Dokumentuak

Hemen Muskizko Tokiko 2030 Agendako prozesuarekin eta herriko Kalitate nahiz Ingurumen kudeaketari lotutako dokumentu guztiak aurki ditzakezu

HONDAR HONDARTZAKO UREN ASTEROKO ANALISIA. Urtero bezala, Eusko Jaurlaritzako Osasun Sailak, Autonomia Erkidegoko bainatzeko uren osasun-zaintzako programa egiten du. Arena hondartzaren kasuan, zeregin horren erantzukizuna Ezkerraldea-Enkarterrietako Osasun Publikoko Eskualdeari dagokio. Arena hondartzako osasun-zaintzako programa bainu-denboraldi bakoitzean (aurten ekainaren 1etik irailaren 30era) erabiltzaileen osasuna babesteko helburuarekin egiten da. Horretarako, uraren osasun-egoera, instalazioen eta sarbideen baldintzak eta informazio-sistemen funtzionamendu egokia kontrolatu dira.

Uraren osasun-kontrola astelehenetan egiten diren asteroko laginketen bidez egiten da. Laginketa bakoitzean hiru lagin jasotzen dira: hondartzaren ezkerraldean (Muskiz-PM2), erdialdean (Muskiz-PM1) eta eskuinaldean (Zierbena-PM1). Urteko lehen laginketetako bat Osasun Sailak gainbegiratzen du, laginak biltzeko prozedura betetzen dela ziurtatzeko. Emaitzen berri eman ondoren, uraren kalitate puntuala sailkatzen da, 1341/2007 Errege Dekretuan ezarritako irizpideen arabera.