НАВІНЫ-2025

Квэст-гульня  "Мы разам!", прымеркаваная да Дня народнага адзінства, прайшла 17 верасня ў гісторыка-краязнаўчым музеі для вучняў 10 класа

8 верасня навучэнцы Дзярэчынскай сярэдняй школы імя Г.Л.Кірылава наведалі гісторыка-краязнаўчы музей гімназіі

3 чэрвеня ў межах рэспубліканскай акцыі "Вандруй! Адчуй! Натхняйся!" музей гімназіі наведалі ўдзельнікі  ваенна-палявых збораў і працоўнай практыкі

Дзень адчыненых дзвярэй для дашкольнікаў прайшоў на базе гімназіі. Установу наведалі выхаванцы Цэнтра развіцця дзіцяці і дзіцячага саду №4

У рамках праекта "Урокі мужнасці і міру", ініцыяванага Гродзенскім абласным аб'яднаннем прафсаюзаў, 8 мая гімназісты абмеркавалі найважнейшыя гістарычныя тэмы. 

Дзеці, пераўвасобіліся ў салдат Чырвонай Арміі, партызан, малалетніх вязняў і простых сведкаў зверстваў фашыстаў, расказалі пра страшныя дні Вялікай Айчыннай вайны і мужнасць беларускага народа. 

На ўроку прысутнічаў Парфенчык У.І., старшыня Зэльвенскай раённай арганізацыі прафсаюза работнікаў прамысловага комплексу, які падзяліўся гісторыяй сваёй сям'і, дзе абодва дзядулі самааддана змагаліся і аддалі сваё жыццё за Перамогу.  

Здановіч А.Р., старшыня Зэльвенскай раённай арганізацыі Беларускага прафесаюза работнікаў адукацыі і навукі, расказала гімназістам аб трагедыі в. Шаулічы.

А старшыня першаснай арганізацыі аддзела адукацыі "Беларускае грамадскае аб'яднанне ветэранаў" Кавалевіч І.У. нагадала аб важнасці захавання гістарычнай памяці. 

У канцы вядучая Ступчык Н.Ф. прапанавала навучэнцам лістоўкі з фільмамі пра вайну, якія можна паглядзець з роднымі. Завяршыўся ўрок сумесным выкананнем песні "Дзень Перамогі".

24 красавіка гімназісты прынялі ўдзел у свяце паэзіі "Зэльвенскія сакавіны-2025"

На сустрэчу завіталі члены Мінскага гарадскога аддзялення Саюза пісьменнікаў Уладзімір Мазго, Людміла Воранава-Супрун, Міхась Пазнякоў.

23 красавіка кіраўнік музея Ступчык Н.Ф. прыняла ўдзел у рабоце раённага круглага стала "Аб дзелавым турызме і прафесійнай атэстацыі экскурсаводаў і гідаў-перакладчыкаў" для работнікаў арганізацый, якія курыруюць экскурсійную дзейнасць. Наталля Фёдараўна падзялілася вопытам падрыхтоўкі і атэстацыі сертыфікаванага эскурсавода.

18 красавіка гісторыка-краязнаўчы музей наведалі вучні  Бародзіцкай ПШ. Для іх была арганізавана экскурсія "Нельга забыць. Нельга зразумець. Нельга апраўдаць".

Урок мужнасці, прысвечаны памяці вязняў фашысцкіх канцлагераў, прайшоў на базе гісторыка-краязнаўчага музея 11 красавіка. 

У мерапрыемстве прыняў удзел Баган Сяргей Уладзіміравіч, старшыня раённай арганізацыі "Беларускае грамадскае аб'яднанне ветэранаў".

У сусветную гісторыю 11 красавіка ўвайшло як Міжнародны дзень вызвалення вязняў фашысцкіх канцлагераў.  З гэтай нагоды ў госці да Клаўдзіі Мацкевіч, малалетняга вязня фашызму, прыйшлі прадстаўнікі ўлады, пракуратуры і гімназісты.

Клаўдзіі Міхайлаўне ўручылі кветкі і памятны падарунак.

