ပၢင်တၢၼ်ႈၶႆႈၼႂ်းဝၼ်းပွႆးႁပ်ႉၸုမ်ႈၶူး ၸၼ်ႉၸွမ်မႁႃၸုလႃးလူင်းၵွၼ်း လမ်းပုၼ်း ၸိုင်ႈထႆး ႁူဝ်​​ၶေႃႈ "လွင်ႈၶဵင်ႇတႃႉ လႄႈ တိုဝ်ႉတၢင်းပၢႆးပၺ်ႇၺႃႇတႆး"

Date 0312/2023

ၸဝ်ႈၶူး Dr. သႅင်ႁိူင်း ၼရိၼ်တႃၽိပႃလ (ထမ်မႃၸရိယ၊ M.A.  Ph.D. သၻ်ꩪမ်မၸေႃတိၵꩪꩡ&၊ မႁႃၷၼ်ထဝႃၸၵပၼ်တိတ၊)ၵႅမ်ၽူႈၸတ်းၵၢၼ် ထမ်မတူတ ၶေႃးလဵၵ်ႉ၊ၶူးသွၼ်ၵထိၵ ၸၼ်ႉၸွမ်မႁႃၸူးလူင်းၵွၼ်း မိူင်းၵွၵ်ႇ၊ၸိုင်ႈထႆး၊ၶူးသွၼ်ၵထိၵ ၸၼ်ႉၸွမ်ပုတ်ႉထ မိူင်းထႆး၊

ၶူးပိုၼ်ၶမ်း ၽူႈၵိုဝ်းၵုမ် ၶွင်ႇသီႇဢဝ်ၶိုၼ်းၸိုင်ႈတႆး ၼၼ်ႉသေတၢၼ်ႈၶႆႈပၼ်တၢင်းႁူႉ ၽူႈမႃးၶဝ်ႈႁူမ်ႈပၢင်ပွႆး ႁပ်ႉၸုမ်ႈၶူး B.A. & M.A

ၸဝ်ႈၶူး Dr. သႅင်ႁိူင်း ၼရိၼ်တႃၽိပႃ မွၵ်ႇလၢတ်ႈၼင်ႇၼႆ

"လွင်ႈၶဵင်ႇတႃႉ ၵၢၼ်ငိုၼ်းတွင်း

ပၢႆးမၢၵ်ႈမီး ၊ ၵၢၼ်မိူင်းႁဝ်းတေဢဝ်သင်ၶဵင်ႇပိူၼ်ႈလႆႈ  လွင်ႈၶဵင်ႇတႃႉ ပၢႆးပိင်ႇၺႃႇၼႆၵေႃႈ

