Embedded Files
‘Ua fa mai teie parau fa'aau i ni’a i te tahi ‘ohipa rave ‘amuihia ‘e te mau ta’ata i ‘ape’e i teie ‘opuara’a.
Te titau nei ‘oia te mau tamari’i, te huira’atira, te mau horomoana iti, te mau ta’ata tautai ‘e tautai nui ‘ia fa’ati’a ratou i to ratou mau ‘ite, no te patu i te tahi papa fa’atura no te moana ‘e te mau paraoa. Te arata’i ato’a te ta’atira’a Oceania i teie parau fa'aau, ‘e na te ho’e tomite ti’a’aau i ‘ape’e i tona nu’ura’a.
‘Ia tu’urima ana’e te ta’ata i teie parau fa'aau, ‘ei ha’apapura’a no te tahi orara’a hau i rotopu i te mau ta’ata ‘e te mau tohorā.
TE MOANA NUI, TUTAVARA’A NO TATOU
TE MOANA NUI, TUTAVARA’A NO TATOU
Mai te matahiti 2002, ‘ua riro te mau ‘o pape no Porinetia farani ‘ei vahi puhapara’a no te mau tohorā. I te matahiti 2025, ‘ua ha’amanahia ‘oia ‘ei vahi paruru, pi’ihia Tainui Atea. ‘Ua ha’avihia i te mau ture no te paruru ‘e no te aupuru maita’ira’a i te mau tohorā tae atu i te orara’a e vai nei i roto i te moana maoti i teie ‘opuara’a i maita’i ato’a hia to hoho’a i mua i te aro o te ao.
‘Ua riro te ha’amanara’a o taua hau fenua ‘ei rave’a no te fa’ariro i te moana ‘ei mahora i nehenehe ai te mau tohorā e fa’arahi ia ratou, ha’amaha ‘ia ratou te aura’a ‘ia mahie ratou i roto i te hau. A he’e ai te matahiti, ‘ua turu papuhia teie ‘ohipa maoti i te arara’a o te mau ravera’a ta’ata, i te pae’au ‘o te ma’imira’a ‘e tae atu i te mau rave’a i tu’uhia no te araira’a o te nuna’a.
E’ita teie papa e o ato’a i roto i te parau ‘o te parurura’a ‘inaha ra e o ato’a ‘oia i roto i te parau ‘o te hiro’a tumu. I Porinetia nei, e’ere iho te moana i te ho’e vahi noa ‘are’a ra e fa’ahoho’ahia ‘oia mai te tahi metua tino ‘ore, ho’e vahi oraora, ra’a riro mai ai ‘ei patere ma’a no te nuna’a. E ti’a ïa ia tatou ‘ia ‘atu’atu maita’i i teie tao’a.
E ti’ara’a faufa’a to te paraoa i roto i to tatou nei hiro’a tumu ma’ohi. ‘Oia mau i roto i te mau parau tu’utu’u ‘ua riro teie ‘ei taura, te tahi ïa ‘arere ‘aore ra ho’e ‘auvaha no te po ‘e te ao arata’ira’a no te tahi ta’ata i roto i tona orara’a. E tapa’o ‘oia no te pa’ari, te paruru ‘e te meharo o te moana.
I matou nei, e fa’aturahia te mau tohorā mai te ta’ata ato’a : ho’e a vahi nohora’a, ho’e a aho ora, ho’e a ia moana to raua. ‘Ua riro te tohora’a ‘ei natira’a e vai nei i rotopu i te arutaimareva ‘e te hiro’a tumu, i rotopu i te mau u’i ato’a.
‘Ua riro teie papa, ‘ei turura’a i teie ‘opuara’a no to tatou nei fenua ‘e no te u’i hou.
‘Ua papa’ihia teie papa no te mau ta’ata e ora nei i roto i te ‘auha’atira’a : te mau ta’ata ha’amana, te mau tautai nui, te mau tapena, te mau rave ‘ohipa i roto i tuha’a ratere, te mau ta’ata tai’a, te mau horomoana iti, te mau ta’atira’a tae atu i te huira’atira ‘e te te mau ratere.
Page updated
Report abuse