Praktisk
Måltid
De vert servert lunsj, samt ei pause med frukt og snacks.
Matallergiar og andre diettomsyn legg vi til rette så godt vi kan for så framt at dette er meldt inn innan påmeldingsfristen.
Alle må hugse å ta med eiga drikkeflaske.
Vaksenleiarar som ønskjer kaffi/te gjennon dagen - ta gjerne med termokopp så sparer vi miljøet litt :)
Reise
Vi skal vere i Knarvik kyrkje i Knarvik. Adressa til kyrkja er Lonsvegen 100, 5914 Isdalstø.
Det er greit med parkeringsplassar ved kyrkja for dei som kjem med bil.
Kvart enkelt sokn har ansvar for å organisere reise for sine konfirmantar. Reisekostnadar er ikkje inkludert i deltakaravgifta.
Registrering startar klokka 11:00, og vi tildeler alle eit "innsjekkestidspunkt".
Programmet er tilpassa dei som har lang reiseveg/ fergeruter.
DUGNADSOPPGÅVER
For at festivalen skal verte ei god og trygg oppleving for alle, har vi behov for litt hjelp til dugnadsoppgåver som brannvakter under show, måltidsvertskap og ryddehjelp.
Alle sokn vil få tildelt nokre dugnadsoppgåver som de har ansvar for å dekke inn. Vi vil oppmode til at de ber føresette til konfirmantane om å stille, då dykk som er vaksenleiarar har ansvaret for å følgje opp konfirmantane undervegs i dei ulike programpostane.
Kvart sokn får beskjed om kor mange dugnadsoppgåver de har fått tildelt, som er basert på antall konfirmantar slik at store sokn vil få fleire dugnadsoppgåver enn små sokn å dekke.
Fordelinga ser slik ut:
Brannvakter under opningsshow (oppmøte kl. 11:00):
Austrheim/Fedje (1 person)
Knarvik (1 person)
Masfjorden (1 person)
Meland (1 person)
Radøy (1 person)
Brannvakter under avslutningsshow (oppmøte kl.15:45):
Austrheim/Fedje (1 person)
Gulen (1 person)
Osterfjorden (1 person)
Radøy (1 person)
Solund ( 1 person)
Måltidsvertskap lunsj (oppmøte kl. seinast kl.13):
Knarvik (2 personar)
Lindås (1 person)
Meland (2 personar)
Osterfjorden (1 person)
Måltidsvertskap snackspause (oppmøte kl.15):
Austrheim/Fedje (1 person)
Gulen (1 person)
Knarvik (1 person)
Lindås (1 person)
Ryddehjelp (kyrkja og Knarvik arena), oppmøte kl.15:30:
Knarvik (1 person)
Lindås (1 person)
Meland (2 personar)
Oppsummert antall personar som kvart sokn skal stille med til dugnadsoppgåver:
Austrheim/ Fedje: 3 personar
Gulen: 2 personar
Knarvik: 5 personar
Lindås: 3 personar
Masfjorden: 1 person
Meland: 5 personar
Osterfjorden: 2 personar
Radøy: 4 personar
Solund: 1 person
På førehand takk for hjelpa!
ARRANGEMENTSREGLAR
For at alle skal ha det bra på festival og oppleve arrangementet som ein trygg felleskap, har vi nokre reglar som gjeld for alle som deltek:
Konfirmantane deltek i alt av fellesprogram.
Under fellesprogrammet bruker vi ikkje mobilen.
Ingen reiser frå arrangementet utan etter avtale med sin leiar.
Det er ikkje løyve til å gå på Knarvik senter/butikken under festivalen.
Vi er hyggelege og snille med kvarandre, både dei vi kjenner og dei vi ikkje kjenner.
Vi rettar oss etter beskjedar som vert gitt av arrangør og gruppeleiarar.
Vi tek ikkje nærbilete eller filmar andre deltakarar utan aktivt samtykke frå den/dei som vert tatt bilde av/filma.
Arrangementet er røyk- og rusfritt. Energidrikke er heller ikkje lov å ta med eller nyte under arrangementet.
Det er ikkje lov med mat og drikke i kyrkjerommet.
Vi ønskjer eit reint og ryddig arrangement. Boss skal derfor berre kastast i bosspann. Soknet har kjeldesortering som vi rettar oss etter.
1 vaksenleiar pr 8 konfirmantar .
Vaksenleiarane frå sokna har ansvaret for sine konfirmantantar. KFUK-KFUM har ansvar for program og det praktiske rundt arrangementet.
Den einskilde deltakar er ansvarleg for skader på området som vedkomande er årsak til. Skader skal rapporterast til arrangør umiddelbart.
Det er ein føresetnad at dei ansvarlege vaksne frå kvart sokn følgjer opp reglementet ovanfor deltakarane sine. Ved behov for eventuelle sanksjonar vert dette gjort i samarbeid mellom arrangør og sokn.
Beredskap
KFUK-KFUM Bjørgvin vil legge grunnlag for eit arrangement der deltakarane skal kjenne seg trygge i dei aktivitetane som skjer på arrangementet. Derfor gjer vi naudsynte tryggleiksvurderingar og risikoanalyser i forkant og utarbeidar ein beredskapsplan for arrangementet for å kvalitetssikre tryggleik og beredskap.