ARAIRA’A I TE FA’AHORORA’A ‘E TE ARARA’A ‘IA IU ‘ORE HIA

Mai te matauhia, ‘ua ‘aravihihia taua mau tupuna i ni’a i te mau tapa’o ‘ia fano ana’e ratou na ni’a i te moana. Tera ra i teie mahana ‘ua taui te huru terera’a ‘ua vitivitihia te mau pahi riro mai ai ‘ei tumu matamua i mate ai te mau tohorā i roto i te ao. no te mea ‘aita e taime no te mau tohora ‘ia ‘oi’oi i te pae tihiti o taua pahi ra. No reira e ti’a ‘ia tatou ‘ia tere maru ‘ia oraora mai taua mau paraoa.

I ni’a i teie tu’urimara’a, e ti’a ia’u :

Ha’amaramarama ia’u ‘e ‘ia fa’atura i te ture no te haere e hi’o i te mau tohorā ‘e no te terera’a ato’a ia au i te mau vahi fanora’a ‘ia ‘ore te mau paraoa e iuhia
‘Ia maruhia to’u terera’a i ni’a i te mau vahi tohora : i roto i te ho’e area 1000 nautiques i roto i te roto ‘e i pi’iha’iho i te mau ava ‘aore ra i ni’a i te mau vahi terera’a no Tahiti ‘e Mo’orea ‘ia pano’ono’ohia te mau hoani ‘e tae atu i te orara’a moana.
Ha’afaufa’a i te mau ta’ata fafa ‘ia ‘ite ‘oi’oihia te mau ‘animara i ni’a i te miti no reira e titauhia te feia horopahi ‘e ‘ia nehenehe ana’e te mau hoani ato’a ‘e te tahi ta’ata ma’imi i ni’a i te ‘animara fa’a’ote u ‘aore ra te tahi au moiha’a fa’a’ohipahia no te ma’imi maita’i taua maui paraoa.
Fa’atiani ‘e fa’a’ohipa i te mau moiha’a tei fa’aiti i te pepera’a o te mau tohorā. ‘Ei hi’ora’a, a tu’u i te tahi pārurura’a pererau, ‘e te tahi atu mau moiha’a nō te reira.

PĀRURU I TE HAU ‘E TE TA’I HA’AVA-‘ORE O TE HŌHONURA’A MOANA

E ‘ite rahi roa tā te mau tupuna i ni’a i te moana i terā ra tau. ‘Ua hōro’a te mata’i, te tai, te fetū i te ‘avei’a a te mau ta’ata tei fāri’i haeha’a i terā mau tāpa’o, ‘ia riro ‘ei reo o te moana.

Mai te fa’atura’ore i teie reo o te moana o teie nei tau, ‘ua ha’amāmūhia te mau tohorā, ‘e ‘ua fati ato’a te firi i rotopū o te ta’ata ‘e te tai. ‘Ia pāruru ana’e o te reo o te moana, e pāruru ato’a i te ta’i o te tohorā.

‘Ei ta’ata tu’urima, tē fafau nei au e :

Ha’amarū i tā’u fanora’a i roto i te mau vāhī tohorā
Ha’api’i i te māniania i roto i te miti ‘e te mau fifi nō te mau tohorā fa’aitoito i te mau ‘aitauira’a parau ‘e te ‘ōperera’a o te mau peu maita’i, fa’arahi i te ha’amāramaramaraa a te ta’ato’ara’a nō te pārurura’a i te reo o te moana.
Tāpiri i ni’a i tō’u pahi i te mau teiha’a aore rā rave’a hāmanira’a no te fa’aiti i te haruru i raro a’e i te moana, mai te taime nō te hāmanira’a ‘aore rā i te taime e fa’aohipahia ai. ‘Ei hi’ora’a, ha’amaita’i i te mau mātini pahi, ‘ia nehenehe anei, nō te fa’aiti i te cavitation ‘e ‘ia mā’iti i te mau rāve’a ‘āpī e iti roa te hāruru ta rātou e fa’atupu.
‘Atu’atu i tā’u pōtī, te mātini iho ā ra
Tauturu i te ha’aputura’a i te mau ha’amāramaramaraa nā roto i te ‘apitira’a atu i te mau ‘ōpuara’a i ni’a i te haruru i raro a’e i te moana, ‘ia maitai atu te hi’opo’ara’a i te mau ha’ara’a o teie māniania pahī i ni’a i te mau tohorā

HA’AMĀRAMARAMARA’A ‘E FA’ANAHORA’A

‘Ia ha’amāramarama noa tātou i tō tātou mau ‘ite i ni’a i te moana ‘e tōna mau tāpa’o i te tā’ato’ara’a.

