Taith Ddysgu Tymor 1
Addysg Gorfforol Ymarferol
Bydd y dysgwyr yn datblygu eu sgiliau llythrennedd corfforol, ffitrwydd personol, cyfathrebu a gwaith tîm trwy gyfrwng amryw o weithgareddau creadigol a chystadleuol.
Lles Addysg Gorfforol
Bydd y dysgwyr yn dysgu sut i feithrin eu lles meddyliol ac emosiynol trwy ddatblygu eu gwydnwch, a'u dyfalbarhad. Byddant hefyd yn parhau i ddatblygu eu hyder, perthynasau gydag eraill ac empathi. Byddant yn wynebu heriau ac yn eu trechu wrth wneud cysylltiadau â’r gwersi ymarferol.
Lles Bugeiliol
Cwblhau ‘Proffil un tudalen’ o fewn sesiynau boreol er mwyn adnabod cryfderau a gwendidau a sut gall yr ysgol gynorthwyo i ddatblygu dysgwyr iach, hyderus ac uchelgeisiol.
Byddant yn atgyfnerthu eu dealltwriaeth o strategaethau sy'n rheoli emosiwn trwy ffocysu ar y cysylltiadau o fewn bywyd pob dydd a digwyddiadau sy'n codi o fewn yr ysgol.
Sgiliau Cyfathrebu
Perfformio yn hyderus ar lafar ac ymarferol e.e. arddangos sgiliau perfformio, lefelau ffitrwydd ac arweinyddiaeth.
Sgiliau Meddwl
Dewis a defnyddio tactegau a strategaethau priodol o fewn gweithgareddau corfforol e.e. creadigrwydd, annibyniaeth, datrys problemau a meddwl yn feirniadol.
Sgiliau Dysgu
Dangos gwydnwch a dyfalbarhad wrth berfformio e.e. dadansoddi perfformiad ac ymateb i adborth yn gadarnhaol.
Profiadau
Clybiau allgyrsiol
Teithiau Iechyd a Lles
Cyfleoedd arwain
Sesiynau blasu gweithgareddau ymarferol
Gweithgaredd rhyng-lysol cyntaf y tymor hwn...
Sut alla'i gynnig cymorth ar hyd y daith?
Cynorthwyo gyda thasgau sydd wedi eu gosod o fewn y llyfryn Lles AG.
Annog eich plentyn i drefnu unrhyw offer/ cit perthnasol ar gyfer eu gwersi'n annibynnol.
Annog eich plentyn i fynychu'r amrywiaeth o glybiau allgyrsiol sydd ar gael o fewn yr ysgol.