Embedded Files
Y peth cyntaf i'w ystyried yw'r hyn y mae eich ysgol am ei gael allan o'i phrosiect rhyngwladol. Bydd bod yn glir yn eich nodau ac amcanion yn helpu i ddiffinio'r hyn yr ydych yn chwilio amdano mewn partner tramor.
Mae prosiect yn fwy tebygol o lwyddo os yw'n cyd-fynd yn agos ag amcanion strategol eich sefydliad. Mae anghenion eich sefydliad felly yn fan cychwyn da.
Adolygwch eich Cynllun Gwella Ysgol, adroddiad diweddaraf Estyn a/neu gynllun gweithredu ar gyfer Cwricwlwm i Gymru. Gofynnwch i chi'ch hun sut y gall cyfleoedd rhyngwladol helpu eich sefydliad i gyflawni'r amcanion hirdymor hyn.
Cwestiynau i ofyn i chi'ch hun:
A oes pwnc, maes dysgu, egwyddor addysgeg neu her benodol ar gyfer eich prosiect? Os yw eich ysgol wedi nodi ffocws penodol ar gyfer cydweithredu rhyngwladol, mae angen i chi ddod o hyd i ysgol bartner y gallwch archwilio hyn gyda hi.
A ydych yn ymwybodol o unrhyw arfer da perthnasol neu ddulliau arloesol o wledydd eraill?
Mae angen cymorth ar fy ysgol i nodi gwlad sydd ag arfer da amlwg mewn maes dysgu penodol.
Mae angen cymorth ar fy ysgol i nodi gwlad sydd ag arfer da amlwg mewn maes dysgu penodol.
Yn anffodus, nid oes siop un stop y gall ysgolion ymweld â hi i benderfynu pa arfer da sy'n deillio o wledydd penodol, ond gallwch ddod o hyd i gyfoeth o astudiaethau academaidd, ymchwil ystadegol ac astudiaethau achos ar-lein i'ch helpu chi.
Gallai’r botymau ar y dde helpu eich ysgol i nodi gwlad addas yn seiliedig ar arfer da:
The fir
Nid yw fy ysgol yn chwilio am ysgol ag arbenigedd mewn pwnc penodol
Nid yw fy ysgol yn chwilio am ysgol ag arbenigedd mewn pwnc penodol
Efallai y bydd eich ysgol yn penderfynu mai’r prif ffactor sy’n ysgogi cydweithredu trawswladol yw’r profiad rhyngwladol ei hun – wedi’r cyfan, ‘taith yw bywyd, nid cyrchfan’! Mae bod â meddwl agored ynghylch pa wlad yr hoffech gydweithio ynddi yn beth da ar y naill law oherwydd gallai wneud y gwaith o ddod o hyd i bartner yn haws ond, ar y llaw arall, gall wneud y dasg hon yn llethol. Mae'n fyd mawr allan yna, wedi'r cyfan! Argymhellir felly eich bod yn nodi rhai pynciau neu themâu o ddiddordeb fel ffocws ar gyfer gwaith rhyngwladol yn y dyfodol. Ystyriwch ganolbwyntio ar bynciau eang y mae eich ysgol wedi’u cynllunio neu flaenoriaethau a nodwyd yn eich cynllun gwella ysgol. Bydd bod yn glir ynghylch eich diddordebau ar gyfer cydweithredu yn helpu i ddenu ysgol bartner o'r un feddylfryd gyda diddordeb a rennir. Mae ysgolion o'r un anian yn creu'r partneriaethau gorau!
The fir
Cynnwys eich cymuned leol
Cynnwys eich cymuned leol
Er y gall eich ysgol fod yn agored i gydweithio ag ysgol mewn unrhyw wlad, beth am estyn allan i gymuned eich ysgol i helpu i nodi rhanbarth i weithio ag ef? Mae hon hefyd yn ffordd wych o ennyn diddordeb teuluoedd / llywodraethwyr / cymuned ehangach yr ysgol. Yn aml gwelir cyswllt ag ysgolion yn ynysig ond gellir gwella gweithgareddau trwy ymgysylltu ag aelodau o'r gymuned ehangach.
A oes gan eich cymuned leol unrhyw gysylltiadau hanesyddol a/neu ddiwylliannol â thref neu ddinas arall? – e.e. trefniadau gefeillio ffurfiol neu gysylltiadau economaidd-gymdeithasol â chymuned mewn rhan arall o'r byd.