E māramarama maita’i ana’e te mau ta’ata ato’a, e ha’amaita’i noa ïa tā tātou ‘ohipa pāruru i te mau tohorā ‘e te terera’a o te ora.

‘Ei ta’ata tu’urima, tē fafau nei au e:

Fa’aara i te mau tupura’a fifi mai te fa’a’ohipara’a i te mau moiha’a uira’a mai Whale Alert. E faufa’a teie nō fanora’a maita’i noa i te mau horomoana ato’a
Hōro’a i tā’u mau hi’opo’ara’a o te mau i’a faufa’a i ni’a i te “Observatoire des espèces emblématiques de Polynésie française”, te tahua natirara mana o te Fenua nō te ihi ravehia e te mau ta’ata. Nō te tauturu i te ha’amaita’ira’a i te mau ‘ite nō ni’a i tō rātou vāhi pārahira’a e tō rātou terera’a
Ha’amāramarama ūra’a, ‘aore ra te mau fārereira’a ‘ē tei tupu nei i rotopū i te pahi e te mau tohorā, ‘ia au i te mau rāve’a i fa’ata’ahia, ‘ia tauturu i te tātarara’a i te mau fifi ‘e te fa’atano i te mau rāve’a ārai
Ha’api’i ‘e fa’aineine i te mau horomoana ‘e te mau ta’ata ato’a, i te ‘ite-mata-ra’a o te mau i’a faufa’a ‘e te peu fanora’a maita’i
Tauturu i te mau ‘ōpuara’a no te ha’api’ira’a e te ha’amāramaramaraa nō ni’a i te parau fa’aau ‘e te mau peu maita’i tāna e fa’ahiti nei
Fa’aha’amana’o i te hau, te feia mana ‘e te mau taiete rahi i te vaira’a o te mau i’a faufa’a i rotopū i te mau ‘ohipa ato’a ta te ta’ata e rave
Fa’ata’a atu i te mau u’i i muri i te fa’atura i te moana ‘e te mau tohorā, e hōro’a atu i tā’u mau ‘ite rau i te feia ’āpī, ‘e te fa’aaraara i te ta’ata nō ni’a i te parurura’a o te mau paraoa, ‘e ‘ou’a ato’a

E PARAU FA’AAU ORAORA

‘Ua fa’atupuhia teie parau fa’aau i te hō’ē ‘ohipa ’āmui, e nehenehe ïa ‘ia vai māramarama noa nō te tā’ato'ara’a. E riro te reira ‘ei arata'ira’a nō te fanora’a i roto i te pūhapara’a tohorā, mai te fa’a’ite i te mau peu maita’i ‘e te mau fa’autu’a nō te mau rāve’a ‘ino. Terā ra, e nehenehe ato’a te mau ta’ata tata’itahi e hōro’a i tō rātou iho fērurira’a nō te fa’atano atu i terā parau arata’i.

Mai te fa’atura, e ha’amana’o teie nei parau i te nati i rotopū i te mau tohorā ‘e te mau ta’ata nō Te Moana Nui a Hiva.

E tu’urima vau i teie parau fa’aau nō tō tātou mau tamari’i, nō tō tātou hīro’a ‘e tō tātou Moana.

‘Ia tu’urima ana’e te ta’ata i teie parau fa'aau

Te hō‘ē Parau Fa‘aau i hamanihia nā roto i te mahi tāpiri a te mau rave ‘ohipa o te fenua.

E ere te tāpiritanga i te hamanira‘a amui o te Parau Fa‘aau i te mea e riro aunoa ai ‘outou ei ta‘ata tu‘urima. E fa‘a‘itehia te mau ta‘ata i tu‘urima i te Parau Fa‘aau i ni‘a i te ‘api « Te mau ta‘ata tu‘urima ».

Page updated

Report abuse