一般文差所提的令旗是烏令旗，吉勝堂的文差爺會使提黃令旗，是有原因的，佇民國 70 年代的時陣，當時廟裡的童乩，有講佇西港有降旨愛地嶽殿去覆旨，當時執事人員徛佇二樓的椅仔頂面跋桮，跋佇一个大銅鑼內面，猶閣愛連紲三个神桮（sīn-pue）才有算是成功覆旨，經過彼擺的領旨，吉勝堂的文差爺着會使提黃令旗，黃令佮烏令的差別着是，若是拄着代誌，黃令有先斬後奏的權力，烏令着愛交予地方的大廟處理。

華語釋義：

一般文差所持的令旗是黑令旗，而吉勝堂的文差爺則是可以持黃令旗，原因是：民國 70 年的時候，廟裡的乩童收到來自台南西港慶安宮的旨令，令中說明玉帝有降旨，要地嶽殿過去覆旨，當時的執事人員站在二樓的椅子擲珓，擲在銅鑼裡，且要連續三個聖筊才算成功領旨，經過那次的領旨，吉勝堂的文差爺就會使用黃令旗，黃令與黑令的區別就是，如果是遇到事情，黃令有先斬後奏的權利，黑令就必須把事情交給地方的大廟去處理。

【記錄者：（閩）許維晨、（華）蘇易達】

有一擺別人請阮地嶽殿   去蚵仔寮漁港的一間廟請水，遐有真濟陣頭，家將攏一直關佮跳。因為陣頭實在是有夠濟，跳誠久，跳甲攏袂使矣，所以拜託阮來跳。伊嘛毋知是啥物奇巧（kî-khá），抑是真正有彼个靈，我家己是感覺應該是真正有彼个靈，因為阮後來開的彼个轎，着規个予海水挵落去。

這種經驗嘛不只一改，有一擺佇林園嘛拄着共款的狀況，而且伊彼改有家己落去扛。伊彼改是扛最後一籤，而且伊袂曉洇水，所以干焦會當躡跤尾，抑無，水一直挵過來，會食着水。

伊真正感覺這个物件足奇妙，着是會感覺有一个力量共你牽去。若是愛講是假的，嘛無啥可能，因為頭前彼兩个人攏予挵佇海裡看無，伊家己嘛躡跤尾，着算伊兩个會曉洇水，in 手嘛袂當放開。這着是為啥物伊感覺足奇妙，而且嘛是親身經驗。

華語釋義：

有一次別人請我們去蚵仔寮漁港的一間廟請水，那裡有很多陣頭，那些陣頭都一直施咒降靈跟跳陣法。因為陣頭實在是有夠多，跳非常久，跳到都不行了，所以來拜託我們。我也不知道是什麼奧妙，還是真的有那個靈性，我自己是覺得應該是真的有那個靈性，因為我們後來開的那個轎，就整個被海水衝撞下去。

這種經驗也不只一次，有一次在林園也遇過類似的狀況，而且那次我有親自下去扛轎。我那次是扛最後一位，而且不會游泳，前面的兩個人已經被水衝到看不見了。因為我不會游泳，所以只能一直踮腳尖，不然水一直衝過來，會喝到水。

我真的覺得這個東西很奇妙，就是會感受到一股力量一直把你牽走。如果要說是假的，也不太可能，因為前面兩個人都被衝在水裡看不見，我自己也踮腳尖，就算那兩個人會游泳，他們手也不能放開。這就是為什麼我覺得很奇妙，況且還是親身經歷。

【記錄者：施亭妤】

舊年農曆七月三十，阮去佇小港的大坪頂，彼改嘛是足恐怖。彼的崎仔足崎的，愛一直 peh，有一个工作人員着共伊講：「師仔，我敢會當共你牽咧」，表情足硬篤（ngē-táu）。阮彼時陣的七星劍攏有過封過，攏用索仔縛足絚（ân），結果其中一个將跤發起來欲去拔彼个劍，竟然拔會起來。阮的七星劍規个攏有用索仔縛足絚（ân），一下拔着拔起來，表示彼有毋好的物件。雖然對方後來講莫刣伊，欲收轉去 in 的廟做內底的小弟，但這嘛是為啥物我愛閣講一擺家將有神。

