Azken Berriak!
Gogorarazten dizuegu astearteetan Hezi+ hezkuntza tailerrak daudela 15:00etatik 17:00etara. Datorren azaroaren 17an eskulan tailerra izango dugu, Orientazio departamentuak antolatua.
Mesedez, erantzun mezu honi zuen semea/alaba interesatuta badago whtsapparen bidez edo e-mail bat bidaltzen hedatze@burdinibarrabhi.net helbidera.
Agur bero bat.
Dakizuenez datorren azaroaren 11an, asteazkena, greba orokorrerako deialdia egin dute LAB, ELA, ESK, Steilas, CCOO, UGT, CNT, Etxalde eta Hiru sindikatuek, Euskal Herriko Etxebizitza Sindikatuen Sarearekin eta Etxebizitza Sindikatu Sozialistarekin batera.
Deialdiaren helburua etxebizitza-eskubidea aldarrikatzea, espekulazioa gaitzestea, langile-klasearen pobretzea salatzea eta soldatak igotzea eskatzea da.
Ikasleoi ere, DBH 3. mailatik aurrera, beraien sindikatuek deialdia luzatu die.
Greba-deialdia dela eta, ikastetxeak ezin izango du bermatu zerbitzu guztiek ohiko funtzionamendua izango dutenik. Jantoki-zerbitzuari dagokionez, ezin dugu bermatu ez janari-hornidura, ezta zerbitzua normaltasunez eskaintzeko beharrezkoak diren baldintzak ere.
Hone hemen Eusko Jaurlaritzak agindutako gutxieneko zerbitzuak arloz arlo.
Egoera hau kontuan hartzea eskatzen dizuegu, greba-egunerako zuen antolaketa egin ahal izateko.
Agur bero bat,
Zuzendaritza taldea
Zatoz Trapagaraneko Berbalaguneko Bingo eta Asmakizunetara!
Plan dibertigarri baten bila zabiltza? Euskaraz gozatzeko eta jende berria ezagutzeko aukera polita prestatu dugu!
Azaroaren 13an, ostirala, 17:30ean, Trapagaraneko Berbalaguneko BINGO ETA ASMAKIZUNAK ekintzarekin bat egitera gonbidatzen zaitugu!
Bingoan jolastuko dugu, asmakizunak proposatuko dizkiogu elkarri eta, batez ere, euskaraz giro onean aritzeko aukera izango dugu. Gainera, sariak egongo dira!
Ez duzu zertan aditua izan euskaraz; gogoa eta parte hartzeko irrika besterik ez dituzu behar!
Non? Olaso Kultur Etxean (Funikular kalea, 12 – Trapagaran).
Noiz? Azaroaren 13an, ostirala.
Orduan? 17:30ean.
Animatu eta etorri lagunekin! Zure zain egongo gara!
Izena emateko, jarri gurekin harremanetan:
info@tourbel.com
946 562 698 / 644 294 078
Euskaraz bizi, jolastu eta gozatu!
Gau Beltza, Arimen Gaua izenez ere ezaguna, Euskal Herriko antzinako ohitura da, uzta-garaiaren amaierarekin eta neguaren hasierarekin lotuta dagoena. Urriaren 31ko gauean ospatzen da.
Landa-eremuko jatorria: Halloween ospakizuna zabaldu baino askoz lehenago, euskal baserrietan gau hori ospatzen zen, neguaren etorrera adierazteko eta arbasoak gogoratzeko.
Ohiko elementuak: Kalabazak, arbiak edo patatak hustu, eta barruan kandela bat jartzen zuten, bideak argitzeko, hildakoen arimei bidea erakusteko eta espiritu gaiztoak uxatzeko.
Janzkera eta ohiturak: Jendeak izara zaharrak edo arropa ilunak janzten zituen, suak pizten zituen, gaztainak erretzen zituen eta auzokoekin elkartzen zen.
Azken urteotan, hainbat udalerrik, ikastetxek eta kultur taldek jai hau berreskuratzearen alde egin dute, kultur tradizio propio gisa sustatzeko.
