Megintilgangur náms og kennslu í lykilhæfni er að þroska sjálfsvitund og samskiptahæfni nemenda, búa þau undir virka þátttöku í lýðræðissamfélagi og að þeir öðlist getu til að nýta sér styrkleika sína til áframhaldandi náms og starfsþróunar þegar þar að kemur. Lykilhæfni snýr að nemandanum sjálfum, er ætlað að stuðla að alhliða þroska hans og tengist öllum námssviðum. Góð lykilhæfni gerir einstaklingum kleift að læra við ólíkar aðstæður, takast á við breytingar, vinna í samfélagi með öðru fólki og bregðast við á þann hátt sem hentar þeim sjálfum til uppbyggingar og farsæls lífs. Lykilhæfni er hæfni fyrir borgara framtíðarinnar, einstaklinga sem þurfa að vera tilbúnir að læra allt lífið (Gunnar E. Finnbogason, 2016).
Hugtök:
útskýrt og notað mikilvæg hugtök samfélagsgreina,
Upplýsingalæsi:
aflað sér upplýsinga um samfélagsleg málefni úr textum, hljóð- og myndefni, umorðað og nýtt til umfjöllunar,
Skoðanamyndun:
metið og brugðist við ólíkum skoðunum og upplýsingum úr heimildum á ólíku formi og myndað sér eigin skoðanir,
Gagnrýnar umræður:
spurt opinna spurninga og tekið þátt í umræðu um ólík málefni af samfélagslegum og siðferðilegum toga,
Setja sig í spor annarra:
sett sig í spor fólks með ólíkan bakgrunn á völdum stöðum og tímum,
Miðlun:
miðlað þekkingu, leikni og skoðunum á samfélagslegum málefnum á fjölbreyttan hátt,
Lýðræðislegt samstarf:
tekið þátt í lýðræðislegu samstarfi og samræðu.
Félagsmótun:
lýst sjálfum sér og tekið dæmi um þætti sem hafa áhrif á eigin sjálfsmynd, svo sem úr nærsamfélagi, umhverfi og menningu,
Þarfir:
rætt um heilbrigða lífshætti og samskipti og ræktað mikilvægar þarfir,
Tilfinningar:
lýst margvíslegum tilfinningum og áttað sig á áhrifum þeirra á hugsun og hegðun,
Hugarfar:
lýst með dæmum mikilvægi jákvæðra lífsviðhorfa, hugarfars og seiglu fyrir eigin þroska,
Sjálfsþekking:
gert grein fyrir eigin áhugasviðum, styrk og áskorunum og hvernig hægt er að vinna með þá þætti á uppbyggilegan hátt,
Virðing:
sýnt virðingu fyrir sjálfum sér og öðrum, sett sér mörk í samskiptum og lýst því hvernig það er hægt,
Staðalmyndir:
lýst staðalmyndum og fordómum í samfélaginu og áhrifum þeirra og áttað sig á skaðsemi þeirra,
Kynjafræði:
beitt hugtökunum kyn, kynhneigð og kynhlutverk og áttað sig á fjölbreytni hinseginleikans,
Fjármál einstaklings:
gert grein fyrir útgjöldum vegna þarfa, langana og hegðunar einstaklinga og mikilvægi fyrirhyggju í fjármálum.
Virðing fyrir fjölbreytileika:
dregið fram ólíkan bakgrunn fólks og virt mismunandi trú, lífsgildi, skoðanir og siði,
Trú og lífsviðhorf:
rætt viðfangsefni sem snerta trú, lífsviðhorf og siðferði og sett í samhengi við atburði daglegs lífs,
Trúarbrögð:
gert grein fyrir völdum frásögnum, hefðum, hátíðum, siðum og táknum í kristni og nokkrum helstu trúarbrögðum heims,
Áhrif trúarbragða:
borið saman valin trúarbrögð og lífsviðhorf og áhrif þeirra á líf fólks.
Reglur:
rætt reglur í samskiptum fólks og tilgang þeirra og tekið þátt í að setja sameiginlegar leikreglur með öðrum,
Mannréttindi:
rætt stöðu sína sem þátttakandi í samfélaginu, réttindi og skyldur og mikilvægi mannréttinda og jafnréttis í samfélaginu og á heimsvísu og þekki vel til Barnasáttmála Sameinuðu þjóðanna,
Samfélagsgerð:
fjallað um ólíkar samfélagsgerðir og hvernig þær tengjast lífi einstaklinga,
Lýðræði:
lýst nokkrum einkennum lýðræðislegra samfélagshátta hér á landi,
Stjórnkerfi:
gert grein fyrir hlutverki mikilvægra stofnana samfélagsins,
Velferðarsamfélag:
gert grein fyrir hugmyndum um samhjálp og velferð og framkvæmd þeirra í samfélaginu,
Samneysla:
áttað sig á hvernig og hvers vegna kostnaður við ýmsa grunnþjónustu er greiddur af sameiginlegum sjóðum samfélagsins,
Slysavarnir:
séð gildi slysavarna og þekkt viðbrögð við slysum í heimahúsum, nærsamfélagi og náttúrunni,
Umferðarreglur:
gert grein fyrir umferðarreglum og helstu umferðarmerkjum og nýtt í daglegu lífi,
Geta til aðgerða:
sett sig inn í málefni samfélagsins, áttað sig á möguleikum til áhrifa og sýnt það í verki með ábyrgum hætti.
Sögulegar heimilidir:
metið heimildir og ólík sjónarhorn í umfjöllun um sögu og samtíð,
Fjölskyldan:
gert sér grein fyrir fjölbreytileika fjölskyldna og margvíslegum hlutverkum innan þeirra á ólíkum tímum,
Heimabyggð:
greint samhengi umhverfis, sögu, menningar og mannlífs í heimabyggð og tengsl við önnur landsvæði,
Íslandssaga:
fjallað um einkenni og þróun íslensks samfélags,
Saga:
fjallað um og greint persónur, atburði, tímabil, tildrög og gang sögunnar,
Söguleg þróun:
áttað sig á að sagan hefur mótast af ýmsum þáttum, svo sem umhverfi, atferli, lífsviðhorfum, samfélagsskipulagi og atvinnuháttum,
Áhrif sögu á samtímann:
útskýrt með dæmum hvernig sögulegir atburðir hafa áhrif á samfélög og líf fólks í samtímanum.
Kortalæsi:
notað kort og gröf til að afla sér upplýsinga og vinna úr þeim og sett upp einföld kort,
Samfélög:
varpað ljósi á ólíkar aðstæður, menningu og líf fólks á jörðinni,
Auðlindir:
skýrt hvernig notkun mannsins á auðlindum getur haft margvísleg áhrif á lífsgæði og lífbreytileika,
Neyslusamfélagið:
lýst í grófum dráttum ferli daglegra neysluvara, uppruna þeirra, flutningi, sölu, nýtingu, förgun, endurvinnslu og kolefnisspori,
Áhrif mannsins:
skýrt með dæmum áhrif tækni og mannlegra athafna á samfélag, loftslag og umhverfi,
Sjálfbær þróun:
fjallað um hvað sjálfbær þróun felur í sér,
Ábyrgð á náttúruvernd:
skýrt með dæmum mikilvægi náttúruverndar og þess að allir leggi sitt af mörkum.