ನಮ್ಮ ಸಂಸ್ಥೆಯಾದ, ಚೈತನ್ಯ ಇಂಡಿಯಾ ಫಿನ್ ಕ್ರೆಡಿಟ್ ಪ್ರೈ. ಲಿಮಿಟೆಡ್‌ನ ಮಹತ್ವದ ಮೈಲಿಗಲ್ಲನ್ನು ಹಂಚಿಕೊಳ್ಳಲು ನಾವು ತುಂಬಾ ಸಂತೋಷಪಡುತ್ತೇವೆ. ಡಿಸೆಂಬರ್ 4, 2023 ರಂದು ನಮ್ಮ ಸಿಆರ್‌ಐಎಸ್‌ಐಎಲ್ ರೇಟಿಂಗ್‌ಗಳಲ್ಲಿನ ಗಣನೀಯ ವರ್ಧನೆಗೆ ನಾವು ಸಾಕ್ಷಿಯಾಗಿದ್ದೇವೆ. ಸಕಾರಾತ್ಮಕ ಪರಿಣಾಮಗಳೊಂದಿಗೆ ಸಿಆರ್‌ಐಎಸ್‌ಐಎಲ್ ರೇಟಿಂಗ್ ನಲ್ಲಿ  ಮೇಲಕ್ಕೇರುತ್ತಾ , ಈಗ ನಾವು ಹೆಮ್ಮೆಯಿಂದ ಗೌರವಾನ್ವಿತವಾದ  'ಸಿಆರ್‌ಐಎಸ್‌ಐಎಲ್ ಎ‌ಎ-/ಸ್ಥಿರ' ರೇಟಿಂಗ್ ಅನ್ನು ಹೊಂದಿದ್ದೇವೆ .

ನಮ್ಮ ಆರ್ಥಿಕ ಶಕ್ತಿ ಮತ್ತು ಸ್ಥಿರತೆಯ ಬಗ್ಗೆ ಸಿಆರ್‌ಐಎಸ್‌ಐಎಲ್ ನ ಅಂಗೀಕಾರವು ಶ್ರೇಷ್ಠತೆಗೆ, ದೃಢವಾದ ಆರ್ಥಿಕ ಕಾರ್ಯಕ್ಷಮತೆಗೆ ಮತ್ತು ವಿವೇಕಯುತ ನಿರ್ವಹಣಾ ಅಭ್ಯಾಸಗಳಿಗೆ ಇರುವ ನಮ್ಮ ಕಠೋರವಾದ ಬದ್ಧತೆಯನ್ನು ಒತ್ತಿಹೇಳುತ್ತದೆ.ಶ್ರೇಷ್ಠತೆ ಮತ್ತು ನಾವೀನ್ಯತೆಯ ನಮ್ಮ ದೃಢವಾದ ಅನ್ವೇಷಣೆಯನ್ನು ಪ್ರತಿಬಿಂಬಿಸುವ ಮೂಲಕ, ನವೀಕರಿಸಿದ ಈ ರೇಟಿಂಗ್ ಸ್ಥಾನಗಳು ಚೈತನ್ಯ ಇಂಡಿಯಾ ಫಿನ್ ಕ್ರೆಡಿಟ್ ಪ್ರೈ. ಲಿಮಿಟೆಡ್ ನ ಮುಂದಿನ ಭರವಸೆಯ ಭವಿಷ್ಯವನ್ನು ಸೂಚಿಸುತ್ತದೆ.

