Boveda-San Millan

BOVEDA–SAN MILLAN DE SAN ZADORNIL

Eguraldi bikainarekin, 2019ko martxoaren 12an, asteartea, 14 emakume eta 46 gizon ibiltarik, Artzaintzaren Naturbideko bederatzigarren etapa egin zuten, Bovedan hasita, Portillo de la Sierrako (Mendilerroko Atakako) lepoa, Lalastra eta Ribera herrigune hutsean pasatu eta Puron errekaren haitzartetik barrena, Burgosko Tobalina haranean kokatuta dauden Villafria de San Zadornil eta San Zadornil herriak igarota, San Millan de San Zadornil herrian bukatuz.

Ibilbidea eta denborak:

Boveda (690 m), Lalastra 3,6 km-ko seinale-zutoina (870 m; 3,1 km; 0:45 h), Portillo de la Sierrako (Mendilerroko Atakako) lepoa (1.090 m; 4,8 km; 1:20 h), Lalastrako herria (915 m; 6,4 km; 1:40 h), Riberako herrigune hutsa (775 m; 10,2 km; 2:30 h), Puron ibaiaren haitzartearen ondoren Villafriara 7,6 km-ko seinale-zutoina (660 m; 12,5 km; 3:15 h), Villafriara 2,5 km-ko seinale-zutoina dagoen lepoa (910 m; 13,7 km; 3:45 h), Villafriako herria (920 m; 16,2 km; 4:15 h), San Zadornilgo herria (21,5 km; 5:20 h) eta San Millan de San Zadornilgo herria (600 m; 25 km; 5:55 h).

Desnibel metatua: igoeratan: 890 m; jaitsieratan: 1.000 m.