Brgy. Baybay during Bagyong Odette

Himpit nga preparasyon ang gin-ubra sang banwa sang San Joaquin sa pag-abot ni Bagyong Odette (International Name Rai) nga nag tupa kaagahon sang ika-17 sang Disyembre tuig 2021 sa Isla sang Panay. Pila man ka adlaw nga naga-monitor ang operation center sang LGU San Joaquin sa dalagan sang bagyo.

Isa ka adlaw bag-o magtupa ang bagyo sa Panay, naglibot ang San Joaquin LGU sa mga kabaranggayan malapit sa baybay agud mag-anunsyar sang evacuation site sa San Joaquin School of Fisheries. Makita man ang pila ka mga kagamitan patas sa backhoe nga naka-standby sa atubang sang munisipyo para sa mga ginaantisipar nga mga landslide clearing.

Makita sa mga laragway ang halit nga natuga ni Bagyong Odette, apang masuwerte nga wala sang human casualty ang na-record sa pagpanalasa sang bagyo sa banwa sang San Joaquin.