانیویەتی وەک تەنها توێژەر لە بواری پەروەردەی تەلارسازی/دیزاینی ناوەوە، یەکەم لە بواری پەروەردەی تەلارسازی بە دەستەواژەی “Architecture Education" وە دووەم دووبارە لە بواری پەروەردەی تەلارسازی بە دەستەواژەی “Architectural Education"لەسەر ئاستی عێراق بەدەستبهێنێت.

ئەو ڕیزبەندییە لەسەر بنەمای ژمارەی توێژینەوە پەیوەندیدارەکان، کە لە گوڤارە نێودەوڵەتییە ئاست بەرزەکان بڵاوکراونەتەوە و هەروەها ژمارەی سایتەیشنەکان ئەنجامدراوە.

سکۆپپەس (  (Scopus گەورەترین داتابەیسی تایبەت بە بڵاوکراوەی جیهانی ئێلسڤیرە (Elsevier) کە لەسەر بنەمای سایتەشن و ئەبستراکت ڕیزبەندیکراوە، لەبوارە جیاوازەکان دا.