ARGAZKI ORIENTAZIO JOLASA
ZERTAN DATZA JOLASA?
Jolas hau ikastolako gelakideen artean mapa-fitxa orri bakoitzean agertzen diren argazkien tokia aurkitu eta bertan argazkia berriz ateratzean datza.
Mapan galdera ikur laranjak topatu behar dituzue eta bertara joan.
Behin kokapen egokira iritsita, fitxa orrian puntu horretan agertzen den argazkia atera behar duzue, baina berezitasun batekin: argazkiaren ertz batetan zuen gelako kide bat agertu behar da edo bestela gelaren izena paper batetan (edo eskuan) idatzia nahi baduzue: DBH4... adibidez.
Edonola, saiatu zaitezte argazkia ahalik eta antzekoena izatea, zoomari dagokionez eta atera den norantzari dagokionez batez ere.
Gelakide bakoitzak bere kabuz, gurasoekin edo lagunekin bilatu eta atera dezake fitxako argazkien kopia ahalik eta antzekoena, eta niri bidaliko didazue azabala@zubimusuikastola.eus helbidera, gela eta argazkiaren egilea(k) zehaztuz. Gelakideen artean fitxa batetako argazki guztiak osatzerakoan, hurrengo zailtasun mailako fitxa agertuko zaizue.
Gogoratu pandemia egoeran gaudela eta beraz garaian-garaiko segurtasun arauak zorrotz bete behar direla. Pertsonen arteko segurtasun distantziak betetzen ez direla adierazten duten argazkiak ez dira ontzat hartuko.
Maila bakoitzean argazkiak topatzea zailagoa izango da eta urrutirago mugitu beharko zarete.
Zailtasun maila batetik aurrera, aurkitu beharreko puntuak herriguneetatik urruntzen joango direnez, gurasoen laguntzaz joan beharko duzue gaztetxoenek (bestalde, gurasoek ere hasieratik parte har dezakete).
Ea zeintzuk iristen zareten ikasturtea bukatu aurretik 6 mailak osatzera!
Hemen zenbait adibide:
TALDEAK - GELAK eta zailtasun mailak
Hemen behean aurkituko dituzue zuen gelako lehen fitxa eta bertan maparako sarrera ere, dagokizuen mailako botoi berdean sakatuta.
Botoiaren azpian osatzen ari zareten fitxa agertuko zaizue, zuek bidalitako argazkiak bertan agertuko direlarik.
Behin maila batetako fitxa osatuta, ondorengo zailtasun mailako fitxa agertuko zaizue, ez lehenago.