2. jarduera

Idazketa sortu aurretik, ahoz transmititzen ziren narrazioak, kantuak, olerkiak, gertakariak….Garai batean, ahoz aho entzundakoa ikasi egiten zen, sarritan, kantuak lagunduta eta horrela gordetzen ziren ipuin, bertso eta kantak.

Atal honetan, aurre-ezagutzak azaleratuko ditugu. Zer dakizue ahozko euskal literaturari buruz? Eta badakizue zer diren baladak? Goazen urratsez urrats.

Elkartu zaitezte binaka eta esan adibide hauetatik zein den ahoz transmititutakoa eta zein idatziz. Zergatik? Txantiloia deskargatzeko, egin klik hemen.

Jarduera hau 2.2. jarduera bukatutakoan zuzenduko duzue.

Orain, 2.2. jarduera egingo duzue: ahozko eta idatzizko literaturaren arteko aldeak zehaztuko dituzue taldeka.

Prozedura:

• Elkartu bosteko taldetan. Taldeak egiteko, irakasleak 1etik 5era izendatuko zaituzte (1, 2, 3, 4, 5…) eta bosteko taldeak egingo dituzue. Zenbaki bera duzuenok elkartu.
• Kopiatu 2.2. jarduerako taula orri handi batean.
• ‘Orri birakaria’ teknika baliatuko duzue. Elkarri pasatu orria eta txandaka idatzi ahozko literaturaren edo literatura idatziaren ezaugarri bat.
• Egin behar beste jira harik eta taldekoen iritzi guztiak jaso arte.
• Azkenik, talde handian aztertuko dituzue erantzunak.
• Azpiko taulan jaso ahozko literaturaren ezaugarri nagusiak.
• Koadernoan kopiatu.

Talde handian bateratu 2.1. jardueran eman dituzuen erantzunak. Zein dagokio ahozko literaturari eta zein idatzizkoari? Zeri erreparatu diozue?