Como cada ano, dende o EDLG, apostamos polo Genially para traballar esta festa tan terrorífica. De cada fiestra do castelo, aparece unha personaxe que nos leva a diferentes xanelas: a orixe do Samaín, contos, cancións e xogos! Premede nel e veredes todo o que nel se esconde.

Sen dúbida, o éxito foi a xanela de xogos, sendo a máis divertida para eles e elas. A momia propoñíalles xogar a diferentes xogos como, buscar o ser terrorífico que se repetía, diferentes crebacabezas (adaptados ás diferentes idades, dende 3 anos ata 2º EP)... Pero sen dúbida, ó exito foi un xogo novidoso deste ano, o "Quen é quen?", no que por equipos debían tirar o dado, é na casilla que lles tocase, debían dicir en galego o nome do debuxo. Ademais, se caían na calaveira tiña que volver ao punto de partida, pero pola contra, se caían na casilla do vampiro… "De vampiro a vampiro e outra vez tiro!" o que lles permitía avanzar no xogo. 

O alumnado de 1.º de ESO celebrou o Samaín cunha actividade de escritura creativa. Deixaron voar a imaxinación embarcándose na creación de relatos de medo, protagonizados por criaturas da mitoloxía galega tan enigmáticas como as Meigas, o Gatipedro, o Lobishome, o Urco ou a Santa Compaña. Ademais de escribir, tiveron a oportunidade de compartir as súas historias lendoas nunha aula ambientada con música tenebrosa e unha atmosfera chea de misterio.