Ysgolion yn derbyn cyllid taith

Cysylltwch â ILG Taith Schools SOB trwy amanda@internationallinks.co.uk Mae gan International Links (Global) Ltd fynediad i rwydwaith byd-eang o addysgwyr a all gynnwys partner ysgol addas ar gyfer eich prosiect.

Cyn cyrraedd y rhwydwaith hwn, bydd angen y wybodaeth ganlynol ar yr SOB:

• Gwlad gyrchfan (gan gynnwys manylion unrhyw ranbarth(au) penodol y mae gan eich ysgol ddiddordeb ynddynt);

• Gweithgareddau i’w cyflwyno yn eich prosiect (e.e., ymweliadau disgyblion, cysgodi swyddi staff / DPP staff, cyfnewidiadau rhithwir, ymweliadau mewnol â Chymru ynghyd â manylion uchafswm nifer y cyfranogwyr fesul gweithgaredd)

• Ffocws eich prosiect – prif amcanion, unrhyw themâu/meysydd dysgu penodol?

Bydd SOB Taith hefyd yn gallu gwirio'r gronfa ddata gynyddol o ysgolion rhyngwladol sydd wedi cysylltu â thîm Taith yn uniongyrchol mewn ymateb i weithgareddau hyrwyddo a gynhaliwyd gan Taith a Llywodraeth Cymru. Mae SOB Taith yn rheoli rhestr o ysgolion tramor sydd wedi mynegi diddordeb mewn bod yn rhan o brosiectau Taith.

Gall offeryn dod o hyd i bartneriaid y British Council helpu ysgolion i gysylltu ag ysgolion ar draws y byd sydd am ddechrau cydweithrediad rhyngwladol.

Mae Cymdeithas Gonsylaidd Cymru yn cynrychioli 18 o wledydd: Canada, Denmarc, y Ffindir, Ffrainc, yr Almaen, Hwngari, Gwlad yr Iâ, India, Iwerddon, Israel, Japan, Kazakhstan, Gwlad Pwyl, Romania, Slofacia, Sweden, y Swistir, a Gwlad Thai. Os yw eich ysgol yn bwriadu datblygu partneriaeth ysgol gydag un o'r gwledydd hyn efallai y bydd y swyddog consylaidd perthnasol yn gallu helpu.