Мәхәббәт

Ике планета...

Көннәр арты көннәр үтә торды

Кылдай өмет шартлап өзелде...

Каендагы язу-сызымнар-

Юкка чыкты...

Җирдә көз инде...

Яратканнар хәзер яратмыйлар

Тапталган хисләрдә-көз исе.

Ак һәм кара...

Бара чиратлашып,

Сүнеп бара җанда яз хисе...

Син һәм мин - капма-каршылык

Җанда - салкын,җил булган төсле

Сары яфрактай,

Коелалар хисләр...

Изгеме син, әллә түгел изге?!

Син һәм мин - ике планета,

Җир шарыннан ерак урнашкан

Көзләрдә-ялгыш,

Күңелдә-сагыш-

Хис төенен ярып укмашкан...

Автор: Резеда Мөхәмәтҗанова

Матурлык

Матурлыкка исең китәрлек,

Әйләнмичә башың нишләсен?

Шул гүзәллек җанга илһам бирә,

Ватып кереп күңел киртәсен.

Җанланмыйча күңел нишләсен?

Чынлап сөю анда булганда.

Шул ярату һәр нәрсәгә күчеп,

Нурлар сирпеп, балкып торганда.

Яратмыйча йөрәк нишләсен?

Яра бәйләр кешең булганда.

Диңгезләрдәй күңел ташып чыгып,

Шул матурлык җанга тулганда.

Автор: Резеда Мөхәмәтҗанова

Тик син кирәк

Тик син кирәк

Хисләремне эчтә,

Тыялмыйча үксеп елаганда.

Тик син кирәк.

Шатлыгымнан җирдә

Басар урын табалмаганда.

Йөрәк ярсуларын

Кайда кую җаен

Белмәс чакта бары син кирәк

Бер җылы сүз, назлы караш

Тик синеке була ала терәк.

Салкын чакта күңел җылытучым

Шатлыкны да бүлә синең йөрәк

Гомер буе тотынып барыр өчен

Минем кулга синең кул кирәк.

Миңа бары, бары син кирәк!

Автор: Резеда Мөхәмәтҗанова