Bizkaia: Gorlizen, Mallabian, Orozkon, Ondarroan eta Lekeition, besteak beste, tailerrak eta kalejirak antolatzen dira.
Gipuzkoa: Nabarmentzekoak dira Errenterian, Donostian (Altzan eta Parte Zaharrean), Astigarragan, Lezon eta Mutrikun antolatzen diren desfileak, beldurren erreketa —Beldurren eltzea— eta kalabaza-ibilbideak.
Ohiko jarduerak: Kalabazak hustu eta zizelkatzeko tailerrak, musika eta zuziekin egindako kalejirak, ipuin-kontalariak eta gaztaina erreduen dastaketa.
Gogorazten dizuegu datorren ostegunean, irailak 1, jantokia abian jarriko dugula. Hori dela eta autobusaren irteera ordua 15:00ra arte berandutuko da.
Gaur, 13:00etatik aurrera DBH4 bukatu dutenek pasa daitezke kurtso eta etapa bukaerako sobrea hartzera.
Sobre horretan noten boletina, informe indibidualak eta historial akademikoak egongo dira. DBHko titulua zentruak kudeatuko eta eskatuko du, dohain da, beraz ez dute ezer egin behar. Tituluaren ziurtagiria nahi izanez gero, ikasgunean agertuko zaie edo bestela idazkaritzan eskatu.
Gaur ekainak 18, osteguna, aterako dira DBH osoko behin-behineko notak.
Erreklamazio epea ekainaren 22arte, astelehena, izango da.
Ekainaren 23an, asteartea, publikatuko dira behin-betiko notak. Bakarrik DBH 4koei banatuko zaie haien historial akademikoa, txosten indibiduala eta titulua eskatzeko informazioa. Besteok, nahi izatekotan, pasa daitezela idazkaritzatik, baina Ikasgune aplikazioan dena eskura duzue.
Ekainaren 19an , ostirala, azken eskola-eguna izango da. DBHko ikasleek LIBURUAK ITZULI beharko dituzte eta dagokien tutoreari eman . Oso GARRANTZITSUA da liburuak plastikozko poltsa batean ekartzea eta honako ordutegi honetan entregatzea: 08:30etik 10:20ra. Ondoren, tailerrak egingo dira, eta jardunaldia 13:00etan amaituko da. Egun horretan ez da jantoki-zerbitzurik izango, eta itzulerako autobusa 13:00etan irtengo da.
Bihar, ekainak 2, nahi izango duzuenokin, trenez joango gara Injeniaritza Eskolara Selektibitateko frogetara.
Trapagarandik 7:35ean igarotzen dena hartuko dugu. Egon, mesedez, 10 minuto lehenago. Lehenengo eta bigarren bagoietan igoko gara. Gainerako egunetan zuen kabuz.
Lasaiago ibili nahi duzuenontzat, aurreko trena 07:13an pasatzen da.
Ez ahaztu, mesedez:
. Barika
. NANA
. Ordainketa ziurtagiria.
Gogoratu gure epaimahaia 17garrena dela.
Animo, ederto egingo duzue eta.
Edozertarako, deizaguzue, mesedez telefono honetara: 688621520.
Zuen zain egongo gara. Aurrematrikulako epea: Martxoaren 24ra arte. Online -Hezigune plataformatik- edo gure idazkaritzatik pasatuz. Tel. 944 28 78 57 emailak: 015178aa@hezkuntza.net komunikazioa@burdinibarrabhi.net
Familia agurgarriak: Aste gutxi barru, zuen seme-alabek Derrigorrezko Bigarren Hezkuntzako 4. mailan ikasi nahi dituzten hautazko irakasgaiak aukeratu beharko dituzte. Erabaki hori haiekin batera komentatu eta baloratu ahal izan dezazuen, orientazio-bilera batera gonbidatzen zaituztegu datorren ostegunean, otsailaren 12an, 16:00etan, institutuko Jabi Llantada areto nagusian.
Zuen etorrera espero dugu.
BURDINIBARRA BHI
Orientazio Saila
Datozen hilabeteetan zuen seme alabentzako Bigarren Hezkuntzako ikastetxea aukeratu beharko duzue. Hain erabaki garrantzisua hartzen lagundu nahian ezagutarazi nahi dizuegu gurea, zuena, Burdinibarra BHI.
