Meeting 2023

ၸုမ်းလုၵ်ႈႁဵၼ်းသင်ႇၶတႆး ၸၼ်ႉၸွမ်ပုတ်ႉထ MCU လမ်းပုၼ်း၊ ၸိုင်ႈထႆးၸတ်းႁဵတ်းပၢင်ၵုမ်

ပီႊၵၢၼ်ႁဵၼ်းၵၢၼ်သွၼ် 2023−2024 ၊

မိူဝ်ႈၼႆႉ ဝၼ်းထီႉ 23 June 2023 (လိူၼ်ပႅတ်ႇမႂ်ႇ

6 ၶမ်ႈ ပီႊတႆး 2117 ၼီႈ) ယၢမ်းၵၢင်ၼႂ်ၼၼ်ႉ ယူႇတီႈၸုမ်းပွင်ၵၢၼ်ပၢႆးပၺႃႇလုၵ်ႈႁဵၼ်းသင်ႇၶတႆး

ၸတ်းႁဵတ်းပၢင်ၵုမ် တႃႇသပ်းလႅင်းပိူင်ယူႇသၢင်ႈၵိၼ်သဝ်းလႄႈ လွင်ႈတႃႇလိူၵ်ႈတင်ႈႁူဝ်ပဝ်ႈမႂ်ႇလိူဝ်ၼၼ်ႉ လၢတ်ႈလွင်ႈတေႃႇ  ဝီႇၸႃႇ(Visa ) ပၼ်တီႈလုၵ်ႈႁဵၼ်းၵဝ်ႇ/ မႂ်ႇ ၸိူဝ်းမႃးသိုပ်ႇၶိုၼ်းႁဵၼ်း

ၸၼ်ႉငဝ်ႈ/ၵၢင် ႁူမ်ႈထိုင်ပႃး ၸၼ်ႉသုင်ၼႂ်း ပီႊၵၢၼ်ႁဵၼ်းၵၢၼ်သွၼ် 2023−2024 တီႈၸၼ်ႉၸွမ် MCU လမ်းပုၼ်း ဝႃႈၼႆ။

ပၢင်ၵုမ်ႁူင်းႁဵၼ်း ပီႊၵၢၼ်ႁဵၼ်းၵၢၼ်သွၼ် 2023−2024 ၼႆႉ မီး ၸဝ်ႈၶူးၼေႃႇၶမ်း ႁဵတ်းပဵၼ်ၽူႈၵိူဝ်းၵုမ် သေ ၸဝ်ႈၶူးဢိၼ်း ႁူဝ်ပဝ်ႈၼိုင်ႈ

ၸဝ်ႈၶူးသူမ်သျၢႆးၵႅမ်ႁူဝ်ပဝ်ႈသွင် ၊ လိူဝ်သေၼၼ်ႉ  မီးၸဝ်ႈၶူးမူၼ်းၶိူဝ်း ႁဵတ်းပဵၼ်ၽူႈၵႅဝ်ႈပၢင်လႄႈ

ၸုမ်းပွင် ၵၢၼ်ပၢႆးပၺ်ႇၺႃႇသင်ႇၶတႆးၶဝ်ၸဝ်ႈ လႄႈ လုၵ်ႈႁဵၼ်း ၶဝ်ႈႁူမ်ႈတင်းမူတ်းမီး ( 20 )ပၢႆ  ၼႆယဝ်ႉ။

ၵဵဝ်ႇလူၺ်ႈလွင်ႈသေၼႆႉ ယၢမ်းၵၢင်ၼႂ် 09:00 မူင်း ယူႇတီႈ ၽူႈၵိူဝ်းၵုမ်  ၸဝ်ႈၶူးၼေႃႇၶမ်း

လႆႈမွၵ်ႇလၢတ်ႈၶေႃႈၵႂၢမ်း ပိုတ်ႇပၢင်ၵႅဝ်ႈၵႂႃႇဝႃႈ− ပၢႆးပၺ်ႇၺႃႇၼႆႉ မၼ်းပဵၼ်ဢဵၼ်ႁႅင်းၸိူဝ်ႉၸၢတ်ႈႁဝ်း လႄႈၵၢၼ်ႁူမ်ႈၵၼ်ပဵၼ်မူႇပဵၼ်ၸုမ်းသေ

