Valgañon - Ezkarai

Gaur, irailak 28, asteartea, Ordiziatik autobusez irten gara goizeko 6:00etan 39 mendizale beterano (11 emakume eta 28 gizon). Autobusez Valgañon herria pasa eta Nuestra Señora de las tres Fuentes izeneko baselizaraino joan gara. Goizeko 8:25 aldera baselizatik abiatu gara eguraldi onarekin. Aurrena “Las Señoritas” iturrira heldu gara. Bidean pagadi batzuk ikusi ditugu. Pradillako gaina pasa ondoren, Corcusa mendira iritsi gara. Gero Iguareñako lepora jaitsi eta Corral de los Cochinos pagadia zeharkatu dugu. Ondoren “El Hombre“ mendia igo dugu. Hortik Sta Barbara baselizara jaitsi eta azkenik Ezkarai herrira iritsi gara 14:15ak aldera. Bazkaldu ondoren, autobusa hartu eta 6:30ak aldera Ordiziara iritsi gara.

Ibilbidea eta denborak :

Ermita Ntra Señora de las Fuentes (935 m), Las Señoritas iturria (965 m; 1,8 km; 0:20 h), Pradillako gaina (1.252 m; 4,8 km; 1:05 h), Corcusa mendia (1.524 m; 7,1 km; 1:40 h), Iguareñako lepoa (1.370 m; 8 km; 2:00 h), Corral de los Cochinos pagadia (1.360 m; 12,6 km; 3:05 h), Ibaya saroia (1.480 m; 14,10 km; 3:30 h), El Hombre mendia (1.530 m; 16,3 km; 3:55 h), Sta Barbara ermita (1.020 m; 19,8 km; 4:15 h), Ezkarai (818 m; 22,8 km; 5:50 h).