10-11 красавіка атрад "ЗяЛьвяты" гімназіі прыняў удзел у Абласным злёце пошукавых атрадаў (клубаў) "Мы - нашчадкі Перамогі". 

Гімназісты атрымалі дыплом 2 ступені за лепшую распрацоўку экскурсіі "Маршрутамі Перамогі". А таксама дыплом 3 ступені ў агульнакамандным заліку па выніках трох конкурсных мерапрыемстваў.

У Міжнародны дзень роднай мовы гімназісты адправіліся ў гісторыка-краязнаўчы музей на экскурсію-квэст "Родная мова ў прадметах і рэчах".

Напярэдадні Міжнароднага дня роднай мовы члены савета гісторыка-краязнаўчага музея правялі для гімназістаў пазнавальныя перапынкі "Залацінкі беларускай лексікі". 

Усе жадаючыя мелі магчымасць праверыць уласныя веды, папоўніць слоўнікавы запас, а таксама атрымаць салодкі пачастунак.

19 лютага ў межах Тыдня роднай мовы вучні 6 класаў прынялі ўдзел у інтэрактыўнай гульні "Сакавіты букет роднай мовы". 

Гімназісты "збіралі" ягады і "варылі" варэнне, упрыгожвалі "букетамі" класныя пакоі, "раскладалі" посуд на імправізаванай кухні.

14 лютага на базе гімназіі №1 г.п.Зэльва прайшло раённае мерапрыемства, прысвечанае Дню памяці воінаў-інтэрнацыяналістаў

Выстава да Дня вываду савецкіх войск з Афганістана дзейнічае ў фае гімназіі, дзе кожны ў свабодным доступе можа пазнаёміцца з лёсамі зэльвенцаў, якія аддавалі інтэнацыянальны абавязак у  далёкай краіне.

Вучні пачатковых класаў працягваюць вывучаць гісторыю роднага краю праз экспанаты гісторыка-краязнаўчага музея

НАВІНЫ-2024

9 снежня, у Міжнародны дзень памяці ахвяр генацыду, члены Савета музея прымалі ва ўстанове адукацыі прадстаўнікоў працоўнай моладзі раёна на чале з Талерчык І.М., 

начальнікам аддзела ідэалогіі Зэльвенскага райвыканкама. Гімназісты прэзентавалі веламаршрут "Дарогамі спаленых вёсак Зэльвеншчыны", а таксама правялі экскурсію ў музеі "Страчанае дзяцінства. Злачынствы фашыстаў на Зэльвеншчыне ў адносінах да дзяцей".

6 снежня прайшлі ХІІІ адкрытыя Каложскія чытанні ў г. Гродна, удзел у якіх прыняла Карташова Віялета, вучаніца 9 "А" класа, намеснік кіраўніка музея

У гісторыка-краязнаўчым музеі абноўлена эскпазіцыя па генацыду. Запрашаем на экскурсію "Страчанае дзяцінства", дзе вам распавядуць пра злачынствы фашыстаў у адносінах да дзяцей, вы даведаецеся, хто такія астарбайтары, пачуеце сведчанні малалетніх ахвяр фашызму.

12 кастрычніка кіраўнік музея Ступчык Наталля Фёдараўна выступіла экскурсаводам у межах раённага велапрабегу, прымеркаванага да рэспубліканскай акцыі "Моладзь за бяспеку!"

Дзевяцікласнікі прынялі ўдзел у раённым злёце пошукавых атрадаў "Нам гэты свет патрэбна берагчы!" і атрымалі Дыплом ІІ ступені. Віншуем! 

Наведвальнікі аздараўленчага лагера пабывалі ў музеі, дзе даведаліся пра ўдзел вучняў і моладзі ў Вялікай Айчыннай вайне, а таксама ў гульнёвай форме пазнаёміліся з ваеннымі прафесіямі.

У межах акцыі "Вандруй. Адчуй. Натхняйся" ў музеі прайшла прафарыентацыйная экскурсія для вучняў старэйшых класаў "Настаўнік я - і гэтым ганаруся!"