ႁဝ်းတူၵ်းလိုၼ်းပိူၼ်ႈ

တႃႇတေမႃးထိုင်လႆႈတီႈၸၼ်ႉၸွမ်လႆႈၼႆႉ

လႆႈၺႃးလူမ်းပၢင်ႇလၢႆႇၽတ်ႉႁဵႅင်း

ႁဵၼ်းဢဝ်တီႈမိူင်းမၢၼ်ႈယဝ်ႉ

တႃႇတေမႃးႁဵၼ်းထႅင်ႈမိူင်းထႆးၵေႃႈ

ဢမ်ႇမီးၵႃႈဝီႇၸႃႇ ၊ ဢမ်ႇမီးၵႃႈၵၢၼ်ႁဵၼ်း

ဢမ်ႇမီးၵူၼ်းပၼ်ႁႅင်း

တႃႇတေမႃးထိုင်လႆႈတီႈၸၼ်ႉၸွမ်ၼႆႉ

ဢမ်ႇငၢႆႈငၢႆႈ ၶဝ်ၸဝ်ႈၸိူဝ်းၼႆႉ

လႆႈၶဵင်ႇတႃႉတေႉတေႉဝႃႈဝႃႈ။

လွင်ႈၶဵင်ႇတႃႉ ၵၢၼ်ငိုၼ်း

ပေႃးၸႂ်ဢေႇေထႃႉထႄႉတႄႉ ဢမ်ႇယဝ်ႉလႆႈ။

မိူၼ်ႇၼင်ႇမၢင်ၸဝ်ႈမၢင်ပႃး

ဢမ်ႇၶၢမ်ႈပူၼ်ႉလႆႈလူမ်းပၢင်ႇလၢႆသေ

ပိဝ်ၵႂႃႇၸွမ်းၵေႃႈမီးတင်းၼမ်တင်းလၢႆ။

ႁဝ်းပဵၼ်မုၼ်ၸဝ်ႈၼႆႉ မိူၼ်ၽူႈၼမ်း

တၢင်းႁူႉႁဝ်းၼႂ်းပုတ်ႉထၽႃႇသႃႇလူဝ်ႇလႆႈၵဵၼ်ႇၶဵင်ၼဵၼ်ႈၼႃႈ၊

ႁဝ်းပဵၼ်ၽူႈလဵၼ်ႈၵၢၼ်းမိူင်းၵေႃႈလူဝ်ႇလႆႈၵႅၼ်ႇၶႅင်ၼႂ်းတၢင်းႁူႉၵၢၼ်မိူင်း၊

ႁဝ်းပဵၼ်ၵူၼ်းႁဵတ်းၵၢၼ်ပၢႆးမၢၵ်ႈမီး

ႁဝ်းၵေႃႈလူဝ်ႇလႆႈၵႅၼ်ႇၶႅင်ၼႂ်းတၢင်းႁူႉၵၢၼ်ပၢႆးမၢၵ်ႈမီး

ပေႃးႁဝ်းၵႅၼ်ႇၶႅင်ၵွၼ်ႇႁဝ်းၸင်ႇတေၶိုၼ်ႈယႂ်ႇဢွင်ႇမၢၼ်လႆႈၼႂ်းၼႃႈၵၢၼ်၊

တိုဝ်ႉတၢင်းၼႆႉ လူဝ်ႇၶူင်ဢဝ်ႁင်းၵူၺ်း

တိုဝ်ႉတၢင်းၼႆႉ ဢမ်ႇပေႃးမီးသွင်ပွၵ်ႈ

မိူဝ်ႈမီးတိုဝ်ႉတၢင်းလူဝ်ႇဢဝ်ဝႆႉ။

ပေႃးဢမ်ႇပႆၸွမ်းၼႆ ႁဝ်းမူတ်းတိုဝ်ႉတၢင်း

ႁူင်းႁဵၼ်းၵေႃႈလီ ၸၼ်ႉၸွမ်ၵေႃႈလီ

ၼင်ႇႁိုဝ်တေၵိူတ်ႇဢွၵ်ႇပၼ်ၵူၼ်းၵတ့်ၶႅၼ်ႇလႆႈၼၼ်ႉ ပိူၼ်ႈဢွၼ်ၵၼ်တင်ႈၸၼ်ႉၸွမ်

တင်ႈႁူင်းႁဵၼ်းၽႂ်မၼ်း၊

ယွၼ်ႉသင်လႃႇပေႃးၼႆ

ယွၼ်ႉၵွပ်ႈပိူၼ်ႈမုင်ႈၼႃႈႁၼ်ၵႆ

