Sa larangan ng optika, ang prisma ay isang midyum na nagtagtaglay ng aninaw kung kaya’t nakalilikha ng bahaghari ang isang purong puting ilaw kapag dumaraan dito.

Bawat tao ay may malabahagharing kwento at bawat kulay nito ay nagbibigay pahiwatig ng mga pagsubok at pagtatagumpay upang mabuo ang magagandang kulay.

Hindi maikukubli ang ningning ng tagumpay ng isa sa ipanagmamalaking natatanging guro ng QUIRINO National High School. Nahasa na ng panahon kung kaya’t lutang na lutang ang makulay niyang pangalan. Pangalang maihahalintulad sa puting kulay na kung babanaagin ay puro ngunit kapag dumaan sa prisma’y makikita ang makulay na kwento sa likod nito katulad ng isa bahaghari.

Mula armonyang katangian ni G. Mark John Prestoza, bilang repleksyon ng iba’t ibang inspiradong kulay ng kaniyang buhay. Binigyan siya ng pagkilala bilang ULIRANG GURO SA FILIPINO 2021 ng Komisyon ng Wikang Filipino sa buong bansa.

Ang mga kulay na bumuo ka kanyang karera upang unti-unti’y makamtan ang mga minimithi’y nagsilbing hagdan niya upang maabot ang nasabing parangal.

Pula. Minsa’y naiuugnay sa salitang pag-ibig subalit sa kabilang banda’y maaaring iugnay sa larangan ng trabaho gay ani G. Prestoza kung saan kakikitaan siya ng determinasyon sa kaniyang trabaho, Naglalayon sa pagkamalikhain at pagiging bukas para sa mga bagong ideya. Dahil dito’y nakamit niya ang karangalanbilang Outstanding Researcher taong 2019 isama pa ang Outstanding Isabelino Youth 2018.

Asul. Kalmado at payapa. Bagaman sa kabila ng lilim ng pandemya’y nanatiling natural at orihinal ang gampaning magbahagi ng edukasyon. Ang kasalukuyang Sistema ng edukayon ay hindi naging hadlang upang magbigay kontribusyon sa pagpapalaganap, pagpapaunlad ta pagpapayaman ng wikang Filipino at mga katutubong wika sa Pilipinas. Pagpapatunay ang kaniyang mga limbag na aklat tulad ng Si Labang ang Asong Matapang-Grade 1, Ang Mahiwagang Hardin ni Aling Sitang-Grade 2, at Ang Alamat ng Dwende-Grade 3

Sa usaping lila, masasabing malakas at agresibo ngunit sa makatwirang paraan. Agresibo sapagkat walang makaawat sa pagiging mahusay na guro, makata at mananaliksik. Patunay dito ang patuloy na pagpapayabong ng kaalaman. Matapos ang Master of Arts in Education-Filipino sa ISU-Echague Campus ay kasalukuyan ang kaniyang Doctor of Education-Filipino sa ISU-Cabagan. . Gayundin ang kaniyang mga limbag na pananaliksik sa wika,kultura ta panitikan. Ilan sa mga ito’y: Methods and Languages used by the Contractual Teachers and its effects to the learners, Suprasegmental: Ebalwasyon sa Kakayahan ng mga Mamayang Quirino sa Wikang Filipino at Iluko, S5: Suri, Sipat at Saliksik, Salin, Sentimento ng Ilokanong Foklor, Wikang Yogad: Durungawan ng Kultura, Tradisyon at Panitikan (Linggwistika Etnograpiya ng Filipinas). Ugnayan sa iba’t ibang ornganisyong lokal at national at pagiging Journal Reviewer sa loob at labas ng bansa.

Tunay na kahanga-hanga, pambihirang kakayahan at kontribusyon ang ipinamalas sa kabila ng pagiging simple. Sa kabila ng pandemya na pilit na lumililim at tumatakip sa liwanag ang kaniyang determinasyon at pagpupursige ang nagsisilbing puting ilaw na aaninag sa prismo upang patuloy na matunghayan natin ang ganda ng bahaghari.

// NEPTHALY C. GASPAR, Grade-9, October 10, 2021