Губар Аляксандр заняў 1 месца на раённым этапе мультымедыйнага праекта "Дзеці і моладзь у гады Вялікай Айчыннай вайны". Віншуем!

24 мая музей наведалі будучыя першакласнікі дашкольнага цэнтра развіцця дзіцяці

20 мая ў межах фестывалю "Гатоў быць першакласнікам" музей наведалі выхаванцы д/с №4

У маі Савет музея прынял удзел у праекце "Дарогамі памяці і славы" і атрымаў 1 месца на раённым этапе

Экспазіцыя, прысвечаная ліквідатарам аварыі на Чарнобыльскай АЭС, 

адкрылася на базе гісторіка-краязнаўчага музея

У рабят ёсць магчымасць пазнаёміцца з гісторыямі зэльвенцаў, якія ўдзельнічалі ў ліквідацыі аварыі, убачыць фота з асабістых архіваў, пасведчанні і памятныя знакі.

26 красавіка дэлегацыя Ніжняга Ноўгарада наведала музей гімназіі

Калегі з Расіі пазнаёміліся з асаблівасцямі работы школьных музеяў Беларусі. Асаблівая ўвага была нададзена патрыятычнаму выхаванню падрастаючага пакалення.

Урокі, прысвечаныя Хатынскай трагедыі прайшлі на базе музея 

Падчас Дэкады роднай мовы вучні 6-8 класаў наведалі выставу "Майстры слова" ў гісторыка-краязнаўчым музеі гімназіі, дзе пазнаёміліся з творчасцю пісьменнікаў, ураджэнцаў Зэльвеншчыны. 

Да Міжнароднага дня роднай мовы, які адзначаецца 21 лютага,  у музеі арганізавана выстава "Майстры слова"

18 лютага музей з аглядавай экскурсіяй наведалі будучыя першакласнікі, удзельнікі школы ранняга развіцця "Умняшка"

У межах Декады патрыятычнага выхавання, прысвечанай 35-годдзю вываду Савецкіх войскаў з Афганістана, на базе музея прайшлі ўрокі мужнасці

10 лютага на базе гімназіі прайшла раённая канферэнцыя, прысвечаная Дню воінаў-інтэрнацыяналістаў

Члены савета музея прадставілі на канферэнцыю пераносную экспазіцыю "Афганістан у лёсах нашых зялякоў". 

Гімназісты прынялі ўдзел у рэспубліканскай акцыі  "Селфі ў музеі", якая праходзіць кожную трэцюю сераду студзеня

НАВІНЫ-2023

28 снежня наведвальнікі аздараўленчага лагера "Здаравячок" прынялі ўдзел у інтэрактыўнай экскурсіі ў гісторыка-краязнаўчым музеі гімназіі "Слаўныя імёны і традыцыі Беларусі".

21 лістапада ў межах акцыі "Прафсаюзы за турызм", 

прымеркаванай да 75-годдзя  Гродзенскага абласнога прафцэнтра, гісторыка-краязнаўчы музей гімназіі наведалі кіраўнікі прафсаюзных ячэек устаноў адукацыі Зэльвенскага раёна пад кіраўніцтвам Пузач Ірыны Станіславаўна, старшыні Зэльвенскага раённага аб'яднання прафсаюзаў.

У шосты школьны дзень 11 лістапада на базе гісторыка-краязнаўчага музея прайшоў урок-рэквіем 

"Лічбы на сэрцы" для вучняў 5-8 класаў, прымеркаваны да Міжнароднага дня супраць фашызму, расізму і антысемітызму.

У час восеньскіх канікулаў члены Савета музея ў рамках Усебеларускай маладзёжнай экспедыцыі “Маршрутамі памяці. Маршрутамі адзінства» праехаліся дарогамі спаленых вёсак Зэльвеншчыны

Дзеці адправіліся ў населеныя пункты, якія найбольш пацярпелі ад генацыду, да месцаў, дзе ўстаноўлены памятныя знакі. Там гімназісты вывучылі надпісы на помніках, даведаліся, якім падзеям прысвечана канкрэтнае памятнае месца (за што былі знішчаны жыхары, сведчанні відавочцаў). А таксама навялі парадак каля памятнага знака ў в. Беражкі, тым самым ушанаваўшы памяць загінуўшых мірных жыхароў і ваеннаслужачых. 

