Ydych chi'n teimlo fel hyn ar hyn o bryd? Peidiwch a phoeni, rydyn ni yma i'ch helpu. Gyda chynllun clir, gallwch chi drefnu eich amser a llwyddo heb losgi allan.

Dilynwch y camau isod i'ch helpu:

Mae trefn yn bwysig. Penderfynwch pryd fyddwch chi'n codi a phryd fyddwch yn mynd i'r gwely. Gall amser gwely penodol ac amser deffro penodol helpu iechyd meddwl a sicrhau bod gennych yr amser sydd angen  i gyflawni popeth. 

Creu amserlen i'ch hunain sydd yn cynnwys amseroedd ysgol, amseroedd gweithgareddau, amser i gymdeithasu gyda ffrindiau a gweld teulu ac amser i gysgu ac ymlacio.

Meddyliwch am drefnu eich amser adolygu mewn slotiau 30 munud. 25 munud i weithio 5 munud o egwyl.

Cofiwch gynnwys ymarfer corff yn eich trefn dyddiol: ewch am dro, ewch redeg neu ewch nofio - beth bynnag, bydd ymarfer corff yn eich helpu i ymlacio.

Mae eich lefelau egni yn bwysig iawn, weithiau bydd angen byrbrydau i roi digon o egni i chi.

• banana

• iogwrt

• grawnwyn

• wyau

• granola

• llysiau

• ffrwythau

• ffrwythau sych

• siocled tywyll

• hadau a chnau

Cofiwch yfed digon o ddwr - ewch a photel gyda caead gyda chi i adolygu.

Cadwch at eich amserlen a pheidiwch ond adolygu'r pethau rydych chi'n hyderus yn wneud. Os dydych chi ddim yn hyderus yn ateb cwestiynau "sut", canolbwyntiwch arnyn nhw. 

Defnyddiwch adnoddau CBAC gan gynnwys cynbapurau, adnoddau dysgu cyfunol a chwestiynau ymarfer i adolygu. 

Mae llawer ohonynt isod.

Os ydych chi'n adolygu, rhaid sicrhau bod gennych awyrgylch i ganolbwyntio, mae hyn yn golygu diffodd eich teclynnau digidol. Rhowch eich ffonau ar dawel  - dim ond 25 munud - gallwch edrych ar eich ffonau yn eich egwyl.

Mae'r ystafell arholiad yn hollol dawel, felly paratowch eich hunain am hyn;

• diffoddwch eich teclynnau digidol

• diffoddwch y deledu

• trowch y cerddoriaeth bant

• diffoddwch eich cyfrifiadur (oni bai eich bod chi ar wefannau adolygu)

• peidiwch roi YouTube / Netflix / Disney + yn y cefndir

Os ydych yn ateb cwestiynau arholiad sydd ddim angen i chi fod ar lein, diffoddwch popeth a rhowch eich ffon tu allan i'r drws. Mae'n werth arbrofi gyda phethau gwahanol e.e. 25 munud i ddefnyddio adnodd ar lein, egwyl a  wedyn profi beth rydych chi wedi dysgu gyda chwestiwn / cwestiynau am 25 munud.

Byddwch yn ddisgybledig - cadwch at yr amser a'r dasg rydych chi wedi cynllunio i gyflawni. Defnyddiwch amserydd a defnyddiwch yr adnoddau sydd ar gael. Os ydych chi gyda thasg neu adnodd sydd yn cymryd mwy na 25 munud i wneud, gallwch chi;

1. Gweithio am 25 munud a chymryd egwyl 5 munud cyn parhau am 25 munud arall.

2. Gweithio am 50 munud a chymryd 20 munud o egwyl.

Gosodwch larwm i gadw at eich amser. 

Cofiwch wobrwyo eich hunain. Mae'n bwysig cael rhywbeth i anelu at. Beth am greu tabl gwobrau i'ch hunain? Gall fwy o oriau o adolygu golygu gwobrau gwell! Beth am greu heriau gyda'ch ffrindiau a chytuno ar wobrau gyda'ch gilydd?