“Goierriko Mendizale Beteranoak – Rutas y Actividades de Senderismo”.

Kontuan hartzeko/Aviso de responsabilidad

Euskal Herrian eta inguruko mendietan ibilaldiak eta aire libreko jarduerak antolatzen dituen mendizale taldea gara. Elkarrekin ibiltzen gara, esperientziak partekatzen ditugu eta naturaz giro onean gozatzen dugu.Orrialde honetan nor garen eta egiten ditugun jarduerak ikus ditzakezu.

--------------------------------------------------------------------------------------------------------------------------------

Somos un grupo de amantes de la montaña que organizamos salidas de senderismo y actividades al aire libre en el Pais Vasco y alrededores. Caminamos, compartimos experiencias y disfrutamos de la naturaleza en buena compañía. En esta pagina podras ver quienes somos y nuestras actividades.

Nortzuk garen / Quienes somos

Hurrengo ibilaldia / Próxima salida

SAUSE-GALIPENTZU

(2026-03-04an, asteazkena)

Sausetik abiatu eta bidezidorretik Campo Real-eko errepidera jaitsiko gara, gero, pistatik, jarraitu behar dugun bide aldera joateko.

Fuente Aragon-go sakana zeharkatu ostean, ganadutegi-eremu batera iritsiko gara, atzealdean Añozeko gaztelua dugula. Nafarroako mugan dagoen gazteluko dorrea begi bistan izanik, harantz igoko gara poliki-poliki. Handik Torre de Peña eremua ikusi ahal izango dugu. Peñako mendilerroaren behealdetik gabiltza.

Carreñoko bidetik, pistaz egingo dugu aurrera soro artean, eta Goyo eskortatik igaro ondoren, Torre de Peñara helduko gara. Carreñoko bidetik, soroen arteko pistatik jarraitu eta Goyoren kortatik igarota Torre Peñara iritsiko gara. Kasedaraino (wikipedia) eramango gaituen Erronkariarren Errege Abelbidean (youtube) gabiltza. Inguruan artadiak eta txaradiak dituen bide honetan, transhumantzia-bidea markatzen duten mugarriak ikusiko ditugu. Pistetatik eta bidezidorretatik ibiliko gara, bidean igoera eta jaitsiera txikiak eginez, amildegi txikiak eta errekasto lehorrak edo emari eskasekoak gainditzeko.

Gehiago/Más

SAUSE-GALIPENTZU (jarraipena)

Fustañoko sakanatik, malda txiki bat igo eta San Zoiloren (youtube) ermita ederrera iritsiko gara. Errepidetik 900 bat metro egingo ditugu Kasedarantz, eta errepidea utzita, Abelbidearen Sakanetik, Arbeloako Korta igaro ondoren sartuko gara Kasedan.

Kasedatik Galipentzu (wikipedia) ikus dezakegu Aragoi ibaiaren gainean, mendilerroaren gailurrean zintzilik. Nafarroako herri zaharrenetakoa dugu, Erdi Aroko ondare interesgarriak dituena. Garrantzia estrategiko handiko herria izan zen, XI. mendean, musulmanen jabetzako lurrak zelatatzeko tokia izateagatik. Talaia baten gainean dago, eta Nafarroako Erresumaren mugako gotorleku zahar horretatik Aragoi ibaiaren ibarra eta eskualde osoa ikusten dira.

Han, Campobajoko bidea hartuko dugu soro artean, Aragoi ibaiaren ertzeetara iritsi arte, Kaparretako harkaitzak ezkerretara utzita. Galipentzu Zaharra zaindari dugula, Aragoi ibaia zeharkatuko dugu, joan den mendean zakarki konpondu zuten Erdi aroko zubi (youtube) batetik. 1,5 kilometroko pista izango dugu gure helmugara iristeko: 1960an eraikitako Galipentzu Berria (wikipedia).