華語釋義：

去年農曆七月三十號，我們去位於小港的大坪頂，那次也是非常恐怖。那裡的坡非常陡，要一直爬，有一位工作人員就跟他說：「師傅，我可以牽着你嗎」，神情非常的痛苦。我們那時候的七星劍有用封條封住，且用繩子綁得非常緊，結果其中一位將跤發起來要去拔那個劍時，竟然拔得起來。我們的七星劍整個都有用繩子綁得非常緊，一拔就拔起來，便表示那邊有不好的東西。雖然後來對方說不要殺祂，要收回去他們的廟做裡面的傭兵，但這也是為什麼我要再次強調家將有神。

【記錄者：施亭妤】

有一擺，主公有特別交代阮師傅 in 一个月袂當耍水，結果 in 猶是去西仔灣耍，耍甲一半，其中一个人着予海湧沖落海中，彼个人一直喝（huah）「主公，救我！主公，緊來救我！」着佇伊咧欲駐水（tū-tsuí）的時陣，奇妙的代誌發生，竟然有一塊柴箍（tshâ-khoo）浮甲伊邊仔，後來伊着倚彼个柴箍，泅到岸邊。

上岸了後，廟內底的人竟然已經發起來，生頭凊面等伊轉來。轉來了後，主公着處罰伊罰跪一欉香的時間。

這款海的半中央雄雄出現一塊柴箍的故事，真正奇怪，所以這个故事嘛予阮師傅傳落來。

華語釋義：

有一次，主公有特別交代我師傅他們一個月不能玩水，結果他們還是跑去西子灣玩水，玩到一半，其中一個人就被沖到海中央，那個人情急之下一直大喊「主公，救我！主公，快救救我！」就在他快溺斃時，神奇的事情發生，竟然有一塊木頭漂到他旁邊，最後他就靠那塊木頭活了下來。

上岸之後，廟裡的人竟然已經發起來生氣地在等他回來，回到廟後，他就被罰跪一柱香的時間當做懲罰。

這種海中間突然出現一塊木頭的故事，實在很奇怪，所以這個故事也被我師傅流傳下來。

【記錄者：吳芊頤】

佇發起來的故事，阮想欲根據刑具爺反應做紀錄：

刑具爺：刑具爺佇發起來的時陣，會用頭去鑽（tsǹg）塗跤，足 gâu 着傷，吉勝堂為着愛保護刑具爺的安全，有專門替伊做一頂牛角帽仔（gû-kak-bō-á） ，按呢佇發起來的時陣磕（kha̍p）着塗跤的着是牛角，毋是刑具爺的頭殼，嘛較袂着傷。

（師傅有特別講：干焦阮廟裡才有替刑具爺做牛角帽，別間廟攏無，是阮遮的特色喔！）

華語釋義：

關於起駕的故事，我們想要根據刑具爺的反應做紀錄：

刑具爺：刑具爺在起駕的時候，會用頭去撞地板，很容易受傷，吉勝堂為了要保護刑具爺的安全，有專門替祂做一頂牛角帽，這樣在起駕的時候，撞擊到地板的就是牛角，而不是刑具爺的頭，也比較不容易受傷。

