Workshops

Har du opna Bibelen og tenkt: kva i alle dagar skjer her? Du er ikkje åleine.

Denne workshopen er for deg som vil få litt meir oversikt – utan å måtte vere ekspert. Me tek for oss korleis du kan bruke Bibelen i kvardagen og kvifor Bibelen framleis betyr noko i dag.

Ingen forkunnskapar, ingen dumme spørsmål – berre ein gøy introduksjon til verdas mest leste bok.

Workshopen haldas av Arild Steinsland, prost i Sunnhordland. 

Har du lyst til å ta meir ansvar i ungdomsarbeidet – eller er du allereie leiar og vil bli tryggare i rolla di?

I denne workshopen snakkar me om kva det vil seie å vere ungdomsleiar i kyrkja. Du får tips, verktøy og rom for å dele erfaringar med andre i same situasjon.

Her handlar det om å bygge fellesskap, vere ein god rollemodell og finne din måte å leie på.

Seminaret blir halde av Torfinn Wang, rådgjever for ungdomsarbeid i Bjørgvin bispedøme. 

Likar du fysisk aktivitet, leik og god stemning? Då er denne workshopen for deg!

Saman med KRIK blir det fart, samarbeid og masse moro – låg terskel, høg energi og plass til alle. Her handlar det ikkje om å vere best, men om å vere med.

Seminaret blir halde av Mads Sundfjord.

Kva gjer du når ein ven ikkje har det bra? Og korleis kan du vere der for andre – utan å måtte ha alle svara?

I denne workshopen snakkar me om korleis du kan møte andre ungdommar med omsorg, respekt og tryggleik. Du får enkle verktøy og rom for refleksjon, slik at du kan kjenne deg litt tryggare i møte med vanskelege situasjonar.

Dette er ein workshop for deg som bryr deg – og som vil vere ein god medspelar for andre. 

Seminaret haldes av 13:20

Har du lyst til å spele i band – eller berre prøve deg litt fram? Her får du sjansen!

Saman lagar me musikk, testar ut samspel og har det gøy med instrument og lyd. Enten du syng, spelar, eller berre er nysgjerrig, er du velkomen.

Ingen krav, berre musikkglede, samarbeid og god stemning 🎶

Seminaret blir halde av Eirik Kvalbein (bandleiar i husbandet). 

Likar du å synge – eller har du lyst til å prøve? Då er denne workshopen for deg!

Her syng me saman, jobbar med stemmebruk og opplever kor kjekt det er å skape musikk i fellesskap. Du treng ikkje ha erfaring – det viktigaste er at du har lyst.

Kom og bli med på ei økt fylt med songglede, fellesskap og gode tonar 🎶

Mange unge kjenner på ensomhet. Våre hverdager kan ofte være preget av høye forventninger fra skole, familie, venner og oss selv. Følelsen av ikke å strekke til kan bli tung å bære, og det blir tyngre av at vi sammenligner oss med slik vi oppfatter at andre er.

Hva gjør dette med oss? Hvordan kan vi øve oss på å kjenne at vi er gode nok slik vi er? Hvilke grep kan vi selv da?

I Sjømannskirken møter vi mange unge nordmenn som står i dette, og på seminaret vil vi snakke mer om dette, om oss selv og hverdagen vi lever i. 

Seminaret blir halde av Vigdis Alte frå Sjømannskirken

Lyst på eit seminar med mykje latter, energi og nye folk? På dette seminaret får deltakarane vere med på morosame leikar og aktivitetar som skaper god stemning og fellesskap. Samtidig får ein lære enkle og engasjerande leikar som kan takast med heim og brukast i ungdomsarbeid, konfirmantarbeid og samlingar i eiga kyrkje.

Seminaret blir halde av Oda Grimstad, programleiar i Vegkryss.