Efallai y bydd yr Awdurdod Lleol, y Gymdeithas Gefeillio Trefi neu grwpiau hanes lleol yn gallu rhoi cyngor ar gysylltiadau sydd gan eich cymuned leol â rhanbarthau eraill. Gallai ymholiadau i gysylltiadau rhyngwladol lleol ffurfio prosiect diddorol ynddo’i hun ar gyfer dysgwyr o fewn y dosbarth, gan alinio â’r cysyniad o gynefin o fewn cwricwlwm i Gymru.
Mae fy ysgol wedi penderfynu ar wlad...sut mae dod o hyd i bartner yno?
Mae fy ysgol wedi penderfynu ar wlad...sut mae dod o hyd i bartner yno?
Rydych chi wedi penderfynu pa wlad yr hoffech chi ymgysylltu â hi. Y cam nesaf yw dod o hyd i bartner addas yn y wlad honno.
Dyma rai o’r cwestiynau y bydd angen i chi wybod yr atebion iddynt cyn cysylltu ag ysgolion tramor:
Pa weithgareddau a ragwelir? Ee, ymweliadau disgyblion a/neu ymweliadau staff.
Ydych chi'n bwriadu cynnal ymweliad mewnol o dramor â'ch ysgol?
Faint o symudiadau sydd wedi'u cynllunio dros gyfnod y prosiect?
Pa fath o ysgol ydych chi'n chwilio amdani? hy ysgol gyda disgyblion o oedran tebyg, maint tebyg, lleoliad gwledig / trefol?
Ydych chi’n chwilio am ysgol sydd â blaenoriaethau a/neu heriau tebyg?
Oes gennych chi ddiddordeb mewn gweithgareddau ar-lein sy'n cynnwys dysgwyr yn y ddwy wlad? Hoffech chi wneud gweithgareddau cydamserol ar-lein? Ystyriwch yr heriau a'r agweddau ymarferol ar drefnu gweithgareddau byw gyda gwahaniaethau mawr o ran parth amser.
Faint o sefydliadau tramor ydych chi'n bwriadu ymgysylltu â nhw? Ee Dim ond un ysgol, clwstwr o ysgolion – neu ydych chi'n chwilio am ysgolion lluosog mewn ystod o wledydd?
A ydych hefyd am gysylltu â sefydliadau addysg eraill, fel awdurdodau lleol, awdurdodau addysg a/neu ganolfannau hyfforddi athrawon?
The fir
Os na allwch ddod o hyd i bartner rhyngwladol ar gyfer eich prosiect, dyma rai opsiynau:
Corff Trefnu Sector Taith
Corff Trefnu Sector Taith
Cysylltwch â ILG Taith Schools SOB trwy amanda@internationallinks.co.uk Mae gan international Links (Global) Ltd fynediad i rwydwaith byd-eang o addysgwyr a all gynnwys partner ysgol addas ar gyfer eich prosiect.
Cyn cyrraedd y rhwydwaith hwn, bydd angen y wybodaeth ganlynol ar ILG Taith SOB:
Gwlad gyrchfan (gan gynnwys manylion unrhyw ranbarth(au) penodol y mae gan eich ysgol ddiddordeb ynddynt);
Gweithgareddau i’w cyflwyno yn eich prosiect (e.e., ymweliadau disgyblion, cysgodi swyddi staff / DPP staff, cyfnewidiadau rhithwir, ymweliadau mewnol â Chymru ynghyd â manylion uchafswm nifer y cyfranogwyr fesul gweithgaredd)
Ffocws eich prosiect – prif amcanion, unrhyw themâu/meysydd dysgu penodol?
Bydd ILG Taith SOB hefyd yn gallu gwirio'r gronfa ddata gynyddol o ysgolion rhyngwladol sydd wedi cysylltu â thîm Taith yn uniongyrchol mewn ymateb i weithgareddau hyrwyddo a gynhaliwyd gan Taith a Llywodraeth Cymru. Mae'r SOB yn rheoli rhestr o ysgolion tramor sydd wedi mynegi diddordeb mewn bod yn rhan o brosiectau Taith.
Offeryn Canfod Partner Ysgol y Cyngor Prydeinig
Offeryn Canfod Partner Ysgol y Cyngor Prydeinig
Gall offeryn dod o hyd i bartneriaid y British Council helpu ysgolion i gysylltu ag ysgolion ar draws y byd sydd am ddechrau cydweithrediad rhyngwladol.
Page updated
Report abuse