（師傅有特別說：只有我們廟裡才有幫刑具爺做牛角帽，別間廟都沒有，是我們的特色喔！）

【記錄者：張詩涵】

出陣的時陣，若有拄着愛特別處理的代誌，神明着有可能會降駕來處理，毋過這馬的時代着較罕咧有降駕出現矣。

降駕的時陣，乩身是袂着傷嘛袂流血。以早定定咧看，有乩身共手囥佇燒滾滾的油鼎內底，抑是攑刀仔黜家己，in攏袂受傷。

以早阮家將佇鼓山出陣，行過巖仔寺（今元亨寺）的時陣，寺內尼姑着奉茶予阮啉，家將的柳爺着雄雄降駕，共茶佮杯仔做伙食落去，阮佮尼姑攏驚着，好佳哉退駕了後將跤平安無代誌。毋過彼時開始，只要阮家將出陣經過巖仔寺，寺門着會關絚絚。

所以降駕是袂予乩身受傷的，人講的退駕會吐，也是出陣前食臊才會按呢，正常的降駕是袂按呢。

華語釋義：

曾有一次我們家將在鼓山出陣，經過了巖仔寺（今元亨寺）時，寺院的僧人們就迎鑾奉茶，這時家將中柳爺突然降駕，連同茶杯把茶水給喝掉，驚呆了在場的眾人們，幸好在退駕後將腳是平安無事的。

所以說降駕是不會讓乩身受到傷害的，如人們常說降駕會使乩身嘔吐，

那是因為乩身出陣前並未茹素導致的，正確來說降駕是不會引起嘔吐的。

【記錄者：李柏宏】

佇開面的故事，阮想欲分做文差佮冬大神二个家將的反應做紀錄：

一、文差：文差因為性情較溫柔，有時面譜頂懸會點目屎，若是文差發起來的時，面有點目屎，着一定會吼。但是面師感覺為文差點目屎較無意思，這馬嘛較少替文差點目屎。

二、冬大神：冬大神佇畫虎面的時陣會分做有開喙佮無開喙。若是有開喙的虎面，發起來的時陣着會較歹；無開喙的虎面，發起來的時陣較袂傷着附近。進前綴家將出陣時，吉勝堂的一位大兄講，家將的每一个人佇妝冬大神時攏會有無仝款的感覺。

華語釋義：

關於開面的故事，我們想要根據文差與冬大神的反應做紀錄：

一、文差：文差因為性情較柔，有時臉譜會搭配眼淚的圖案。若文差起駕時，臉上有點上眼淚，一定會哭。但面師認為為文差點眼淚比較沒有意思，現在也已較少為文差點眼淚。

二、冬大神：冬大神在畫虎面的時候會分成有開口和沒有開口。若是有開口的虎面，起駕的時候就會很兇；沒有開口的虎面，起駕的時候就不會傷到周圍。之前跟着八家將出陣時，吉勝堂的一位大哥說，家將的每個人在扮演冬大神時都會有不一樣的感覺。

【記錄者：（文差）王靖琳、（冬大神）王雪怡】

去別人厝「鎮宅」進前，照情理是愛先攑（gia̍h）淨香入去厝內底，佮厝內底本來的家神講家將欲入來，閣共厝後壁的門拍開，請家神先離開，按呢較有禮貌。

毋過有一擺，家將予人請去雲林下崙鎮宅，猶未攑（gia̍h）淨香請家神離開，其中一个將跤想欲去便所，着先入去厝內底，但是這時家神嘛閣猶未對後壁門離開，兩個「神格」着佇厝內「相碰（pōng）」，彼个人發白沫煞暈（hūn）去。

所以無論是佗一个儀式，攏有伊的意義。

華語釋義：

當去他人家中淨宅時，照理第一個儀式需要先拿香進入屋中，告知屋內原先的家神，家將需要進屋行陣，並將家中的後門打開，請家神先移駕，禮數會較周全。

然而有一次，家將被請至雲林下崙鎮宅，在還未拿香告知神明來意時，家將中的一人便因為內急先行入屋，但這時的家神仍未從後門離開，因此雙方的神格便「相撞」，而先入內的那個人則口吐白沫當場昏過去。

所以無論是哪一個儀式或環節，都有其背後的意義。

【記錄者：張舒喻】