Ysgol y Dderwen

Croeso cynnes iawn i chi a’ch plentyn i Ysgol y Dderwen.

Yn ystod y cyfnod y bydd eich plentyn o dan ein gofal, fe wnawn ein gorau i sicrhau y bydd bob amser yn hapus ac yn ddiogel yn ein plith ac yn derbyn addysg o’r radd flaenaf.

Mae pob plentyn yn bwysig i ni, beth bynnag fo’i gefndir, a’n braint ni, fel cymuned, yw eu symbylu a’u hysbrydoli, un ac oll, fel y cânt gyfle i gyrraedd eu llawn botensial. Rydym am weld holl ddisgyblion yr ysgol yn llwyddo a hynny o fewn awyrgylch cefnogol ac ysgogol lle bo parch at eraill – yn gyd-ddisgyblion ac yn oedolion fel ei gilydd – yn ganolog i’r cyfan a wnawn. 

Mae’r Gymraeg a’i diwylliant cyfoethog wrth wraidd ein cenhadaeth a bydd pob disgybl yn gadael yr ysgol maes o law yn hyderus ddwyieithog.   

Hyderaf y bydd y wybodaeth ar y wefan hon yn sail ar gyfer partneriaeth gref a chydweithio hapus rhwng y cartref a’r ysgol.

Os oes gennych unrhyw gwestiynau mae croeso i chi gysylltu â’r ysgol.

Yn gywir,

Llio Dyfri Jones

[Pennaeth Dros Dro]

A very warm welcome to you and your child to Ysgol y Dderwen.

Yours sincerely,

Llio Dyfri Jones

[Acting Headteacher]

O'r fesen, derwen a dyf