ပေႃးမႃးတူၺ်းၼႂ်းမိူင်းထႆးၼႆႉၼႆ

ၼိုင်ႈပီၼိုင်ႈပီၼႆႉ  မီးၵူၼ်းယဝ်ႉၸၼ်ႉၸွမ်ၼမ်ၼႃႇ

ယွၼ်ႉပိူၼ်ႈဢွၼ်ၵၼ်ပၼ်

ႁႅင်းပၢႆးပၺႃႇလႄႈ ပိူၼ်ႈဢွၼ်ၵၼ်ယဝ်ႉၸၼ်ႉၸွမ်ၼမ်ယဝ်ႉ

ဢွၼ်ၵၼ်ပူၵ်းပွင်ဝၢၼ်ႈမိူင်းပိူၼ်ႈ

ယွၼ်ႉသင်လႄႈမိူင်းထႆးၶိုၼ်ႈယႂ်ႇၼႆ

ဢမ်ႇၸႂ်ႈဝႃႈမီးႁိူၼ်းတိူၵ်းဢုၼ်ႇလႄႈၶိုၼ်ႈယႂ်ႇလွင်ႈဢၼ်ၶိုၼ်ႈယႂ်ႇၼႆႉသမ်ႉ

ယူႇဢမ်ႇလီၵိၼ်ဢမ်ႇဝၢၼ်ၶႂ်ႈၵႂႃႇႁူင်းယႃလႂ်

ၵႂႃႇလႆႈ ၵူႈတီႈ

ၶႂ်ႈၵႂႃႇႁဵၼ်းလိၵ်ႈမိူင်းလႂ်ၼႆ ၶူင်ႇႁိူဝ်းမိၼ်မီးဝႆႉပၼ် လွင်ႈၶိုၼ်ႈယႂ်ႇ ၼႂ်းတူင်ႇဝူင်းၵူၼ်း

မိူၼ်လုၵ်ႈဢွၼ်ႇမိူင်းၶဝ်

ၵိၼ်တင်းၵိၼ်ယဝ်ႉ

ဢွၼ်ၵၼ်ပႅတ်ႈၼႂ်းၵူၺ်ယိူဝ်ႇ ဢမ်ႇပႅတ်ႈဝိူဝ်

ၵွပ်ႈပိူဝ်ႈပိူၼ်ႈဢွၼ်ၵၼ်ပၼ်ႁႅင်းပၢႆးပိင်ႇၺႃႇ

ၸဵမ်မိူဝ်ႈလဵၵ်ႉလဵၵ်ႉ ပိူၼ်ႈသွၼ်ပၼ်ၼႂ်းႁူင်းႁဵၼ်း ၸဵမ်မိူဝ်ႈလဵၵ်ႉလဵၵ်ႉလႄႈ

တေႃႇထိုင်ပေႃးယဝ်ႉၸုမ်ႈၶူးမႃးၵေႃႈ

ပိူၼ်ႈပေႃးပေႉတူဝ်တင်းၼမ်ယဝ်ႉ

ၵူၼ်းႁဝ်းၵူႈၵေႃႉလူဝ်ႇလႆႈမီးတၢင်းမုင်ႈမွင်း (Hope )ပေႃးဢမ်ႇမီးတၢင်းမုင်ႈမွင်းၼႆႉ

ႁဝ်းၸၢင်ႈၸႂ်တူၵ်း

လူဝ်ႇလႆႈမီးတၢင်းမုင်ႈမွင်းယဝ်ႉ။

မီးတၢင်းမုင်ႈမွင်းယဝ်ႉ

လူဝ်ႇလႆးမီးၽႅၼ်ၵၢၼ် ( Plan )

ၽႅၼ်ၼိုင်ႈဢမ်ႇလႆႈလူဝ်ႇလႆႈၽႅၼ်သွင်

ၽႅၼ်သွင်ဢမ်ႇလႆႈ

လူဝ်ႇလႆႈၸႂ်ႉတိုဝ်းၽႅၼ်သၢမ်ၵႂႃႇ။

ၵူၼ်းႁဝ်းၵူႈၵေႃႉလူဝ်ႇလႆႈမီးပဝ်ႉမၢႆ

တီႈသုင်သုတ်း

ပေႃးႁဝ်းမီးပဝ်ႉမၢႆယဝ်ႉၼႆ

ဢမ်ႇဝႃႈၸိုင်ႇႁိုဝ် တိုၼ်းတေၶိုၼ်ႈယႂ်ႇ

တေဢွင်ႇမၢၼ်ယူႇ"။