ಮೂಲ ಮೌಲ್ಯಗಳ ಅಚಲವಾದ ಅನುಸರಣೆಯಲ್ಲಿ ನಮ್ಮ ಸಂಸ್ಥೆಯ ಯಶಸ್ಸು ಬೇರೂರಿದೆ ಮತ್ತು ಈ ಸಾಧನೆಯು ನಮ್ಮ ಇಡೀ ತಂಡದ ಸಮರ್ಪಣೆಗೆ ಸಾಕ್ಷಿಯಾಗಿದೆ. ನಮ್ಮ ಯಶಸ್ಸಿನ ಕಡೆಗಿನ ಪಯಣದಲ್ಲಿ ನಿರ್ಣಾಯಕ ಪಾತ್ರವನ್ನು ವಹಿಸಿದ, ನಮ್ಮ ಎಲ್ಲಾ ಪಾಲುದಾರರಿಗೆ ಅವರ ನಿರಂತರ ಬೆಂಬಲಕ್ಕಾಗಿ ನಾವು ಹೃತ್ಪೂರ್ವಕ ಕೃತಜ್ಞತೆಯನ್ನು ಸಲ್ಲಿಸುತ್ತೇವೆ. ನವೀಕರಿಸಿದ ಈ ರೇಟಿಂಗ್ ನಮ್ಮ ಸಾಧನೆಗಳನ್ನು ಮೌಲ್ಯೀಕರಿಸುವುದು ಮಾತ್ರವಲ್ಲದೆ ಕಾರ್ಯಕ್ಷಮತೆ ಮತ್ತು ಸಮಗ್ರತೆಯ ಅತ್ಯುನ್ನತ ಗುಣಮಟ್ಟವನ್ನು ಕಾಪಾಡಿಕೊಳ್ಳುವ ನಮ್ಮ ಸಮರ್ಪಣೆಗೆ ಸಾಕ್ಷಿಯಾಗಿದೆ.

ಭಾರತದ ಚೈತನ್ಯಾದಲ್ಲಿ , ಸಮುದಾಯದ ನೆರವಿನ ಪರಿವರ್ತನಾ ಶಕ್ತಿಯನ್ನು ನಾವು ನಂಬುತ್ತೇವೆ. ಉದಯಪುರ ಪ್ರದೇಶದ ಪ್ರವಾಹ ಪೀಡಿತ ಪ್ರದೇಶಗಳಲ್ಲಿ ಮತ್ತು ಅದರಾಚೆಗೆ ನಮ್ಮ ಸಂಘದ ಸಾಮಾಜಿಕ ಹೊಣೆಗಾರಿಕೆ (ಸಿಎಸ್‌ಆರ್) ಉಪಕ್ರಮಗಳು ಹೆಚ್ಚು ಮುಖ್ಯವಾದ ಸ್ಥಳದಲ್ಲಿ ಸಕಾರಾತ್ಮಕ ಪರಿಣಾಮವನ್ನು ಬೀರಿದೆ. ಅಹೋರಾ ಶಾಖೆಯ ಪ್ರದೇಶದಲ್ಲಿನ, ವಿನಾಶಕಾರಿ ಪ್ರವಾಹದ ಪರಿಣಾಮದಿಂದ ಹೆಣಗಾಡುತ್ತಿರುವವರಿಗೆ ಹೆಚ್ಚು ಅಗತ್ಯವಿರುವ ಸಹಾಯವನ್ನು ಒದಗಿಸಲು ನಾವು ಮುಂದಾಗಿದ್ದೇವೆ. ತೈಲ, ಅಕ್ಕಿ, ಸಕ್ಕರೆ, ಮಸಾಲೆಗಳು ಮತ್ತು ನೈರ್ಮಲ್ಯ ಉತ್ಪನ್ನಗಳಂತಹ ವಸ್ತುಗಳನ್ನು ಒಳಗೊಂಡಿರುವ 400 ಅಗತ್ಯ ಲಾಜಿಸ್ಟಿಕ್ಸ್ ಕಿಟ್‌ಗಳನ್ನು ವಿತರಿಸುವ ಮೂಲಕ, ಸಂತ್ರಸ್ತ ಕುಟುಂಬಗಳು ಎದುರಿಸುತ್ತಿರುವ ಕೆಲವು ಕಷ್ಟಗಳನ್ನು ನಿವಾರಿಸುವ ಗುರಿಯನ್ನು ನಾವು ಹೊಂದಿದ್ದೇವೆ. ಹೆಚ್ಚುವರಿಯಾಗಿ, ನಮ್ಮ ಸಮರ್ಪಿತ ತಂಡವು - ಚದ್ರಾಯ್, ಪಂಚೋಟ ಮತ್ತು ತುಂಬಾ ಎಂಬ ಮೂರು ಹಳ್ಳಿಗಳಿಗೆ ಬೇಳೆಕಾಳುಗಳನ್ನು, ಸಾಬೂನು ಮತ್ತು ಹಿಟ್ಟನ್ನು ತಲುಪಿಸುವ ಮೂಲಕ ಸಹಾಯ ಹಸ್ತವನ್ನು ಚಾಚಿದೆ ಹಾಗೂ ಸ್ಥಳೀಯ ಸಮುದಾಯಗಳಿಂದ ಅಗಾಧ ಕೃತಜ್ಞತೆಯನ್ನು ಗಳಿಸಿದೆ.