#молодежная_экспедиция  #маршрутами_памяти #маршрутами_единства  #рцэкРБ

30 кастрычніка на базе гісторыка-краязнаўчага музея адбыўся Дыялог пакаленняў "УЛКСМ: ад мінулага да сучаснага" з удзелам педагогаў і дзяцей 9 класаў

Цікавым было выступленне кіраўніка па ваенна-патрыятычным выхаванні гімназіі Антонавіча Віктара Віктаравіча, які расказаў навучэнцам пра гісторыю ўтварэння Усесаюзнага Ленінскага Камуністычнага Саюза Моладзі (УЛКСМ), а таксама пра парадак прыёму ў рады УЛКСМ. Таксама ён падзяліўся з хлопцамі ўспамінамі аб сваім памятным і хвалюючым дні ўступлення ў шэрагі камсамола 20 кастрычніка 1982 года. Віктар Віктаравіч паказаў хлопцам свой камсамольскі білет, які захоўвае да гэтага часу, як памяць аб самым лепшым часе ў жыцці чалавека - маладосці.

26 кастрычніка ў гісторыка-краязнаўчым музеі гімназіі адкрылася выстава, прысвечаная 105-годдзю з дня ўтварэння УЛКСМ. 

На выставе прадстаўлены фотаздымкі і граматы з асабістых архіваў настаўнікаў. У наведвальнікаў ёсць магчымасць убачыць арыгінальны камсамольскі білет і пазнаёміцца з памяткай камсамольца. А таксама з альбомам пра дзейнасць палітклуба камсамольцаў "Юнасць планеты", які функцыянаваў на базе СШ №2 г.п.Зэльва ў 1980-90-х гадах. Асаблівая ўвага экспанатам, што перадаў у музей падпалкоўнік Антон Уладзіміравіч Карповіч, ветэран міліцыі, праца якога доўгі час была звязана з піянерскай арганізацыяй і камсамолам Зэльвенскага раёна. 

24 кастрычніка гісторыка-краязнаўчы музей гімназіі №1 г.п. Зэльва прымаў адмысловага госця - журналіста і пісьменніка, аўтара гістарычных расследаванняў Мікалая Чаркашына. 

Менавіта ён з'яўляецца аўтарам сцэнарыя дакументальнага фільма "Як выйсці з пекла", які распавядае пра падзеі чэрвеня 1941 года, у тым ліку і пра пераправу праз Зальвянку частак 10-й і 3-й армій Заходняга фронту. Мікалай Андрэевіч пазнаёміўся з экспазіцыямі музея, а таксама падзяліўся планамі аб напісанні новай кнігі пра Зэльвеншчыну. Разам з пісьменнікам музей наведалі ветэран працы Анатоль Вярстак і дырэктар Зэльвенскага раённага архіва Вольга Цэйкала. Кіраўнік музея Наталля Ступчык выказала надзею на плённае супрацоўніцтва ў пытанні выхавання падрастаючага пакалення і абмеркавала з Мікалаем Андрэевічам правядзенне цыкла творчых сустрэч. 

Выстава "Сямейныя рэліквіі", прымеркаваная да Тыдня бацькоўскай любові, дзейнічае ў гімназіі №1 г.п. Зэльва. 

Гэта сумесны праект гісторыка-краязнаўчага музея і музея адукацыі. На выставе прадстаўлены прадметы, якія беражліва захоўваюцца ў сем'ях навучэнцаў і настаўнікаў і перадаюцца з пакалення ў пакаленне як памяць. 

.Напярэдадні Дня настаўніка гімназія прымала ў сваіх сценах ветэранаў педагагічнай працы

  Для іх была праведзена невялікая экскурсія па ўстанове і музеях.

