दिन ३१: (३ मार्च २०२६/१९ फागुन २०८२)

मानव जातिका पापका निम्ति पश्चताप गरौं, कसैले पनि आफ्ना अधर्मका खातिर दण्ड नपाउन् । परमेश्वरमा पश्चताप गरी ख्रीष्ट येशूमा आ–आफ्ना पापबाट क्षमा पाउन् र पुनः पाप कर्म नगरुन् भनी प्रार्थना गरौं । (१ यूहन्ना १ः९; यशैया १ः १८)

दिन ३२: (४ मार्च २०२६/२० फागुन २०८२)

विश्वमा भइरहेका युद्ध, आतङ्कवाद, भोकमारी, महङ्गी, बेरोजगार, शरणार्थी समस्या जस्ता मुलभूत समस्या समाधानका निम्ति प्रार्थना गरौं । देश देश बिचको युद्ध रोकिन सकोस्, कुटनितिक वार्ताहरुबाट द्वन्दहरु समाधान होउन् र देश देशको बिचमा असल सम्बन्ध हुनसकोस् भनी प्रार्थना गरौं । (भजनसंग्रह ५५ः२२ ; एफिसी ३ः२०)

दिन ३३: (५ मार्च २०२६/२१ फागुन २०८२)

संसारका विभिन्न ठाउँहरूमा रहेर प्रभुको सेवा गरिरहेका व्यक्तिहरूका लागि प्रार्थना गर्नुहोस् । उनीहरूको सुरक्षा र आवश्यकताहरू पूरा हुन सकोस् साथै नेपाली मण्डलीहरूले पनि संसारका कुना कुनामा मण्डली स्थापकहरू पठाउन सक्षम बन्न सकून भनी प्रार्थना गरौं । (यशैया ५२ः७ ; लुका ९ः २) ।

दिन ३४: (६ मार्च २०२६/२२ फागुन २०८२)

विश्वका कतिपय देशहरू चरम खाद्यन्न संकष्टबाट गुज्री रहेका छन् । विकसित तथा सम्पन्न राष्ट्रले गरिब तथा विपन्न राष्ट्रहरू प्रति सहयोग र आपसी भाइचारा सम्बन्ध कायम राखुन् भनी प्रार्थना गरौं । (हितोपदेश १० ः४ ; उपदेशक ४ः१०)

दिन ३५: (७ मार्च २०२६/२३ फागुन २०८२)

विश्वका विभिन्न तह तप्काका प्रभावशाली अगुवाहरुले धार्मिकता र न्यायपूर्ण शाशन गर्न सकून भनी प्रार्थना गरौं । जसको प्रतिफल हरेक देशका नागरीकहरुले निर्धक्क र शान्तिपूर्ण भएर हरप्रकारले धार्मिक र आदरणीय जीवन विताउन सकौँ भनी प्रार्थना गरौं । (१ तिमोथी २ः १–२, प्रस्थान २२ः२८)

दिन ३६: (८ मार्च २०२६/२४ फागुन २०८२)

विश्वभर बढ्दै गइरहेको प्रदुषण, आणविक हात हतियारको उत्पादन, वितरण र भण्डारण नियन्त्रण हुन सकोस्, संम्बन्धित राष्ट्रहरू जिम्मेवार बनून्, यो पृथ्वी सबै जीवित प्राणीहरूका साझा घर सुरक्षित रहोस् भनी प्रार्थना गरौं । (भजनसंग्रह ३४ः १७ ; लेवीहरू २५ः१७)

दिन ३७: (९ मार्च २०२६/२५ फागुन २०८२)

विश्वभर भइरहेका मानवअधिकार उलब्घण, जस्तैः मानव तस्करी, बन्धक, चेलीबेटी बेचबिखन, आतङ्कवाद, निरब्कुश शासन आदि, अपराध नियन्त्रण र मानवताको भावना जागृत हुन सकोस् भनी प्रार्थना गरौं । (हितोपदेश २ः८ ; ३१ः ८,९)

दिन ३८: (१० मार्च २०२६/२६ फागुन २०८२)

विश्वभर रहेका ख्रीष्टको देह (मण्डली) को सुरक्षाका लागि प्रार्थना गरौं, सुसमाचार प्रचार, चेलापन र मण्डली स्थापना निरन्तर भइरहुन् । झुटा शिक्षाहरू प्रभावहिन बन्दै जाउन् भनी प्रार्थना गरौं । (भजनसंग्रह २७ः५ ; यशैया ५२ः७)

दिन ३९: (११ मार्च २०२६/२७ फागुन २०८२)

विश्वव्यापी मण्डलीका पास्टर अगुवा, मिशनरीहरू साथै उहाँहरूका परिवारका निम्ति प्रार्थना गरौं, उनीहरूको सुरक्षा र सबै आवश्यकताहरू प्रबन्ध हुन सकोस् भनी प्रार्थना गरौं ।

(गन्ती ६ः२४ ; हितोपदेश १०ः२२)

दिन ४०: (१२ मार्च २०२६/२८ फागुन २०८२)

संसारभर रहेका ख्रीष्टियन संघ संस्था, जस्तैः शैक्षिक संस्था, सामाजिक संघ संस्था, अनाथलय, बालगृह, बृद्ध आश्रम, महिला÷बालबालिका उद्धार तथा पुनःस्थापना केन्द्र, जस्ता संस्थाका सुरक्षा प्रवर्धन र प्रभावकारी सञ्चालनका निम्ति प्रार्थना गरौं अनि सबै कुराका लागि धन्यवाद सहित यो वर्षको उपवास प्रार्थनाको अन्त्य गरौं । 

(१ कोरिन्थी १४ः४० ; गलाती ६ः९)