ಸುಸ್ಥಿರ ಅಭಿವೃದ್ಧಿಯ ದೄಷ್ಟಿಕೋನದೊಂದಿಗೆ, ನಮ್ಮ ಪ್ರಯತ್ನವು ಮುಂದುವರೆದಿದೆ. ನಾವು ವಿನೂತನ ಮಿಯಾವಾಕಿ ವಿಧಾನವನ್ನು ಬಳಸಿಕೊಂಡು ಮಹತ್ವಾಕಾಂಕ್ಷೆಯ ಅರಣ್ಯೀಕರಣ ಯೋಜನೆಯನ್ನು ಪ್ರಾರಂಭಿಸಿದ್ದೇವೆ. ದೊಡ್ಡಬೊಮ್ಮನಹಳ್ಳಿ ಮತ್ತು ಜ್ಯೋತಿಪುರ ಗ್ರಾಮಗಳಿಗೆ ಸುಸ್ಥಿರ ಭವಿಷ್ಯವನ್ನು ಖಾತ್ರಿಪಡಿಸುತ್ತಾ, 1000 ಚದರ ಮೀಟರ್ ಆವೃತವಾಗಿರುವ ಬಂಜರು ಭೂಮಿಯನ್ನು , ಭೂದೃಶ್ಯವನ್ನು ಸೊಂಪಾದ ಸ್ವರ್ಗವನ್ನಾಗಿ ಪರಿವರ್ತಿಸುವುದು ನಮ್ಮ ಗುರಿಯಾಗಿದೆ, ನವೆಂಬರ್ 1, 2023 ರಂದು ಉದ್ಘಾಟನೆಗೊಂಡ ,  ಈ ಯೋಜನೆಯು, ಶಾಲಾ ಅಭಿವೃದ್ಧಿ ನಿರ್ವಹಣಾ ಸಮಿತಿ, ಶಾಲಾ ಶಿಕ್ಷಕರು, ವಿದ್ಯಾರ್ಥಿಗಳು ಮತ್ತು ಸ್ಥಳೀಯ ಅಧಿಕಾರಿಗಳು ಉತ್ಸಾಹದಿಂದ ಭಾಗವಹಿಸುವುದನ್ನು ಕಂಡು, ಹಸಿರಿನ ನಾಳೆಗಾಗಿ ಮುಂದಿನ ಪೀಳಿಗೆಯ ಆರಂಭವನ್ನು ಗುರುತಿಸುತ್ತದೆ.