Horretarako, datorren urtarrilaren 29an arratsaldeko bost eta erdietan burutuko den Ate Irekiak jardunaldian zuen seme alabekin parte hartzera gonbidatzen zaituztegu.
Familia agurgarri hori:
Gure ikastetxearen etorkizunari begira, Zuzendaritza Proiektua aurkezteko prozesua abian jarriko da. Testuinguru horretan, nire hautagaitza, Ainhoa Riaño, aurkezteko asmoa dut zuzendaritza taldeko kideekin batera, Maialen Etxarri eta Ainhoa Peñalver.
Zuzendaritza proiektua diseinatzen hasi aurretik, ezinbestekotzat jotzen dugu komunitatearen iritziak eta ekarpenak jasotzea. Horrek aukera emango digu ikastetxearen beharrak eta itxaropenak modu egokian txertatzeko.
Horretarako, lehenik eta behin galdetegi bat bete beharko duzue ikastetxeari buruzko analisi sakonago bat egin dezagun. Ondoren, informazio bilera irekia deituko dugu, Zuzendaritza Proiektuaren nondik norakoak azaltzeko. Helburua argia da: guztion artean eraikitako proiektu bat garatzea, konfiantzan eta lankidetzan oinarritua.
Zuen laguntza eta parte-hartzea funtsezkoak izango dira arrakasta bermatzeko.
Eskerrik asko zuen konpromisoagatik eta prestutasunagatik.
MIla esker.
--
Zuzendaria
Ainhoa Riaño
Aurten gure ikastetxean erretiroa hartuko dute beren ibilbide profesional ia osoa Burdinibarran garatu duten lankide batzuek: bi irakasle — Marijose eta Julián— eta bi idazkari — Gurene eta Maite—.
Hainbat urtetan gure institutoan egindako lana eskertzeko pasa den ostiralean, azaroak 7, omenaldi bat egin genion Zugaztietan. Mila esker beraientzako helarazi dizkiguzuen mezu eta agur guztiengatik.
Espero dugu urrats berri honetan asko disfuta dezatela.
Hona hemen ospakizun horretako irudi batzuk.
Trapagaranen 25/10/13
Familia horiek:
Urriaren 15ean hezkuntzari sindikatuek luzaturiko lan-uzteak eragina izan lezake zuen seme-alaben gelako irakasle-taldean eta zentruko zerbitzuetan.
Orduren batetan ikasleak gelatik aterako lirateke eta patioan emango genieke arreta.
Etorriko den ikasleriak jardunaldi osoa eman beharko luke zentruan.
Agur bero bat.
Zuzendaritza-taldea
Familia agurgarria: Aurten eskolaz kanpoko jarduerak hasiko ditugu zuen seme-alabekin Euskal girotze programan parte hartuz. Barnetegi hauetan irailaren 15etik 18ra egingo dira egonaldiak:
1.DBH: GOROZIKA
1.DBH-B: ELGOIBAR
1.DBH-C: LEMOIZ
Datorren astelehenean banatuko zaizue sinatuta itzuli beharko duzuen baimena eta informazio zehatzagoa emango dizuegu.
Agur bero bat.
Zuzendaritza-taldea
Familia agurgarria: Dakizuenez, DBH osoan badugu Liburu Solidarioaren proiektua: ikastetxeak emango dizkie ikasleoi testu-liburuak.
Lasai egon: irailean, WhatsApp eta web orriaren bidez, egin beharreko izapideak adieraziko dizkizuegu.
Agur bero bat.
Trapagaranen, 2025eko uztailak 3an.
Burdinibarra BHIko OOGk, 2025eko uztailaren 3an 18:30etan buruturiko ez-ohiko bileran eskola komunitatea osatzen duten pertsona guztien aurkako ekintza bandalikoak eta kaltegarriak gaitzesten ditu.
Atzo 2025/26 ikasturtean gure ikastetxera ikasteketak burutzera etorriko diren 1DBH zein Batxilergoko 1. mailako ikasleen familiekin bilduta izan zen Zuzendaritza Taldea.
