Este é un proxecto en colaboración con CEE NªSra de Lourdes (Aspronaga) para Aspace. O grupo da clase laranxa deunos os botóns, impresos en 3D. E explicáronnos tamén que decidiran crear eles mesmos os botóns polos problemas co custo dos botóns grandes, que non ofrecían unha vantaxe proporcionada co custo. Eles fixeron os modelos en 3D dos botóns impresos e aquí, no instituto, ensináronnos a rematalos cos compoñentes electrónicos, cos talleres que fixemos con eles, tanto os alumnos de 4º da ESO como os de 2º de Bach.

Nestes talleres, explicáronnos como preparar os botóns utilizando pulsadores e cables, que soldamos para que o pulsador quedara dentro do botón impreso, mentres que o cable queda fóra, conectado a un adaptador que máis adiante irá conectado ao fenderino.

O primeiro que fixemos foi cortar os cables e pelalos, para así unilos ao pulsador máis facilmente. Este vai colocado na primeira peza do botón, unha especie de base que contén a este pulsador e permite a saída dos cables. Unha vez colocado, colócase unha tapa e unha peza, semellante a un anel que serve para cerrar o botón. Finalmente os cables que quedan fóra son cortados ata a lonxitude desexada e outra vez pelados. Estes son soldados, á súa vez a un jack, que conectaremos despois a outros que saen do fenderino. Isto é dado que os botóns deben de poder ser intercambiables por se calquera avaría sucedera.

Unha parte importante do proceso da montaxe foi a comprobación de que todas as diferentes partes funcionaban de xeito adecuado. Para isto, probamos cada un dos botóns, previamente á instalación, por se houbera calquera problema, a pesar de que os botóns poden ser sinxelamente reemplazados.

O proxecto en si mesmo non so conta con estes botóns, senón que tamén preparamos unhas táboas de madeira nas que irán colocados. A idea en si mesma é facer unha táboa a modo de instrumento, cos botóns, e co propio Fenderino, para que poida ser algo "compacto" e non teña que ser montado para cada uso. Nestas tablas marcamos, en forma de semicircunferencia, aproximadamente, unha serie de posicións para os botóns, de maneira que estén colocados a unnha distancia semellante do usuario. Estes botóns van xa sexa pegados á táboa con pegamento, ou parafusados, cousa que o propio modelo ten en conta, con dous buratos para os parafusos.

Unha vez queda todo isto colocado, o Fenderino vai colocado enriba do soporte, cunha serie de conectados cós botóns.