Каляндар падзей 2023

З 1 па 15 верасня ў рамках акцыі "Шануем мінулае - цэнім сучаснасць", прысвечанай Году міру і стварэння, навучэнцы гімназіі наведалі экспазіцыі гісторыка-краязнаўчага музея. 

11 верасня ў гісторыка-краязнаўчым музеі гімназіі №1 г.п.Зэльва ў межах рэспубліканскай акцыі "Шануем мінулае - цэнім сучаснасць" прашлі музейныя заняткі для вучняў  8-х класаў "Гісторыя аднаго экспаната". 

Васьмікласнікі пазнаёміліся з побытавымі рэчамі нашых продкаў і звязанымі з імі традыцыямі. #Идем_в_музейГОЦТИК

Тыдзень музеяў устаноў адукацыі з 12 па 18 мая

Гісторыка-краязнаўчы музей гімназіі наведалі выхаванцы дашкольных устаноў Зэльвы

Савет музея прыняў удзел у абласным праекце "Побач з намі" ў намінацыі "Карта памяці"

Члены Савета музея выйшлі ў фінал рэспубліканскай экспедыцыі "Маршрутамі Памяці"

У рамках экспедыцыі распрацаваны маршрут "Дарогамі спаленых вёсак Зэльвеншчыны". Ад Гродзенскай вобласці было адабрана 15 маршрутаў. Жадаем рабятам поспехаў у яго праходжанні!

Пракуратура Зэльвенскага раёна перадала ў музей копіі архіўных спраў, звязаных з расследаваннем генацыду на тэрыторыі Зэльвеншчыны

26 красавіка на базе гісторыка-краязнаўчага музея гімназіі прайшлі мерапрыемствы для 7-х класаў, прысвечаныя Дню памяці катастрофы на Чарнобыльскай АЭС.

Дзеці пагаварылі аб прычынах і наступствах той страшнай трагедыі. Успомнілі яе ліквідатараў. І нават патрымалі ў руках знак "Удзельнік ліквідацыі наступстваў аварыі ЧАЭС", які перададзены ў часовае карыстанне ў музей намеснікам дырэктара па выхаваўчай рабоце Шэўчык Святланай Валянцінаўнай. Яе бацька - адзін з тых самаахвярных людзей, якія прыйшлі на дапамогу пацярпелым.

Міжнародны дзень вызвалення вязняў нацысцкіх канцлагераў - 11 красавіка, на базе гісторыка-краязнаўчага музея гімназіі 1 г.п. Зэльва прайшоў Урок памяці "Памяць, адказнасць, будучыня"

Вучні зачытвалі для сваіх аднакласнікаў успаміны тых, хто быў дзіцем у гады Вялікай Айчыннай вайны з кнігі "Захавальнікі памяці, ведаў, традыцый". У гэтай кнізе, створанай пад эгідай БГКК, утрымліваюцца сведчанні людзей, якія былі сагнаныя на прымусовыя працы ў Германію, прайшлі жахі канцлагераў, страцілі блізкіх у жарале вайны, у тым ліку і зэльвенцаў. Гімназісты абмеркавалі, як павінны жыць сённяшнія дзеці, каб не пасароміць памяць загінуўшых і быць годнымі нашчадкамі Перамогі.

З кожным днём усё менш застаецца людзей, якія былі сведкамі страшных падзей Вялікай Айчыннай вайны

Тым каштоўней сведчанні тых, хто трапіў у яе горан. У памятны дзень 11 красавіка вучні гімназіі №1 г.п. Зэльва сумесна з работнікамі Цэнтра культуры наведалі малалетняга вязня Мацкевіч Клаўдзію Міхайлаўну. Рабяты павіншавалі Клаўдзію Міхайлаўну з мінулым Юбілеем і Днём памяці, уручылі ёй кветкі і падарункі. Жанчына падзялілася ўспамінамі свайго дзяцінства, звязанымі з вайной і пасляваенным часам. Нягледзячы на беды, якія выпалі на яе долю, Клаўдзія Міхайлаўна захоўвае аптымізм і зараджае ім іншых. Яна пажадала гімназістам добра вучыцца, працаваць на карысць Радзіме і ніколі не ведаць нягод вайны.