ႁဵတ်းသၢင်ႈၼႃႈၵၢၼ်ၼႆႉ ပဵၼ်ဢၼ်လီတႄႉတႄႉ

ဢမ်ႇၸႂ်ႈဝႃႈ ႁဝ်းပဵၼ်တႆးဢိူဝ်ႈ ႁဝ်းတႆးၵူၺ်း

ဢၼ်လူဝ်ႇလႆႈၶဝ်ႈႁူမ်ႈပၢင်ၵုမ်ၼႆၼၼ်ႉဢမ်ႇၸႂ်ႈ

ပေႃးဝႃႈပဵၼ်ၸၢဝ်းၶိူဝ်းသၼ်လွႆၸိုင်ႈတႆးပေႃးၼႆ

မီးသုၼ်ႇၶဝ်ႈႁူမ်ႈလႆႈၵူႈၶိူဝ်းၶိူဝ်းယဝ်ႉၶႃႈ

ၵွပ်ႈၼၼ်လႄႈ ႁဝ်းမႃးယူႇဝၢၼ်ႈပိူၼ်ႈမိူင်းပိူၼ်ႈၼႆႉႁႂ်ႈမေႃယူႇမေႃၵိၼ် ၊ ႁႂ်ႈမေႃၸွႆႈထႅမ်ၵၼ်

ႁႂ်ႈမေႃလဵပ်ႈႁဵၼ်းတူၺ်းပႃးၽိင်ႈငႄႈၾိင်ႈထုင်း

ပိူၼ်ႈ ႁႂ်ႈမေႃၵပ်းသိုပ်ႇၶဝ်ႈႁႃပိူၼ်ႈၵူႈၽၢႆ"ဝႃႈၼႆ။

ၼွၵ်ႈလိူဝ်သေၼႆႉယဝ်ႉ ယင်းမီး ႁူဝ်ပဝ်ႈ

ၸုမ်းလုၵ်ႈႁဵၼ်းသင်ႇၶတႆး ၸဝ်ႈၶူးဢိၼ်း

လႆႈမွၵ်ႇလၢတ်ႈၽၢၵ်ႇၶေႃႈၵႂၢမ်းထိုင်ဝႃႈ

ၶႃႈတပေးတႄႉဢိင်ၼိူဝ်ၵၢၼ်ႁဵၼ်းၶႃႈၵေႃႈ

မီးလွင်ႈတေလႆႈႁဵတ်းထႅင်ႈတင်းၼမ် ယွၼ်ႉၼၼ်

တေယွၼ်းလိုဝ်ႈႁိူဝ်ႉၵိုတ်းသေ ႁႂ်ႈလိူၵ်ႈႁႃႁူဝ်ႈပဝ်ႈမႂ်ႇဢၼ်တေၶိုၼ်ႈမႃးထႅင်ႈၼႆယူႇ။

ဝၢႆးသေ ၸဝ်ႈၶူးသူမ်သျၢႆးၵႅမ်ႁူဝ်ပဝ်ႈမၢႆသွင် 

 မွၵ်ႇလၢတ်ႈၶေႃႈ ၵႂႃႇယဝ်ႉၼၼ်ႉ ယူႇတီႈၽူႈၵႅဝ်ႈပၢင် ၶိုၼ်းသိုပ်ႇၽိတ်ႈမွၵ်ႇ ၸဝ်ႈၶူးလၢဝ်

မွၵ်ႇလၢတ်ႈၶေႃႈၵႂၢမ်း သပ်းလႅင်းၼႄၽႃႇသႃႇၵၢၼ်ႁဵၼ်းၵၢၼ်သွၼ် ၼႂ်းႁူင်းႁဵၼ်းၵႂႃႇ ပဵၼ်ၶၵ်ႉပဵၼ်တွၼ်ႈ ဝႃႈၼႆ။

ဝၢႆးသေၸုမ်းလုၵ်ႈႁဵၼ်းသင်ႇၶတႆးလႆႈထၢမ်တွပ်ႇ

ၶေႃႈထၢမ်ၵူႈလွင်ႈလွင်ႈသေမွၵ်ႈလၢတ်ႈသပ်းလႅင်းယဝ်ႉတူဝ်ႈၵႂႃႇယဝ်ႉၼၼ်ႉ ယူႇတီႈၽူႈၵႅဝ်ႈပၢင် 

ၸဝ်ႈၶူးမူၼ်းၶိူဝ်းႁဝ်းၶႃႈသိုပ်ႇမွၵ်ႇလၢတ်ႈ 

ၶေႃႈၵႂၢမ်းပိၵ်ႉပၢင်ၵႅဝ်ႈလႄႈႁူမ်ႈၵၼ်ထႆႇႁၢင်ႈပဵၼ်ၸုမ်းသေ လွတ်ႈႁေႃး

ပုတ်ႉထသႃႇသၼမ်ႇ သီလမ်တိတ်ႉထတု

ႁူမ်ႈၵၼ်သၢမ်ၵမ်းသေ ပိၵ်ႉပၢင်ၵုမ်

ပဵၼ်ဢၼ်ယဝ်ႉတူဝ်ႈလီငၢမ်းၵႂႃႇယူႇယဝ်ႉ။