“Panulat, boses at spark ng change para sa accountability ng tao ay nasa inyong mga palad.” 

Tunay na malaki ang pagbabagong nagagawa dahil sa aksyon ng ating mga kabataan, tunay na pinanghahawakan ng Junior Chamber International (JCI) na nangangailangan pa nilang paigtingin ang kakayahan ng bawat kabatan. 

Isa si Rose Anne G. Gimenez sa nagboluntaryo na makilahok dito, at nasabi niya sa isang Press Conference na may apat silang binibigyang pokus ang: Individual Development, Communication Project, Youth Entrepreneur, Developing Leaders kasama ang Leadership Academy. Dito tinutulungan nila ang bawat isang kabataan na mas magamit ang kani-kanilang kakayahan sa iba’t ibang aspekto. 

Nakatutuwang nabibigyan nilang pansin ang kabataan at mas pinapalakas pa ang mga ito hindi lang pisikal ngunit pati ang talion ng mga ito ay nahahasa tulong ng samahan. Naipahayag din nito na binibigyan nila ang hindi mapalad na mga estudyante sa kanilang suplay ng mga gamit sa paaralan at bag, ayon din sa kaniya nakapagbibigay sila ng 300 bag sa mga estudyante kahit na walang tulong ng pamahalaan. 

Aniya, adbokasiya sa kabataan ang nais niya dahil nais niyang marinig ang boses ng mga ito. Nakatutuwang pinanghahawakan talaga ng mga ito ang kinabukasan ng bayan—walang iba kung hindi ang kabataan. Dahil paniniwala ng samahan nila, ang kabataan ang pinakamalakas at pinakamakapangyarihan.

Tunay na magiging malakas at makapangyarihan lamang ito kung gagamitin natin ito sa tamang paraan. Kung bubuksan natin ang ating isipan sa nangyayari sa ating bayan at kikilos gamit ang talino, paniguradong nasa inyong harapan na ang pagbabago ng kinabukasan ng ating bayan.