Візітоўка вэб-квэста

Мэта вэб-квэста — замацаванне ведаў пра адасобленыя члены сказа, выкананне самастойнай работы па тэме «Адасобленыя члены сказа».

Задачы:

1. Умець адрозніваць сказы з адасобленымі членамі сказа.

2. Засвоіць разнавіднасці адасобленых членаў сказа і спосабы іх выражэння.

Прадметная галіна: беларуская мова.

Міжпрадметыя сувязі: руская мова, методыка выкладання беларускай мовы 

Студэнты 3 курса педагагічнага факультэта спецыяльнасці «Пачатковая адукацыя» 

Рады сустрэчы з вамі, мае дарагія! 

Чакаў, калі вы завітаеце ў мой лабірынт. На працягу доўгіх гадоў складваўся і фарміраваўся сінтаксіс беларускай мовы. Лабірынт «Адасобленыя члены сказа»  — гэта структура, якая складаецца з заблытаных шляхоў да выхаду. Тых, хто не звяртае ўвагу на некаторыя сакрэты, не сістэматызуе свае веды, гэты лабірынт можа завесці ў тупік. Мне вельмі хочацца,  каб вы выйшлі з гэтага лабірынту пераможцамі, а калі самі станеце настаўнікамі, то маглі бы са сваімі вучнямі чыніць гэты тур і атрымліваць асалоду ад вывучэння сакрэтаў сінтаксісу беларускай мовы. Калі ласка, набываем Пуцявы ліст, бяром з сабою цудоўны настрой і жаданне прайці ўсе выпрабаванні на «выдатна». 

Я ўжо чакаю вас каля ўваходу ў лабірынт.

Да сустрэчы! 

Зала «Крыжаванка». Мэта — праверыць веданне асноўных тэрмінаў і паняццяў тэмы «Адасобленыя члены сказа». Тып практыкавання — крыжаванка.

Сцяна «Умова». Мэта — праверыць веданне правіла пра ўмовы адасаблення членаў сказа.  Тып практыкавання — падстаноўка слоў у тэкст.

Вугал «Адасобленыя азначэнні». Мэта — праверыць уменне класіфікаваць сказы з адасобленымі дапасаванымі і недапасаванымі азначэннямі. Тып практыкавання — групоўка-Пазл.

Прамежак «Адасобленыя недапасаваныя азначэнні». Мэта — праверыць уменне знаходзіць сказы з адасобленымі недапасаванымі азначэннямі. Тып практыкавання — пазначыць словы ў тэксце.

Перакрыжаванне «Адасобленыя дапасаваныя азначэнні». Мэта — праверыць веданне спосабаў выражэння адасобленых дапасаваных азначэнняў.  Тып практыкавання — класіфікацыя.

Завулак «Адасобленыя прыдаткі». Мэта — праверыць уменне суадносіць тэарэтычныя палажэнні адасаблення прыдаткаў з адпаведнымі тэорыі прыкладамі.  Тып практыкавання — знайсці пару.

Мяжа «Адасобленыя акалічнасці». Мэта —  праверыць уменне вызначаць, чым выражана адасобленая акалічнасць. Тып практыкавання — увод тэксту.

Прастора «Адасобленыя дапаўненні». Мэта — праверыць веданне і ўменне класіфікаваць адасобленыя і неадасобленыя дапаўненні. Тып практыкавання — класіфікацыя.

Прамая «Адасобленыя далучальныя члены сказа». Мэта — праверыць веданне адасобленых далучальных членаў сказа на тэарэтычным і практычным узроўні. Тып практыкавання — гульня «Хто хоча стаць мильянерам».

«Тупік або выхад?». Мэта — падагульненне ведаў па тэме «Адасобленыя члены скза». Тып практыкавання — квэст-пакой.

Ведаць:

• прыметы адасобленых членаў сказа, умовы і правілы адасаблення.

Умець:

• выяўляць у тэкстах сказы з адасобленымі членамі, вызначаць іх сэнсава-стылістычную ролю, абгрунтоўваць мэтазгоднасць ужывання; 

• рабіць сінтаксічны разбор сказаў з адасобленымі членамі; 

• карыстацца сказамі з адасобленымі членамі ў вусных і пісьмовых выказваннях, правільна іх інтанаваць, ставіць знакі прыпынку; 

• перакладаць з рускай мовы на беларускую тэксты гістарычнай тэматыкі; 

• ствараць тэксты-апісанні помніка гісторыі (культуры) і тэксты-разважанні пра прыгажосць чалавечых узаемаадносін.

Валодаць:

• нормамі афармлення на пісьме сказаў з адасобленымі членамі; 

• нормамі беларускай літаратурнай мовы пры перакладзе тэкстаў, стварэнні самастойных выказванняў.

Абсталяванне:

Планшэт, ноутбук або камп’ютар.

Праграмнае забеспячэнне:

Аперацыйная сістэма Windows 10, праграмы для: кіравання файламі, апрацоўкі тэкстаў, стварэння прэзентацый; кліенцкія  праграмы электроннай пошты (e-mail); магчымасць выхаду ў Інтэрнет.

Матэрыялы на друкаванай аснове:

1. Сучасная беларуская мова : вучэб. дапам. для студ. спец. «Пачатковая адукацыя» ўстаноў, якія забяспеч. атрыманне вышэйш. Адукацыі / Л.М. Грыгор’ева [ и др.]; пад агульнай рэд. Л.М.Грыгор’евай. ‒ 3-е выд., выпр. ‒ Мінск : Выш. школа, 2010. ‒ 622 с.

2. Чалюк, Н.М. Сінтаксіс беларускай мовы. Словазлучэнне. Просты сказ: Вучэб. дапам. для студэнтаў філалагічных спецыяльнасцей устаноў, якія забяспечваюць атрыманне вышэйшай адукацыі / Н.М. Чалюк; пад рэд. Г.М. Малажай. — Мінск : ТетраСистемс, 2004. — 208 с.

 Матэрыялы з Інтэрнэту:

1. Паняцце пра адасабленне. Адасобленыя дапасаваныя і  недапасаваныя азначэнні  // ЯКласс. – URL: https://clck.ru/3LkaSE (дата звароту: 24.03.2025) .

2. Сказы з адасобленымі дапаўненнямі, знакі прыпынку // ЯКласс. –  URL: https://clck.ru/3LkaKz (дата звароту: 24.03.2025).

3. Сказы з адасобленымі акалічнасцямі, знакі прыпынку // ЯКласс. – URL: https://clck.ru/3LkaE2 (дата звароту: 24.03.2025).

4. Сказы з адасобленымі прыдаткамі, знакі прыпынку // ЯКласс. – URL: https://clck.ru/3LkZYP (дата звароту: 24.03.2025).

5. Сказы з адасобленымі ўдакладняльнымі членамі, іх інтанаванне, знакі прыпынку // ЯКласс. – URL: https://clck.ru/3Lkb3e (дата звароту: 24.03.2025).

    Сэрвісы:

https://learningapps.org/

https://joyteka.com/ru/