2026

Giro bikaina, armonia ederrak eta Gorlizko Batzokia jendez lepo euskal kantuan

Atzo, hilak 11, berriz ere elkartu ginen Topakantako lagunak euskal kantutegiari bueltatxo bat emateko. Kasu honetan, Gorlizko Batzokian izan genuen hitzordua. Uda garaia heldu dela nabari da; eguraldi zoragarria egin zuenez, jendetza animatu eta hurbildu zen gure egitasmoa babestera. Batzokia bete zen, abesteko gogoz.

Benetan zirraragarria eta polita da taberna oso bat ahots bakarrez euskal kantuak babesten entzutea. Gainera, argi esan behar da: Gorlizko lagunek ondo baino hobeto abesten dute! Kasu askotan, abestien artean armonia eta bigarren ahots ederrak egiten ibili zirela konturatu ginen, eta horrek maila berezia eman zion saioari. Anderren eta nire partez, eskerrik asko bihotzez! Plazer hutsa izan zen atzo zuekin une goxo horiek partekatzea.

Hurrengo Topakanta ez da izango ohikoa den bezala uztailaren bigarren ostegunean. Udako jaiak direla eta, egutegia pixkat moldatu behar izan dugu. Hori dela eta, Gorlizko uztailaren saioa uztailaren 30ean izango da (osteguna).

Beraz, idatzi data ondo agendan, deitu zuen lagunei eta senideei, eta goazen denon artean poliki-poliki proiektu hau gero eta handiagoa bihurtzera.

Bejondeizuela eta laster arte!

Maiatzean izan behar zena ekainean ospatuko da! Oraingoan Batzokian elkartuko gara euskal kantuekin gozatzeko. Gogoratu, ekainaren 11n arratsaldeko 19:30etan bertan egongo gara euskara Gorlizetik zabaltzeko eta euskal kantutegiaz gozatzeko. 

Animatu zaitezte eta zatozte!

Gorliz Topakantaren inguruan gertatzen diren berri guztietaz jakin nahi al duzu? 

Eman izena Whatasapp talde honetan eta ez duzu saio bat ere galduko! Sartu eta partekatu zure sareetan!

Badakigu non ospatuko den hurrengo Topakanta! Gorlizko Batzokian!

Beraz zuen agendetan apuntatu, maiatzak 14, arratsalde 19:30etan Gorlizko Batzokian betiko lez elkartuko gara euskaraz mintzatzeko euskal abestiak danon artean abesten ditugun bitartean. Esan lagun guztiei eta zatozte!

Gorliz Topakantaren inguruan gertatzen diren berri guztietaz jakin nahi al duzu? 

Eman izena Whatasapp talde honetan eta ez duzu saio bat ere galduko! Sartu eta partekatu zure sareetan!

Giro bikaina eta kantu eskariak protagonista Arin-Arin tabernan

Atzo, beste behin, Gorlizko kaleak kantuz jantzi genituen. Hirugarren Topakanta honek Arin-Arin tabernan hartu zuen aterpe, eta eguraldiak ere bat egin nahi izan zuen gurekin; eguzkiak eta tenperatura gozoak giroa berotzen lagundu zuten hasieratik.

Ohi bezala, arratsaldeko 19:30ean hasi eta ordu t'erdi luzez aritu ginen eztarriak nekatzen. Benetan ederra izan zen adin desberdinetako lagunak elkarrekin abesten ikustea: gazte, heldu zein nagusi, denak ahots bakarrera. Hori da Topakantaren helburua, eta atzo Gorlizen argi geratu zen transmisioa pil-pilean dagoela!

Baina atzoko saioak bada nabarmentzeko zerbait: inoiz baino kantu eskari gehiago jaso genituen! Badakizue Topakanta saio bizia dela eta zuon gustuko abestiak eskatzeko aukera duzuela; bada, atzo Ander eta biok ez ginen gelditu! Eskari horiek guztiek erakusten dute gure kantutegia bizirik dagoela eta gogotsu zaudetela.

Eskerrik asko Arin-Arin tabernako lan-taldeari eta hurbildu zineten guztioi. Giro honekin, ezinezkoa da hurrengoa iristeko gogoz ez egotea! Hurrengoa, maiatzaren 14an!

Behin Korrikaren marea pasatu eta gero, orain dator Euskara bultzatzeko gararia. Deitu lagunak eta hurbildu zaitezte kantu batzuk botatzera, animo!

Gorliz Topakantaren inguruan gertatzen diren berri guztietaz jakin nahi al duzu? 

Eman izena Whatasapp talde honetan eta ez duzu saio bat ere galduko! Sartu eta partekatu zure sareetan!

2026an Topakanta Gorlizera iritsiko da!

Berri bikaina euskalzale eta kantuzale guztiontzako! Ingurutik egindako egitasmoaren arrakasta ikusita, aurten, 2026an, Gorlizera iritsikoa da Topakanta!

Topakanta zer den jakin nahi baduzu webgune honetako Egitasmoan ondo azalduta dagen arren, laburbilduz, zera da: 

Hilero, adostutako egutegi baten barruko  ostegun batean euskal kantuz gozatzeko aukera izango duzue giro lasai eta euskaldunean.  Gure helburua euskaraz aritzea da gure herrikide eta lagunekin, euskaraz kantari gagozalarik.

Laister berri gehiago izango dituzue, baina lehen Topakanta otsailaren 12an izango dela badakigu. Arratsaldeko 19etan elkartiuko gara oraindik zehazteke dagoen taberna batean. Beraz lagunekin hitzordua gorde eta informazio gehiago dakigunean hemen bertan jarriko dugu! Animatu!