Izaba-Otsagabia
Izaba-Otsagabia
(2022-09-22, asteazkena)
Gaur, irailak 22, asteazkena, Ordiziatik autobusez irten gara goizeko 5:30etan 28 mendizale beterano (6 emakume eta 22 gizon). Autobusez Izabako sarreraraino joan gara. Goizeko 8:10 aldera Izabatik abiatu gara eguraldi onarekin eta aldapan gora bidezidor bat jarraituz Peñablanca mendi tontorreraino iritsi gara. Gailurrerainoko bide gehiena pagoz inguraturik egin dugu. Saitsederrako lepotik Peñablanca tontorrerainoko paisaia zoragarria izan da. Bertatik Euskal Herriko Pirinio mendi garaienak ikusi ditugu: Orhi, Auñamendi, Hiru Erregeen Mahaia… 14:00ak aldera Otsagabiara iritsi gara eta bazkaldu ondoren, autobusa hartu eta 6:30 aldera Goierrira itzuli gara.
Ibilbidea eta denborak :
Izaba (816 m), Saitsederrako lepoa (1.348 m; 4,3 km; 1:30 h), Milingrateko lepoa (1.305 m; 5,3 km; 1:50 h), Peñablanca (1.580 m; 6,8 km; 2:20 h), Arrese borda (1028 m; 12,8 km; 3:50 h), Aragon ehiza-lekuko bidegurutzea (1.220 m; 16,3 km; 4:30 h), Otsagabia (755 m; 21,30 km; 5:50 h) .
Desnibel metatua: igoeratan: 993 m; jaitsieratan: 1035 m.
Mapa
Profila
Egunsentian Isabatik abiatzen
Taldea pagadian gora
Saitsederrako lepoa pasa eta Milingratekora iristen
Peñablanca mendiaren tontorrera igotzen
Taldea Peñablancan
Orhi mendia bere zabaltasunean
Euskal Pirinioetako tontor altuenak
Arreseko borda
Muskildako baseliza
Taldea Otsagabian
Estekak