22 сакавіка прайшлі гадзіны інфармавання, прысвечаныя Дню памяці ахвяр Хатынскай трагедыі 

Вучні Галынкаўскай сярэдняй школы наведалі музей гімназіі

Карташова Віялета заняла 1 месца ў раённым этапе рэспубліканскага Конкурсу юных экскурсаводаў УА. Віншуем!

Інфармацыйныя гадзіны "Афганістан у лёсе землякоў" прайшлі ў лютым на базе гісторыка-краязнаўчага музея гімназіі

у рамках Дэкады грамадзянска-патрыятычных спраў

У дзень 34 гадавіны з дня вываду савецкіх войскаў з Афганістана ў гісторыка-краязнаўчым музеі гімназіі 1 г. п. Зэльва была адкрыта новая экспазіцыя "Афганістан у лёсах нашых землякоў"

У адкрыцці прынялі ўдзел воіны-інтэрнацыяналісты Сай Уладзімір Аляксандравіч, настаўнік фізічнай культуры гімназіі, і Руды Аляксандр Алексадравич, старшыня раённай арганізацыі грамадскага аб'яднання "Беларускі саюз ветэранаў вайны ў Афганістане".

Урок мужнасці для вучняў 11 класаў,  прысвечаны 120-годдзю з дня нараджэння Героя Савецкага Саюза, Паўла Ільіча Жданава, 

прайшоў 20 студзеня на базе гісторыка-краязнаўчага музея гімназіі 1 г.п.Зэльва. Вучні ўзгадалі найбольш яскравыя моманты біяграфіі героя, заслугі, за якія Павел Ільіч атрымаў высокую ўзнагароду. А таксама здзейснілі выхад да мемарыяльнай дошкі, размешчанай на доме, у якім жыў Павел Ільіч, і ўшанавалі яго памяць хвілінай маўчання.  

   Тыдзень музейнага сэлфі праходзіць у Беларусі з 16 студзеня

16 студзеня зельвенцы адзначылі 120-годдзе з дня нараджэння П. І. Жданава, нашага земляка, Героя Савецкага Саюза.

Больш падрабязную інфармацыю чытайце ТУТ.

Навіны-2022

10 снежня на базе гімназіі №1 г.п. Зэльва прайшоў раённы этап рэспубліканскай квэст-гульні "Па слядах Перамогі". 

Адной са станцый гульні стаў гісторыка-краязнаўчы музей, дзе вучні з 8 каманд УА Зэльвенскага раёна спаборнічалі ў ведах па вядомых палкаводцах Вялікай Айчыннай вайны. 

Экспазіцыя ў Дзень маці

У Дзень маці навучэнцы, калектыў гімназіі і госці пазнаёміліся з матэрыяламі абноўленай перасоўнай экспазіцыі "Ад матулі да дачкі", дзе распавядаецца пра жанчын-педагогаў гімназіі, якія пайшлі па стапах сваіх самых родных і блізкіх людзей, Данілюк Тамары Васільеўне, Махнач Святлане Васільеўне і іх маме Нагула Валянціне Мікалаеўне, Крэчка Таццяне Уладзіміраўне, Малахвей Вользе Уладзіміраўне і іх маме Малахвей Веры Уладзіміраўне, Чарток Ганне Міхайлаўне і яе маме Дзянішчык Лідзіі Лявонцьеўне, Шостка Юліі Мікалаеўне і яе маме Жамойдзік Ганне Феліксаўне.

З 19 па 26 верасня ў гісторыка-краязнаўчым музеі гімназіі 

працуе экспазіцыя "Майстры слова", 

у якой расказваецца пра пісьменнікаў, лёс якіх звязаны з Зэльвеншчынай. У экспазіцыі прадстаўлены фотаматэрыялы з архіваў Юркі Голуба, Дануты Дабрынінай, Уладзіміра Мазго і іншых знакамітых землякоў, кнігі з аўтографамі. На стэндах - цікавыя факты жыццёвага і творчага шляху майстроў слова. Запрашаем усіх жадаючых!

