Höfuð í bleyti er uppskeruhátíð frístundamiðstöðvanna í Reykjavík þar sem starfsfólk segir sögur af þróunar- og nýsköpunarverkefnum í frístundastarfi. Þemað í ár er Heilbrigði, einn af grunnþáttum menntastefnu Reykjavíkurborgar, Látum draumana rætast. Þar segir að vellíðan barns í daglegu lífi leggi grunninn að virkri þátttöku, aukinni færni og árangri í skóla- og frístundastarfi.
Á uppskeruhátíðinni verða afhent Hvatningarverðlaun skóla- og frístundaráðs fyrir framsækið frístundastarf á liðnu starfsári.
Athugið að málstofurnar og erindi á Höfuð í bleyti 2020 eru ekki lengur aðgengileg. Þau voru aðeins aðgengileg í 72 klst eftir ráðstefnuna.
Finna má nokkur erindi tengd B-hluta verkefnum í þróunarsjóði skóla og frístundaráðs á vef menntastefnunnar.
Dagskrá 22. september 2020
8:30 Opnað verður fyrir fjarfund í Microsoft Teams.
8:50 Leggjum höfuðið í bleyti
Soffía Pálsdóttir, skrifstofustjóri frístundamála SFS - S
9:00 Afhending Hvatningarverðlauna skóla- og frístundaráðs
9:20 Heili í mótun
Um þroska heilans, það sem breytir honum og tengsl við draumaveröldina
Lára G. Sigurðardóttir, læknir og doktor í lýðheilsuvísindum
10:00 Hressing og teygjur
10:20 Málstofur hefjast (sjá fyrir neðan)
Málstofur verða haldnar um áhugaverð þróunarverkefni á vettvangi frístundastarfsins. Flest verkefnin hafa fengið styrk úr þróunar- og nýsköpunarsjóði skóla- og frístundaráðs, en forsenda styrkveitingar er að verkefnin byggi á Menntastefnu Reykjavíkurborgar ,,Látum draumana rætast“.
Athugið að málstofurnar (kynningar og umræður) verða teknar upp og stefnt er að því að þær verði aðgengilegar í 72 klst í gegnum tengla á vefsíðu Höfuð í bleyti. Upptökurnar verða geymdar inn á Microsoft Stream og Google Drive og eytt eftir 72 klukkutíma. Þátttakendum er í sjálfvald sett hvort þeir hafi kveikt á vefmyndavélum og/eða taki þátt í umræðum í gegnum spjallglugga eða með því að kveikja á hljóðnema.
Með því að smella á myndaflís hér fyrir neðan munt þú fá upptöku af viðkomandi erindindi. Hér er hægt að sjá yfirlit yfir allar málstofurnar
