بسطاويسي

          بسطاويسي مره عمل ديدبان                       قال و أنا بره ناموا في أمان

         مين يقدر يقرب و يجي حداي                      خلوا حد يقرب شوفوا هقابلوا إزاي

         أتلف ببطانية و خد لمبته في أيده                   وفي الأيد التانيه بلطه و زقله حديد

         و قال اناديني زي سبع الليل                        خلوا حد يجيني و أنا أوريله الويل

         بعد ربع ساعه بسطاويسي خاف                   طارت الشجاعه منه لما شاف

        شئ بيرقص جانبه و بيجري وراه                  أتاريه من رعبه شاف خياله وراه

        ولع الكبريت و قال يا ستار                         ده ظهرلي عفريت علي شكل حمار

       ورمي اللي في إيده و أخد بعضه و طار          و انتوا تقولوا عليه ولعت فيه النار