Donemiliaga Kukula – Anguiano
Donemiliaga Kukula – Anguiano
San Millan de la Cogolla - Angiano
Gaur, urriak 27, asteazkena, Ordiziatik autobusez irten gara goizeko 6:00etan 42 mendizale beterano (8 emakume eta 34 gizon). Autobusez Errioxako Donemiliaga Kukula herriraino joan gara. Goizeko 8:10 aldera abiatu gara eguraldi onarekin. Aurrena igotzen joan gara El Cerro mendirako bideraino. Bidean baso batzuk zeharkatu ditugu. Gero jaisten hasi eta Tobia herrira iritsi gara. Ondoren Matute herriaren kanpotik pasa eta ur jauziko bidea hartu dugu, ur-jauziraino bertaraino; oso bide polita. Bide beretik itzuli eta Matute herria pasatu dugu. Azkenik Anguiano herrian bukatu dugu zeharkaldia 14:40ak aldera. Bazkaldu ondoren, autobusa hartu eta 19:15ak aldera iritsi gara Ordiziara.
Ibilbidea eta denborak :
Donemiliaga Kukula (720 m), Ortuñako eskortak (1.030 m; 3,4 km; 1:00 h), Iruela erreka (1.075 m; 4,9 km; 1:25 h), El Cerro mendirako bidea (1.090 m; 7,8 km; 2:10 h), Tobia herria (695 m; 11,5 km; 3:20 h), Matute herria (689 m; 13,3 km; 3:50 h), Ur-jauziko bidea (740 m; 15 km; 4:10 h), Granjako komentua (656 m; 21 km; 5:35 h), Anguiano (640 m; 24,5 km; 6:30 h).
Desnibel metatua: igoeratan: 727 m; jaitsieratan: 834 m.
Mapa
Profila
Ibilbidea Donemiliaga Kukula - Angiano
Mendizaleak artadiko bidean gorantz, Ortuñoko eskortetara bidean.
Cardenas ibarrean zehar.
Eguneko mendizale-taldea Tobiatik hurbil.
Tobiako herria eta mendizaleak bertara iristen.
Mendizaleak Tobiara jaisten. Aurrean Tobiako Cerro Guardias (1.032 m).
Matute
Eguneko mendizale-taldea ur-jauziaren inguruan
Estekak/Enlaces
Page updated
Report abuse