Datorren astean hilak 9 asteazkena, 18etan, Burdinibarra BHIko FAMILIA GUZTIAK deitzen zaituztegu Jabi Llantada Aretoan bilera berri batera.
Aldez aurretik, eskerrik asko.
"10 Lan ildo - Estrategia Partekatua*
*#Burdinibarraeraikiz*
Familia agurgarriak: Galdetegi hau sortu dugu zuen seme-alaben testuliburuei bigarren bizitza bat emateko eta suposatzen duten gastua arintzeko. Bete ondoren, klikatzean, dauden eskaintzak eta eskariak ikusi ahal izango dituzue. Parte hartu ahal izateko, ezinbestekoa da zuen harremanetarako datuak argitaratzea, eskuliburuak trukatu ahal izateko.
Iker Loyola, Ekaitz eta Leireren aita, duela gutxi zendu denez, Burdinibarrako hezkuntza komunitateak familiaren minarekin bat egin nahi du une zail hauetan.
Agur ekitaldia bihar, ekainak 26, izango da 17:30etan Portugaleteko La Auxiliadora beilatokian.
BURDINIBARRA BHIko hezkuntza komunitatea
Sarbide berriko familia guztiak (1DBH eta BATXI 1) eta IGE-AFA deitzen zaituztegu datorren uztailak 2an (asteazkena) 18:00etan Burdinibarra BHIko Jabi Llantada Aretoan Zuzendaritza Taldearekin burutuko den bilerara.
Agur bero bat.
Gure ikasleek ingelesezko antzezlan zoragarri batez gozatzeko aukera izan dute, antzerki profesional batek eskainia. Modu dibertigarri eta dinamikoan, ingelesa testuinguru erreal eta entretenigarri batean bizitzeko aukera paregabea izan da, ahozko ulermena hobetuz eta hizkuntzarekiko motibazioa areagotuz.
Hemen dituzue jardunaldiaren argazki eta bideo batzuk. Gozatu ikasleek bezainbeste!
DBH 4. mailako Leixuri Martínez Robledo elkarrizketatu dute Euskadi Irratian, Marta Encisorekin batera. Elkarrizketan zehar, Leixurik gaitasun handiko ikaslea izanda, bere errealitatea nola bizitzen duen partekatu du.
Aukera bikaina izan da mundu hau hobeto ezagutzeko, batzuetan ez baita oso agerikoa, baina oso garrantzitsua. Leixurik bere egunerokotasuna nola bizi duen kontatu du, bere interesak eta emozioak gela barruan, ikuspegi hurbila eta oso baliotsua emanez.
Guretzat oso aberasgarria da ikasleek bere bizipenak gurekin partekatzea, baita esperientzia horiek irratian hainbat jenderekin konpartitzea, ikusgarritasuna eman behar zaielako! 🧠✨
Zorionak!
Martxoaren 26an, batxilergora etorriko zareten ikasleak aukera duzue Burdinibarra institutua bisitatzeko.
Familia horiek:
Zoritxarrez Sindikatuak eta Aholkularitza ez dira akordio batera heldu. Hezkuntzan martxoaren 25, 26 eta 27rako greba-deialdiak eragina izan lezake zuen seme-alaben gelako irakasle-taldean.
Orduren batetan ikasleak gelatik aterako lirateke eta patioan emango genieke arreta. Grebak ez du eraginik izango ez jantokian ezta garraioan ere. Etorriko den ikasleria jardunaldi osoa eman beharko luke zentruan.
Agur bero bat.
Zuzendaritza-taldea
Urtarrilaren 29an 10:30etik 17:00arte Burdinibarra institutua bisitatzeko ate irekiak dira.
Idazkaritzaren ordutegia: 9:00etik 13:00arte.
Anima zaitez!
Abenduaren 3an Burdinibarra institutuan euskararen eguna ospatuko dugu. Hona hemen egitaraua Euskaraz bizi nahi dut!
Indarkeria matxista ukatzea haren alde egitea da. Batu gaitezen geldiarazteko. We Can Do It!