A BANDA
Deteriorados & Company é unha banda de Country & Blues Heroico do Delta do Morrazo, a punta da lanza comunicativa do proxecto de innovación social interxeracional Deteriorados.
Está composta por cinco persoas con idades cronolóxicas comprendidas dende a veintena ata a setentena. Formada por dúas persoas xubiladas: un profesor asociado da USC (Universidade de Santiago de Compostela) e un ex traballador do Concello de Vigo, ademais dunha pianista estoniana, un profesor universitario e unha recén graduada.
Caracterizados por un estilo moi singular, uns instrumentos pouco convencionais e un repertorio exclusivo, dende Deteriorados & Company levamos en forma musical a nosa por toda a comunidade galega. En vez de ir con un powerpoint, facémolo con música.
Deteriorados nace co desexo de continuar creando e desenvolvendo unha actividade cualitativa tras a xubilación. Un proxecto que, do mesmo xeito que sucede co grupo de música, sostén que é fundamental empoderar a palabra vello e vella, e desprendela dos perxuizos etarios que habitualmente a acompañan, así como desterrar outras acepcións do tipo: sénior, terceira idade… que non son máis que puros eufemismos. A palabra vello e vella necesita romper cos estereotipos que ten asociados e gritar que existe unha nova xeración de maiores: vellas e vellos con espírito interxeracional.
OS COMPOÑENTES
POR QUE UNHA CASSETTE?
Porque é toda unha declaración de intencións: queremos darlle unha nova vida a aquelas cintas que se viron abocadas a quedar esquecidas nun caixón.
Todas as cintas empregadas para a gravación son recicladas. Defendemos a economía circular e realizamos todo o proceso de fabricación da cassette de Deteriorados de forma artesanal e sostible.
Ademais, queremos facer unha homenaxe ao formato democrático por excelencia, que permitiu a grabación e reproducción de son no ámbito doméstico, a formación do que hoxe se chaman playlist para consumir a música persoalizada, e o consumo da música de xeito individualizado e en movemento a través do walkman.
Caixa que contén a cassete de Deteriorados