ಇದಲ್ಲದೆ, ಹೆಲ್ಪ್‌ಏಜ್ ಇಂಡಿಯಾದೊಂದಿಗಿನ ಪಾಲುದಾರಿಕೆಯೊಂದಿಗೆ ಚಾಮರಾಜನಗರ ಜಿಲ್ಲೆಯಲ್ಲಿ ಬಹು-ವೈಶಿಷ್ಟ್ಯ ಆರೋಗ್ಯ ತಪಾಸಣೆ ಶಿಬಿರಗಳನ್ನು ಆಯೋಜಿಸಿರುವುದನ್ನು ಹಂಚಿಕೊಳ್ಳಲು ನಾವು ಹೆಮ್ಮೆಪಡುತ್ತೇವೆ. ಸಂತೇಮರಹಳ್ಳಿ ಮತ್ತು ರಾಮಾಪುರದಲ್ಲಿರುವ , ನೂರಾರು ಗ್ರಾಮಸ್ಥರು ಕಣ್ಣಿನ ಆರೈಕೆಯಿಂದ ಹಿಡಿದು ಹೃದಯದ ಆರೋಗ್ಯದವರೆಗಿನ  ಪ್ರಮುಖ-ಪರಿಶೋಧನೆಗಳಿಂದ , ಉಲ್ಲೇಖಗಳಿಂದ  ಮತ್ತು ಸಮಾಲೋಚನೆಗಳಿಂದ ಪ್ರಯೋಜನವನ್ನು  ಪಡೆದರು. ಈ ಶಿಬಿರಗಳು ಅವಶ್ಯಕವಾದ ವೈದ್ಯಕೀಯ ಸೇವೆಗಳನ್ನು ಒದಗಿಸುವುದು ಮಾತ್ರವಲ್ಲದೆ ನಮ್ಮ ಚೈತನ್ಯ ಇಂಡಿಯಾ ಫಿನ್ ಕ್ರೆಡಿಟ್‌ನಲ್ಲಿನ ಪ್ರಮುಖ ಮೌಲ್ಯಗಳಾದ, ಸಮುದಾಯ ಮತ್ತು ಕಾಳಜಿಯ ಪ್ರಜ್ಞೆಯನ್ನು ಉತ್ತೇಜಿಸುತ್ತದೆ. 

ನಾವು ಈ ಉಪಕ್ರಮಗಳನ್ನು ಪ್ರತಿಬಿಂಬಿಸುವಾಗ, ಈ ಪ್ರಯತ್ನಗಳನ್ನು ಸಾಧ್ಯವಾಗಿಸಿದ, ನಮ್ಮ ಅವಿಸ್ಮರಣೀಯ  ತಂಡಕ್ಕೆ , ಸ್ಥಳೀಯ ಅಧಿಕಾರಿಗಳಿಗೆ  ಮತ್ತು ಪಾಲುದಾರರಿಗೆ ನಾವು ನಮ್ಮ ಹೃತ್ಪೂರ್ವಕ ಮೆಚ್ಚುಗೆಯನ್ನು ವ್ಯಕ್ತಪಡಿಸುತ್ತೇವೆ. ನಮ್ಮ ವರದಿಯಲ್ಲಿರುವ ಪ್ರತಿಯೊಂದು ಕ್ರಮಾಂಕವು, ನಮ್ಮ ಸಾಮೂಹಿಕ ಪ್ರಯತ್ನಗಳಿಂದ ಸ್ಪರ್ಶಿಸಲ್ಪಟ್ಟ ಜೀವನದ ಒಂದೊಂದು ಕಥೆಯನ್ನು ಪ್ರತಿನಿಧಿಸುತ್ತದೆ. ಒಟ್ಟಾಗಿ, ನಾವು ಆರೋಗ್ಯಕ್ಕೆ , ಸಮುದಾಯಕ್ಕೆ  ಮತ್ತು ಉಜ್ವಲ ಭವಿಷ್ಯಕ್ಕಾಗಿ ಒಗ್ಗೂಡುವ ಶಕ್ತಿಗೆ ನಮ್ಮ ಬದ್ಧತೆಯನ್ನು ಪುನರುಚ್ಚರಿಸುತ್ತೇವೆ.