17 верасня, у Дзень народнага адзінства, члены савета музея прынялі ўдзел у адкрыцці памятнага знака ў гонар Шапавалава Васіля Уласавіча, які загінуў, абараняючы Зэльву ў 1944-ым.

З 11 верасня ў гісторыка-краязнаўчым музеі гімназіі 

аформлена экспазіцыя да Дня народнага адзінства

24 жніўня Саветам гісторыка-краязнаўчага музея гімназіі быў арганізаваны квэст "Зэльва твая і мая"для вучняў 5-8 класаў. 

Рухаючыся па маршруце, адзначаным на карце, гімназісты пазнаёміліся з паходжаннем назваў вуліц пасёлка, а таксама выканалі заданні, звязаныя з памятнымі месцамі і цікавымі асобамі. На кожным пункце маршруту хлопцаў і дзяўчат сустракалі гіды, якія дзяліліся інфармацыяй і ацэньвалі баламі адказы каманд. Апошняй кропкай маршруту стаў музей гімназіі, дзе рабятам было прапанавана бліц-апытанне. Пераможцам стала каманда 8А класа "Беларусічы" (класны кіраўнік Сакалоўская А.У.). Віншуем!

29 красавіка на базе музея прайшоў майстар-клас "Нясумная музейная прастора: актыўныя і інтэрактыўныя прыёмы работы" для ўдзельнікаў абласнога семінара "Работа школьнага музея па грамадзянска-патрыятычнаму і духоўна-маральнаму выхаванню". 

Кіраўнік музея Ступчык Н.Ф. уключыла прысутных у работу з філвардамі, рэбусамі, шыфроўкамі, газетнымі артыкуламі, прадэманстравала алгарытмы работы з QR-кодамі і Гугл-аб'ектывам, прапанавала разнастайныя актыўныя прыёмы ўключэнення экспанатаў і дапаможных матэрыялаў у экскурсію.

Акрамя таго, суправаджала ўдзельнікаў семінара ў невялікай абзорнай экскурсіі па цэнтру Зэльвы.

У красавіку-маі на базе музея штотыднёва праходзяць Урокі памяці

9 красавіка Зэльва прымала ўдзельнікаў выязнога прафілактычнага марафону дэпутатаў Маладзёжнага парламента вобласці «Моладзь у рытме ЗВЖ».   

Удзельнікі марафона наведалі з экскурсіяй і музей гімназіі.

У ліку першых наведвальнікаў экспазіцыі, прысвечанай генацыду беларускага народа, настаўнікі фізічнай культуры і здароўя Зэльвенскага раёна.

1 красавіка адкрылася выстава, прысвечаная генацыду беларускага народа ў гады Вялікай Айчыннай вайны

Выстава "Нельга забыць. Нельга зразумець. Нельга апраўдаць " адкрылася пры ўдзеле пракурора Зэльвенскага раёна Аляксандра Пяцэвіча. Яна распавядае аб генацыдзе беларускага народа ў гады Вялікай Айчыннай вайны і, у прыватнасці, аб генацыдзе насельніцтва Зэльвенскага раёна. Дапоўнілі выставу матэрыялы па факце генацыду, прадстаўленыя пракуратурай Зэльвенскага раёна.

Падрабязней на сайце газеты "Праца"

30 сакавіка ў гісторыка-краязнаўчым музеі гімназіі для навучэнцаў 5-6 класаў працавала творчая майстэрня "Музей - свет фактаў і гісторый". 

Гімназісты пазнаёміліся з фактамі генацыду на тэрыторыі Зэльвенскага раёна ў гады Вялікай Айчыннай вайны. Асабліва зацікавілі іх старонкі кнігі Раісы Гарадзінскай " Маладосць мая... Беларусія", аформленай у выглядзе коміксу, у якой распавядаецца аб трагедыі в. Дзярэчын і масавым расстрэле мірных жыхароў падчас фашысцкай акупацыі. Таксама рабяты прынялі ўдзел у афармленні экспазіцыі "Вогненныя сёстры Хатыні".