Bermeo - Kortezubi

(2022-06-08, asteazkena)

Gaur ekainak 8, asteazkena, Ordiziatik autobusez irten gara goizeko 6:30etan GMBko 48 lagun (11 emakume eta 37 gizon). Bermeora iritsi eta Euskal Kostaldeko 5. etapari ekin diogu. Goizeko 8:15 aldera abiatu gara; hasieran lainotuta zegoen, baina 10:30ak aldera euria hasi du eta ibilaldia bukatu arte ez du atertu. Lehenengo Bermeo zeharkatu dugu eta ibilaldian zehar, besteak beste, Santa Katalina baseliza, Mundaka edota Portuondo, Txatxarramendi eta Madariagako dorretxea pasatu ditugu. Gero Mapea erreka igaro eta hortik Muruetako teileria zaharrera joan gara. Azkenean, 13:10ak inguruan Kortezubin amaitu dugu. Ordiziara arratsaldeko 6:15ak inguruan itzuli gara.

Ibilbidea eta denborak:

Bermeo (26 m), Lamiaran (60 m; 2,2 km; 0:35), Santa Katalina baseliza (11 m; 4,5 km; 1:05), Mundaka (2 m; 5,1 km; 1:15), Portuondo-Basaran (23 m; 6,5 km; 1:35), Sukarrieta (5 m; 7,6 km; 1:50), Txatxarramendi (2 m; 8,5 km; 2:05), Abina (S. Antonio) (6 m; 10 km; 2:40), Sagarminaga (5 m; 10,9 km; 2:50), Madariagako dorretxea (44 m; 12 km; 3:05), Mapea erreka (6 m; 12,9 km; 3:20), Muruetako teileria zaharra (11 m; 15,2 km; 3:50) eta Kortezubi (8 m; 20,1 km; 5:05).